أحسّ السيد "عامر" بالدهشة لمعرفة ابنته بذاك الخاطب، ولكنه شعر بالإرتياح والطمأنينة عندما أنبأته بأنها تعرفت عليه من خلال العمل، فهو بحد ذاته المستثمر الجديد لشركتهم، وهذا الخبر أسعد اللواء كثيراً وجعله طيلة الجلسة متحمساً ومسروراً، لأن هذا سيُسهل موضوع الخطبة، وهنا بدأ الجميع يخرجون من الغرفة تدريجياً، إلى أن خليت ولم يتبقى بها إلا "فيروزة" و"رائف" الذي استغل الفرصة، وبدأ في الحديث معها بشكل سلس، فقال:
-حاسك مصدومة من وقت ما شوفتيني.
-لأني مكنتش متوقعة بتاتاً إنك هتكون أنت العريس!.
-كنتِ مستنية حد تاني.
هزت رأسه بنفي:
-إطلاقاً.
وهنا قرأ في عينيها تساؤلات تداريها بأدبها، فقال باسماً:
-اتفضلي إسألي عن أي حاجة حابة تعرفيها.
تحدثت بنعومة ورقى متسائلة:
- ليه أتقدمت ليا وأنت في الأصل متعرفنيش ومشوفتنيش غير مرة واحدة، حتى وقتها ما حصلش بينا أي تعامل أو كلام غير في الشغل فقط؟.
فقال بعذوبة:
-لأنك بالنسبالي فتاة ممتازة وجميلة ومناسبة ليا، وأكتر ما جذبني فيكِ أخلاقك اللي ماشوفتش زيها ولا هشوف، ومن وقت ماشوفتك قولت بس هي دي اللي هتكون مراتي.
ثم أضاف ممازحاً:
-تقدري تقولي بالمعني الصحيح عروسه لقطه، وأتمني من أعماق قلبي أنك تسعديني بموافقتك.
ضحكت رغماً عنها ثم قالت:
-طب وحضرتك عارف إن أنا كنت مخطوبة قبل كدا، وإني لحد الآن رافضة فكرة الإرتباط بأي ذكر.
فرد "رائف" عليها في نبرة واثقة:
-طبعاً عارف، دا أنا عارف عنك أشياء أنتِ بذات نفسك ماتعرفهاش.
صار الحديث معه مشوق حين أثار فضولها بقوله هذا، ولكنها تسألت:
-وإيه هي الأشياء دي؟.
-هقولك عليها لما يجي وقتها، بس أنا عاوز أعرف منك سبب انفصالك عن ابن عمك دا لو مفيهاش إساءة أدب؟.
فقالت بلا إكتراث:
-تقدر تقول مفيش نصيب مش أكتر.
فأردف مستفسراً:
-يعني أنتِ اللي تخليتي عنه.
دارت عصبيتها في ابتسامة عذبة وقالت محتجة:
-بالعكس هو اللي اتخلى عني من وقت ما أهملني وعاملني وكأني نكرة، عمري مافرطت في شخص كان عزيز عليا ولا نكرت فضله، ولكن عزيز النفس إن هان قلبي فارقت للأبد.
فطرح متسائلاً:
-الصراحة مش عارف إزاي الواحد يجيلوا قلب يهمل الملاك ده، لكن بردو حابب أعرف بعد ما سبتيه عايشة حياتك إزاي من غيره، عرفتي تتأقلمي من بعده؟.
تجلت في عينيها نظرة ارتياح ورضا حين قالت باسمة:
-عايشة مبسوطة لأني تخلصت من علاقة مرهقة لروحي، وطبعاً بعد ما تيقنت إن نصيبي في الدنيا كنصيب الطير، أعيش يومي زي مايجي بحلوه وبمره.
أنت تقرأ
"لحن الزعفران" قيد التعديل🦋
Romance"إلى من أحببته يوماً وخذلني،، إلى من لا يشبهني ولا يقدر وجودي بجانبه،، إلى من جعلني أشعرُ معه بالإهمال والإساءة،، إلى من جعلني أشعرُ بوجوده بالخوف والقلق والإضطراب،، لقد عزمت اليوم على التخلى عنك وأن أعيدك إلى حيث تنتمى، أعيدك إلى منزلتك الأولى مجر...
