قصة (حياة بلا سند وساقني ممشاي لا رضٍ تواسيني

الجزء الرابع عشر

انتهت الاختبارات  وفي يوم تسليم الشهادات  وتعرفون زمان ماتنام في ليله الشهادات  والله كنا جيل  يحب العلم بس ظروفنا صعبه. المهم  ظليت ذيك الليله لصباح ذكرت امي كانت وش تسوى يوم تشوفني خايف من النتيجه تاخذني بحضنها  تمدح في ان طالب متفوق  ومارح ارسب انام وانا مرتاح بس اليوم ماهي عندي  تخفف خوفي   طلعت الصباح ابوي رفض يوديني المدرسه شفت جارنا وهو راجع من دوامه  شفت  كيف يرحب بعياله زدت غيض منه  مادري كيف طرت لي الفكره. شفت سيارته نوعها قديم بس تمشى الحال اخذت جحر  وماخليت فيها شى سليم حتى الكفر نزلته على الجنط  تركت كل شى ومشيت ولا كأنك مسوي شي ياطارق  امشى فالطريق حتى البنات كان نفس الموعد يستلمن شهادتهن كلهن لابسات فساتين.  معرف عندنا البنات وقت الشهاده  لبسهن يختلف  كلهن  يصيرن كشخه.  مريت من عند مدرسة الثانوي لسى ماخلصوا اختبارات كل واحد حاط راسه بالكتاب  اسالة من الرأسه سنة تخرج والكل الي لحق ذاك الوقت يذكر كيف كنا نحفظ كل شى عشان النسبه. المهم  دخلتني شوى من الشماته فيهم انهم لسى يذاكرون 😁