فتاة المخابرات

«السكرتيرة» (جاري تعديل السرد)

بقلمى مريم ميرو

♡فتاة المخابرات ♡

البارت الثاني عشر♥️

فى الشركه عند معتز.

معتز: بصى كده يانور انا هشوف شغلك فى الشركه لو لقيته كويس هيبقي ليكى مكتب وتشتغلى هنا بس برضو هتشتغلى عندنا فى البيت علشان تبقى برضو بتساعدينى فى الشغل كمساعده ليا مش خدامه.
نور: تمام شوف انت محتاجنى فى ايه وانا من ايدك دى لايدك دى.
معتز: تمام كده اتفقنا طيب روحى دلوقتي للسكرتيره بتاعت بابا أسأليها على مواعيد الاجتماعات بتاعت انهارده.
نور: تمام بعد اذنك.
ذهبت نور عشان تسأل السكرتيره.
نور: بعد اذنك عاوزه مواعيد الاجتماعات بتاعت انهارده لاستاذ معتز.
السكرتيره: وانتى مين انشاء الله.
نور: انا المساعده بتاعت معتز بيه.
السكرتيره بصت ليها بقرف: اممم اوكيه استني لحد ماادور عليهم اصلى كتباهم فى الدفتر اللى جابهولى معتز ولا اقولك روحى انتى وانا هبقي اجي اقوله.
نور: لا دورى انا واقفه مستنياكى اهو.
السكرتيره بضيق: براحتك انا قولت عشان بس متقفيش ولو وراكى حاجه تانيه اعمليها.
نور: ميرسي ياروحي متقلقيش عليا انا مش ورايا حاجه غيرك انهارده احم.. قصدي مش ورايا حاجه.
السكرتيره بضيق: خدى لقيته اهو وابقى رجعيلى الدفتر تاني.
نور: ميرسي شوفتي موقفتش كتير ولا حاجه مشاء الله عليكي نشيطه لقتيه فى ثانيه.
ومشيت وسابت السكرتيره بتكلم نفسها.
السكرتيره في نفسها: لو ماوريتك هخليكى تمشى ومش هتكملى اسبوع واحده.. مستفزه.

نور: استاذ معتز اتفضل مواعيد الاجتماعات بتاعت حضرتك اهى.
معتز: ماشي شكراً.
وبعد مااخد المواعيد اتعمدت نور توقع القهوه على الدفتر بتاع السكرتيره لما كان الاوفيس بوي بيقدمها لمعتز.
نور عشان تطلع نفسها من الموضوع: اه اتلسعت اووف مش عارف تاخد بالك وانت بتحط القهوه.
معتز: انتى كويسه.
نور: اه بس اتلسعت.
معتز بغضب: مش عارف تاخد بالك وانت بتدينى القهوه يعنى.. روح وابعت حد ينظف المكتب.
وجاب علبه الاسعافات الاوليه وابتدى يدهن مرهم على ايد نور.
نور: مش مشكله ايدى كويسه الحمدلله المشكله الدفتر بتاع السكرتيره هتضايق منى.
معتز: ماتولع هى والدفتر تجيب غيره مش بتقبض فلوس من الشركه.
نور: طيب انا هروح اديهولها واعتذر منها.
معتز: تمام.
نور للسكرتيره: اتفضلي الدفتر بتاعك اهو بس... للاسف هو مش هينفع تستخدميه تاني عشان وقع عليه القهوه.
السكرتيره بزعيق: انتى اللى وقعتى القهوه عليه.
نور: وانا مالى استاذ معتز هو اللى وقع القهوه عليه عادى اعتبريه جابهولك وخدوا منك تانى.
السكرتيره بصوت عالي ومسكت نور من دراعها: انا عارفه ان انتى اللي عملتى كده وانا هعرفك بقي انا هعمل فيكى ايه.
جى معتز متدخل وشد نور من ايد السكرتيره.
معتز: نها ايه اللي انتى بتعمليه ده وازاى تعلى صوتك عليها.
نها(السكرتيره): هى اللى وقعت القهوه على الدفتر وانا عارفه.
معتز: انا اللي وقعت القهوه من غير قصدى ومش انتى بتاخدى فلوس من الشركه عادى اشترى واحد غيره.
نها: انت ليه بدافع عنها.
معتز: انتى مش هتحاسبينى ودى المساعده بتاعتي فاتعاملى معاها بحترام احسنلك لو عاوزه تكملى شغل.
نها بشرر: طيب ماشي.