فتاة المخابرات

~ حادث ~ (جاري تعديل السرد)

بقلمى مريم ميرو

♕فتاة المخابرات ♕

البارت الثالث والعشرون✨

عند مرام كانت سايقه بسرعه على الكوبري وجى ملف داست علي الفرامل عشان تهدى السرعه بس الفرامل مابدوسش فضلت تصرخ ومش عارفه تعمل ايه حتى الباب علق ومش عايز يفتح ولكن للاسف العربيه انحدرت ووقعت من علي الكوبرى.

فى الحفله.

معتز كان مضايق جدا وقرر يجى الحفله عشان يتأكد من الحقيقه لكن اول مافرح شافته.
فرح: هو انت ايه اللي جابك هنا اضربت مره ايه جاي تضرب تانى.
معتز: انا اسف على الموقف اللي حصل انا فعلاً كنت غلطان بس عقلت دلوقتى.
فرح: ههههه والله طب الحمدلله انك عقلت ضرب مرام جى معاك بفايده اومال ايه اللي جابك.
معتز: جاى اشوف مرام هى فين.
فرح: لسه مجتش.
معتز: اممم تمام ماشي.
مرام اتأخرت جدا والكل بقي قلقان حتى اللواء على باشا.

على باشا لأم مرام: هى اتأخرت كده ليه احنا عارفين مرام دايما بتيجي في المعاد اول مره تتأخر عن موعد متفقه عليه خصوصا ان دى حفله ومعموله مخصوص ليها.
مها: والله معرف هى اتأخرت ليه انا قلقانه اصلا عليها.

دخل واحد من العساكر الحق ياعلى باشا الظابط مرام عملت حادثه والعربيه وقعت من على الكوبري.
الكل اتصدم من اللي سمعوه مها وقعت على الارض من اللى سمعته وسماح اغمى عليها وساره مقدرتش تقف سندت على هشام ومعتز اتصدم وحس ان الدنيا بتلف من حواليه وفرح من الصدمه بقت تزعق فيهم.
فرح: انت بتقول ايه انت اكيد مجنون بصت لعلى باشا وانت هتسكت شوف فين اختى انتوا اكيد بتهزروا صح. و قعدت على الارض وفضلت تعيط.
معتز بزعيق: وهى فين دلوقتي متعرفش.
العسكري: نقلوها لاقرب مستشفى بس بيقوله انهاا....
معتز: ماتنطق انت هتنقطنا.
العسكري: انهاا متشلفطه و.. و... وقاطعه النفس.
مها: لااا لااا مرام بنتى كويسه انتوا كدابين.
على باشا: طب يلا نروح على المستشفى اللي هى فيه... هى مستشفى ايه.
العسكري: مستشفى ال(____).
على باشا: تمام ماشي يلا.

الكل راح للمستشفى بس عرفوا انها فى العمليات وعايشه فاحمدوا ربنا واستنوا لحد مالعمليه تخلص.

فى ڤيله ايمن المنشاوى.

صفاء: حمدالله على السلامة ياولاد عاملين ايه.
رائد: كويسين الحمدلله انتى عامله ايه طمنيني عليكي.
صفاء: الحمدلله يابنى اتبسطوا.
ساره: ازيك ياطنط معلش هطلع ارتاح شويه.
صفاء: مالك يابنتى في ايه.
ياسمين: لا مفيش حاجه بعد اذنك.
صفاء: هى زعلانه ليه يابنى.
رائد: لا مفيش حاجه.
صفاء: اتبسطوا ولا كان يومين نكد.
رائد: كان يومين نكد ههههه.
صفاء: ليه كده يابنى.
رائد: يلا الحمدلله هو فين بابا.
صفاء: راح الشركه.
رائد: تمام ماشي هطلع اخد شاور واروحلوا.
صفاء: اطلع ريح يابنى شويه وبعدين ابقي روح شوف شغلك الدنيا مش هطير.
رائد: لا عادى انتى عارفه ان مراد مسافر وبابا لوحده فى الشغل.
صفاء: اعمل اللي يريحك يابنى.