فتاة المخابرات

• في المستشفي • (جاري تعديل السرد)

بقلمى مريم ميرو

♕فتاة المخابرات♕

البارت الرابع والعشرون ✨
___ ___ ___ __‌_

طبعاً ايمن ورائد عندما علموا بما صار ذهبوا لمرام المستشفى لكن الدكتور اخبرهم بأنها هتفوق بعد يومين وممنوع الانتظار فى المستشفى فا عادوا للمنزل حتى مراد عندما علم كان يريد ان يأتي ولكن والده رفض واخبره بأن يكمل عمله وانها هتفوق بعد يومين.

بعد يومين فى المستشفى.

الجميع فى المستشفى منتظرين مرام ان تفوق.

مها: مش الدكتور قال ان هى هتفوق بعد يومين ليه لسه مفاقتش.
فرح: ياماما اهدى مينفعش كده كفايه انك من ساعت مامرام عملت الحادثه وانتى مابتكليش.
مها: ومين هايجيله نفس ياكل بس.
سماح: طب اهدوا شويه الدكتور دخل يفحصها وهيخرج يطمنا عليها.
خرج الدكتور وقال.
الدكتور: هى فاقت دلوقتي وتقدروا تدخلولها بس متتعبوهاش ومتضغطوش عليها عشان متتعبش بزياده هى لسه فايقه دلوقتي فاسبوها ترتاح شويه.
ساره: انت هتوصينا يلا ياجماعه يلا.

فى الغرفه عند مرام.

فاقت مرام مش قادره تحرك جسمها وجسمها كله واجعها فتحت عنيها لقيت الكل متجمع حاوليها.(امها،جدتها،عمها،رائد،فرح،ساره،هشام،مازن، على باشا،مرعى،واخيرآ معتز).
بصت لامها وحاولت تطمنها بس مقدرتش واتأوهت من الوجع كانت متجبسه دراعاتها ورجليها مكسورين ودماغها ملفوفه بشاش غير جروح فى جسمها (شكلها كان يصعب على الكافر بصراحه).
مها ببكاء: ليه كده يامرام معرفتيش تاخدى بالك وانتى سايقه.
فرح: يوووه ياماما هو ده وقته سيبيها ترتاح دى لسه فايقه.
جات فكره خبيثه فى دماغ مرام.
مرام بأستغراب: انتوا مين.
الكل بصدمة: نعممم انتى بجد مش عارفانا.
مرام: هعرفكوا ازاى هو انا شوفتكوا قبل كده.
مها انهارت من العياط بسبب الصدمه: اهئ اهئ مش فاكرانى بنتى مش فاكرانى.
سماح بعياط: افتكرى يابت انا ستك ودى امك مش فاكرانا ازاى طب حد يخبطها على دماغها انا بشوف كده فى الافلام لما حد بيفقد الذاكره بترجعله لما بيتخبط على دماغه.
فرح: بتهزري صح انا اختك فرح قولي انك بتهزري انا عارفه.
مرام بضحك: ههههه بهزر طبعاً لقيت دماغى ملفوفه قولت اعمل فيكوا مقلب بس امك وستك دمعتهم على خدهم ومينفعش حد يهزر معاهم ههههه.
مها: صدقى انى معرفتش اربيكى شايفه اننا قلقانين عليكى وانتى بتضحكى وتهزرى حرام عليكي والله.
مرام: اهدي بس ياست الكل انا زي الفل اهو ااااه استغفر الله العظيم انا كدابه ههههه.
ايمن: فى حاجه بتوجعك دلوقتي نجيب الدكتور يفحصك.
مرام: لا شكرا.
ساره: صحيح عملتى الحادثه ازاى.
مرام بصت لمعتز وقالت: معرفش نصيبى يلا الحمدلله.
معتز: احم اهم حاجه اننا اطمنا عليها بعد اذنكم. وسابهم وخرج.
مها: فى حاجه اسمها نصيبى ولا في حاجه اسمها مكنتش مركزه وانا بسوق.
رائد: الحادثه كانت كبيره الحمدلله انها خرجت منها عايشه.
مرام: ايوه هو ده العقل الحمدلله انى عايشه.
على باشا: طب طالما اطمنتوا عليها يلا نسيبها ترتاح.
وشاور لمرام على اساس انه هيرجع تانى.
مها: لا طبعا انا مش هسيبها مش كفايه بقالي يومين مشوفتهاش.
مرام: معلش ياماما خدى الكل وامشى انا مش هبقي مرتاحه كده يلا بقي.
سماح: مش عايزانا جمبك.
مرام: لا مش قصدى بس انا فعلاً مش هرتاح وانتوا هنا اصلا انا هنام شويه وانتوا هتفضلوا قاعدين جمبي كده مع انى عارفه انكوا اكيد مكنتوش بتناموا ولا بتاكلوا صح.
فرح: طب لو احتاجتي حاجه لازم نبقي جنبك.
مرام: لا متشغلوش بالكم في ممرضين هنا.
مازن: هتوحشينى ياخلتو.
مرام: وانت كمان ياقلب خالتو.
ساره: خلى بالك من نفسك يامرام هنجيلك بكره تمام.
مرام: تمام متتعبيش نفسك بقي وارتاحى وانتى يافرح مسئوله عن امك وستك خليهم ياكلوا.
فرح: تمام وهجيلك بليل.
مرام تمام.
هشام: الف سلامه عليكي يامرام.
مرام: الله يسلمك.
ايمن: لو عوزتى اى حاجه كلمينى.
مرام: شكرا ياعمو.
رائد: عايزة حاجة يامرام.
مرام: شكرا مع اني زعلانه منك بس لما اخف نبقي نتحاسب.
رائد: اممم انتى عرفتى والله انا......
مرام مقاطعه: قولت لما اخف نتحاسب.
رائد: تمام.
الكل خرج وسابوا مرام ترتاح شويه هي كانت موجوعه اوى بس محبتش تظهر الوجع قدامهم عشان اهلها لو حسوا مش هيمشوا.