فتاة المخابرات

♕ تغيير ♕ (جاري تعديل السرد)

بقلمى مريم ميرو

♕فتاة المخابرات ♕

البارت الرابع عشر 💙

فى شركه عبدالله المنصورى.

نور: استاذ معتز عندك اجتماع بعد الظهر.
وهي بتتكلم الظهر آذن.
معتز: اهوو آذن يلا نروح نجهز للاجتماع.
نور: لا يلا نروح نصلى الاول في جامع كنت بشوفه وانا جايه يلا روح اتوضى وانزل صلى وبعدين ندخل الاجتماع.
معتز: بس كده هتأخر على الاجتماع.
نور: عادى يستنه عشر دقايق مفيش مشكله يعني.
معتز بأحراج: بس انا بقالى كتير ما بصليش.
نور: ابدأ تاني من انهارده بص الصلاة دى أول حاجه احنا هنتحاسب عليها وكمان الصلاة هى عماد الدين وبتخليك كده فى راحه نفسيه وعلى فكره اللي وحيد بجد الشخص البعيد عن ربنا مش البعيد عن اهله وأصحابه ده كفايه انك بتكون بين أيد ربنا.. عيش كل لحظه فى حياتك على انها آخر لحظه شوف بقي آخر لحظه فى حياتك هتكون عامله ازاى واعرف أن اعمالك هى اللى هتحكم.
معتز:ومين قالك بقاا ان انا ممكن اسمع كلامك انتى هنا موظفه عندى مش امي.
نور: عندك حق بس ممكن ربنا يكون بعتني ليك عشان اقولك الكلام ده بس براحتك انا قولت انصحك وخلاص بعد اذنك هروح انا اصلي الظهر.
معتز: انا هسمع كلامك لان انا كنت عاوز حد فى حياتى يوجهني صح زى ماانتى بتعملى دلوقتي.
نور: انا موجوده دايما ويلا انزل بقي عشان تلحق تصلي جماعه.
معتز: طيب ماشي.

فى منزل مرام .

سماح: روحي يا مها افتحي الباب عشان بيخبط.
مها: حاضر ياماما.
فتحت الباب فدخلت ساره وهشام ومازن.
ساره: ازيك ياماما.
مازن: تيتاااا.
مها: حبيبي وحشتني يا روح تيتا عامله ايه ياساره ازيك يا هشام.
هشام: ازيك ياطنط جبتلك ساره ومازن عشان عمالين يزنوا عليا من الصبح يلا عاوزين حاجه.
مها: طب اقعد شويه هو انت لحقت.
هشام: معلش عشان عندى شغل كتير هبقي اجي اخدهم بليل.
مها: ربنا يقويك يابني.
ساره: خلى بالك من نفسك ياحبيبي.

فى الداخل.

سماح: ازيك ياساره ياحبيبتي مش متعودين تيجى فى نص الاسبوع يعني.
ساره: ايه ياتيتا مش عاوزانى اجي أشوفك بقالى اسبوعين مجتلكوش قولت تلاقينى وحشتكم ولا حاجه فاقولت اجي أطل عليكم صح يامازن.
مازن: صح ياماما.
سماح: هو مازن ده مشغلاه ببغاء معاكى.
ساره: مازن ده حبيبي صح يامازن.
مازن: صح ياماما انا .
ساره: صحيح امال فين مرام وفرح.
مها: مرام في الشغل بقالها يومين وفرح في الجامعه قالتلى عندها محاضرات قليله انهارده وهاتيجى بدرى.
ساره: اممم طب ماقولتليش ليه ان مرام في الشغل من يومين عشان اطمن عليها.
مها: احنا أصلا عرفنا بالصدفة.
ساره: طب يلا نتصل عليها.
مها: مش هترد هى قافله تلفونها ولما بتفتح بترن.
ساره: ربنا يسترها عليها.
مها: آمين.

فى مكان آخر.

مرام: الو يامرعى.
مرعى: الو يافندم ايه الجديد اللي عندك.
مرام: ده الجديد كتير اوى اسمع يامعلم اكتشفت حاجه وعليك بقي تجيبها.
مرعى: سيبيها عليا.
مرام: في مجموعه مطاعم معروفه بياخدوا اللحوم والخضروات المضروبه من شركه عبدالله المنصورى بسعر أقل بكتير من الحاجات الطازج وده سبب تسمم لناس كتيره والتسمم بيجيلهم بعد فتره كبيره مش بعد مابياكلوا على طول فامبيشكوش فيهم فاانا عاوزاك تتصرف وتثبت كل اللى قولتهولك ده عشان هيساعدنا فى قضيه عبدالله.
مرعى: تمام انا هتصرف فى الموضوع ده.
مرام: ماشي يلا سلام.
مرعى: سلام.