فتاة المخابرات

«في النادي»

بقلمي مريم ميرو ✍️

♕ فتاة المخابرات ♕

البارت الثالث والثلاثون 💚

بعد مرور اسبوع ولا جديد يذكر الا تحديد معاد زواج فرح وسيف والذي حدد بعد انتهاء فرح من الدراسه وبالطبع اعتراض سيف ولكن ما بي اليد حيله مع تحسن حالة مرام الصحيه وذهابها يومياً لتدريب الفتايات وعودة معتز من لندن .

في منزل مرام.

سماح: يامرام بقي احنا زهقانين عايزين نروح النادي او كافيه نخرج شويه.
مرام: طيب روحوا اخرجوا.
سماح: مش انتي اللى كل مره بتوصلينا ومش بتخلينا نخرج غير وانتي معانا.
مرام: بس انتي شايفه حالي دلوقتي ومش هعرف اسوق مش كفايه بقيت اروح شغلي بتاكسي خلي فرح بقي توصلكم وبعدين انا ورايا شغل كتير وعايزه اخلصوا.
مها: لا يامرام احنا بقالنا كتير مش بنخرج مع بعض مش هنخليكي تفلسعي مننا.
مرام: ياماما بجد مش فاضيه اتبسطوا انتوا بقي.
سماح بتمثيل زائف: مبقتيش تحبي تخرجي معانا اكمننا كبرنا وعجزنا.
مرام بهزار: لاا ابوس ايدك كفايه هعيط منديلي مش معايا هعيط هههه ايه اللى انتي بتقوليه ده ياموحا.
مها بتمثيل زائف: مش دى الحقيقه.
فرح: مايلا بقي نخرج الله ده حتي انا مش مصدقه ان انا اللي هسوق يلا قبل ما تغير رأيها.
مرام بتحذير: انتي تخرسي خالص امتحاناتك قربت ومكنتيش بتروحي تحضري.
فرح بتلقائيه: عادي سيف قالى انه هيذاكرلي.
مرام: ايوه كده  قفشتك متلبسه قولي كده بقي ومين قالك اني هخليه يذاكرلك.
فرح ببراءة: يعني يرضيكي اختك تملحق والناس ينادولي يأم ملحق.
مرام بتأثر زائف: لاا ميرضنيش انا بس اللي هقولك يا ام ملحق ولو حبيتي حد يذاكرلك انا موجوده متشغليش بالك.
فرح: انتي ياعيني تعبانه وكمان مش فاضيه وراكي شغل كتير.
مرام: ومين قالك ان انا اللي هذاكرلك لاا ياحبيبتي انا اعرف ناس صحابي خبرة هما هيذاكرولك.
فرح: يعني كده ماشي.. انا داخله البس علشان نخرج.
مرام: ادخلي ياختي ادخلي.. مدلوقه اوي البت دي.
مها: طب يلا ادخلي انتي كمان اجهزي عشان نخرج اللبسي حاجه كده حلوة بناتي.
مرام بتريقه: حاضر هلبسلك اللى علي الحبل.
سماح بهمس لمها: كده اول حاجه نجحت ناقص بس اننا نقنعها تقعد معانا.
مها: سهله دي قومي انتى بس اجهزي يا ماما وانا هشوف احنا هنعمل ايه.
سماح: وانا هاتصل علي سميحه اقولها تيجيلنا علي النادي.

في ڤيلة سيف.

سيف بحماس: ايه رأيكم نروح النادي.
(لان فرح اخبرته بذهابها الى النادي.)
مراد بغمزة: اااه فهمتك.. ومالو نروح.
يوسف: انا مش فاهم حاجه.
ريماس وسليم: ولا احنا فاهمين.
مراد: لاا ولا حاجه يلا نروح.

في شركه عبدالله المنصوري.

في مكتب معتز.
معتز: متعرفيش هما أجلوا الاجتماع ليه.
يارا (السكرتيره الجديدة): هما كلمونا وقالوا ان الطيارة اتعطلت ومعرفوش يحضروا بس قالوا انهم ها يجوا في اول طيارة من سويسرا لمصر.
معتز: احسن برضو مكنتش قادر احضر اجتماعات انهارده خالص بصي يانور.. احم قصدي يا يارا كملي انتى باقي الشغل انا رايح النادي.
يارا: تمام ماشي حضرتك ماتشيلش هم حاجه.