فتاة المخابرات

«يافرحة ما تمت» (جاري تعديل السرد)

بقلمى مريم ميرو

♕فتاة المخابرات♕

البارت الثاني والعشرون✌️

فى صباح يوم جديد.

فى منزل مرام.

مرام: تيرارا ايه رأيكم فيا.
(كانت لابسه بدله سوده رسميه بس كانت شيك اوى عليها).
امها وجدتها: قمر ربنا يحفظك ياحبيبتي.
الجده سماح: مش ناويه يامرام تتجوزى وتفرحينا بيكى.
مرام: يوووه احنا اتكلمنا كتير فى الموضوع ده وعارفين ان انا مش ناويه خالص.
الجده سماح: مش ناويه ايه؟ انتى عندك 26سنة اللي قدك متجوزين ومخلفين وانتى هتفضلى قاعده جنبنا كده.
مرام: تيتا انا حره وبعدين كفايه بقي انا مبسوطه انهارده مش عايزة عكننه ماتتكلمي ياماما.
مها: خلاص ياماما بقي سيبك من الموضوع ده دلوقتي.
فرح: انا جاهزة ايه رأيكوا فيا.
(كانت لابسه فستان طويل بنفسجى ديق من فوق ونازل بوسع بطرحه نفس اللون وكانت قمرايه كده).
مرام: قمرايه ياقلبى.
مها: طب طالما انتوا جاهزين استنوني ادخل اجهز نفسي بسرعه عشان نروح مع بعض.
مرام: لا هسبق انا عشان ورايا اشغال كتير هناك وانتوا كده كده عربيه هتيجى تاخدكم من هنا لحد هناك.
فرح: كنت عايزة اروح معاكي.
مرام: معلش لسه بدري علي الحفله وانا هروح دلوقتي عشان في حجات تانيه هنعملها قبل الحفله وانتوا ابقوا اتصلوا علي ساره و خلوها متتأخرش.
مها: تمام ماشي ربنا معاكي.

في المانيا عند مراد وسيف.

عزت: فرحت اوى بوجودكم هنا ياولاد والله.
مراد: والله احنا اللي فرحنا اكتر.
عزت: خلاص انهارده الغدا عندى.
مراد: ربنا يكرمك بس خليها فى يوم تانى احنا عاملين حسابنا نتغدا فى الفندق.
عزت: متزعلنيش منك بقي وبعدين سيبك من الفندق الفيلا عندى واسعه.
مراد: شكرا بجد بس مش عايزين نتقل على حضرتك.
عزت: مش بقولك عايز تزعلني منك.
سيف: كتر خيرك بس عشان نبقي مرتاحين اكتر وانتوا كمان.
عزت: خلاص براحتكم بس هتتغدوا انهارده عندى.
سيف ومراد: تمام ماشي.

فى دهب عند رائد وياسمين.

ياسمين: خلصت كل حاجه يلا عشان الطريق طويل.
رائد: يووه ياياسمين انتى لسه زعلانه.
ياسمين: انا قولتلك متكلمنيش اوكيه.
رائد: طب ياستى انا آسف خلاص بقي ماانتي اللي نزلتى عملتى فضيحه وطلعتى.
ياسمين بحزن: انا فضيحه كتر خيرك كل ده عشان اللي ماتتسمي صح.
رائد: مش قصدي انتى اللى دايما بتفهمينى غلط وبعدين انا مليش علاقه بنانسي كانت زميلتى فى الجامعه وخلاص.
ياسمين: مانا بفهمك غلط عشان كلامك غلط ويلا بقي عشان لو اتكلمنا اكتر من كده هنتخانق.
رائد: اووف يلا.

الكل وصل مكان الحفله ماعدا مرام.
مها: هى خرجت قبلنا بكتير واحنا جينا قبلها انا قلقانه عليها.
ساره: متقلقيش يمكن تكون راحت تزور قبر بابا انتى عارفاها.
فرح: انا اتصلت عليها وهى بتزور قبر بابا وجايه.
مها: هااا قلقتنى عليها.

عند مرام.

مرام ببكاء: بابا كل لحظه حلوه في حياتي بسببك انت كنت بتشجعنى فى كل حاجه عايزه اعملها قولتلك لما اكبر عايزه ابقي ظابط فضلت ورايا وتدعمنى بكلامك وحببتنى فى شغلى مع انى كنت صغيره اوى ومقولتليش زى الباقي انتى بنت ومينفعش كان نفسي تبقي معايا في كل حاجه وتشوف اللى انا بعمله وترفع راسك بين الناس بس انت سبتنى وانا شلت بعدك مسؤليه كل حاجه انت كنت ليا سند وانا عارفه لو انت موجود دلوقتي كنت هتبقي فرحان بيا بس انا عارفه برضو انك فى مكان احسن دلوقتي.
حطت الورد اللى متعوده كل ماتيجى تزوره تجيبه وتحطه على القبر بتاعه.
مرام: همشى دلوقتي يابابا عشان متأخرش عليهم.
ركبت مرام عربيتها عشان تروح مكان الحفله.

فى مكان آخر.

شخص: ايوه قطعت الفرامل وهى عند ابوها قولتلك نهايتها انهارده.
:.............
شخص: ههههه تخيل اليوم اللي مفروض رايحه تستلم فى جائزه وتترقي هتموت فيه عبدالله باشا هيبقي فرحان مننا اوى.
: هههههههه.

عند معتز.

تلفون معتز رن.
معتز: اممم عايزه ايه يانها.
نها: ههههه طب كويس انك لسه مسجلنى.
معتز: اخلصى عايزه ايه.
نها: اممم كده ازعل.
معتز: انا هقفل...
نها: لاا استنى انا اتصلت عليك عشان اقولك انك اضحك عليك.
معتز: قصدك ايه.
نها: قصدي ان نور اللي انت طردنى عشانها هى نفسها مرام اللي دخلت بيتك عشان تلم معلومات وتدخل ابوك السجن.
معتز: انتى كدابه.
نها: مش مصدقنى اسألها وهى مش هتنكر سلام يا..... ههههه.

عند مرام كانت سايقه بسرعه على الكوبري وجى ملف داست علي الفرامل عشان تهدى السرعه بس الفرامل مابدوسش فضلت تصرخ لكن للاسف العربيه انحدرت ووقعت من على الكوبري.

ياترى ايه اللي هيحصل مع مرام. 🫡

وايه هيحصل مع مراد وسيف. 🤫

وايه هيحصل مع ياسمين ورائد. 🫢

وايه هيحصل مع معتز. 🧐

كل ده هنعرفه فى اللى جاى. 🥳