فتاة المخابرات

* مفاجأة * (جاري تعديل السرد)

بقلمى مريم ميرو

♡فتاة المخابرات ♡

البارت الخامس عشر ❤️

فى شركه عبدالله المنصورى.

معتز: متقلقيش دى واحده متخلفه يلا الله يسهلها.
نور: انا مش قلقانه دى اخرها تمشي تكلم نفسها من غيظها ههههه.
معتز: فعلاً ههههه صحيح انا حجزت لينا فى مطعم عشان نتعشى بليل.
نور: انت بتتكلم جد انا افتكرتك قولتلها كده عشان تغيظها.
معتز: لا انا كنت بتكلم جد وحجزت لينا انهارده بليل ايه رأيك.
نور: اوكيه تمام معنديش مشكله.

في منزل مرام.

ساره حمدالله على السلامة يافرح باين عليكي فرحانه كده.
فرح: مش عاوزانى افرح ولا ايه.
ساره: لا ياحبيبتي بس باين عليكي منشكحه كده ولا كأنك فتحتي القلعه.
فرح: مفيش حاجه انا كده على طول بس انتى مابتاخديش بالك.
ساره: فعلاً انا مابخدش بالى مفروض اخد بالى بعد كده هااا.
فرح: يووه خلصتي التحقيق فين امك وستك بقي.
ساره: قاعدين جوه بيتفرجوا على التلفزيون.
دخلوا ساره وفرح لقيوا امهم وستهم ومازن بيعيطوا.
فرح بخوف: فى ايه ياماما.
مها: شوفي اللي حصل فى فلسطين ياعينى.
فرح ببكاء: ربنا هاينصرهم انشاء الله عشان هما اصحاب حق.
مازن: ماما ممكن تحكيلي ايه اللي حصل في فلسطين.
ساره: مش هقدر اقولك غير ان في اطفال جميله فى سنك بتموت بشكل وحش وامهات زى وزى جدتك وابوك كلهم بيموتوا بس كلهم عند ربنا شهداء فاأنت ادعيلهم ياحبيبي.
مازن ببكاء: ويعني ايه شهيد.
ساره: يعني هيدخلوا الجنه الحلوة اللي قلتلك عليها قبل كده.
مازن: انا كمان عايز ابقي شهيد.
سماح: ربنا ينولنا كلنا الشهاده يابني.
(كان لازم اتكلم عن فلسطين لان فى قلبي كلام كتير ومش عارفه ازاى اعبر عنه غير كده وملقتش حاجه اعبر بيها غير انى اكتب و افكركم بفلسطين دائماً🇵🇸🇵🇸 ).

فى مكان آخر.

مرعى: ايوه يا مرام باشا انا جبت الاوراق اللي توقع عبدالله والمطعم اللي بيتعامل معاه.
مرام: كويس اوى كده عبدالله هياخد مؤبد ههههه وانا كمان قربت اخلص مهمتى بس في حاجات كتير بتحصل انا مكنتش متوقعاها.
مرعى: المهم ان اي حاجه تحصل تبقي في صالحنا.
مرام: لحد دلوقتي في صالحنا المهم لو حصل جديد بلغنى تمام.
مرعى: تمام يلا سلام.

فى فيله ايمن المنشاوى.

صفاء: يلا يا ياسمين لو هتنزلى عشان تعملي شوبينج.
ياسمين: تمام انا جاهزة يلا ياطنط.
صفاء: طيب اتصلي علي رائد يجي يوصلنا للمول وعشان يختار معاكي ويشترى هو كمان لنفسه لبس.
ياسمين: تمام ماشي هتصل عليه.
ياسمين: الو يارائد ازيك.
رائد: الحمدلله ايه فى حاجه.
ياسمين بخجل: انا ومامتك رايحين نعمل شوبينج وطنط قالتلى ارن عليك عشان تيجي معانا.
رائد: معلش والله مش فاضي عندي شغل كتير.
ياسمين بحزن:تمام ماشي و انا اسفه عشان عطلتك عن شغلك.
رائد: متزعليش منى بس انتي عارفه اني بحاول اخلص شغلى قبل كتب كتابنا عشان نعرف نتبسط فانا مضغوط الفتره دي.
ياسمين بفرحه: طيب ماشي انا مش زعلانه وربنا معاك.
رائد: تمام ماشي وخلوا بالكوا من نفسكوا وهبقي اتصل اطمن عليكوا.
ياسمين: ماشي سلام.
(اوقات الكلام بيبقي عامل زى السكينة فايجرح اللي حواليك ويفضل معلم فيهم واوقات بيبقي عامل زى الاكل الحلو الكل بيحبه وبيعرف يغير المزاج للاحسن فاخلوا بالكوا من كلامكم .)
ياسمين: رائد عنده شغل ومش هيعرف يجى.
صفاء: خلاص ماشي مش مشكله السواق يبقي يوصلنا.
ياسمين: تمام ماشي.