ثمن الماضي 🥀🥀

البارت الخامس

صوتو ⭐⭐⭐⭐
علقو ..........

البارت الخامس

ثمن الماضي 🥀

ندى البياتي

دفع تلفونه الهة، باوعت عليه وجان تشوف كلمة جاري الإتصال بس مو بمدين هو اتصل بحمدي ابو رجلهة،

حست ان گلبها راح يوكف من الخوف وهي تشوف على شاشة الموبايل جاري الاتصال وصوت الرنة مالته بعد ثواني فتح الخط حمدي

حمدي : الو

عماد : سلام عليكم

جاوب من مكانه بعد مافتح سبيكر حتى تسمع سعاد الي تجمدت بمكانهة ماتكدر تتنفس حتى لا يسمع نفسهة

حمدي: هلا حضرت العقيد اشلونك

عماد : الحمد لله

حمدي : يستاهل الحمد خير ابني فاجأني اتصالك خير ان شاء الله

عماد : خير خير

طمنه وعيونه بعيون سعاد الي كل ثانية تبلع ريگها بسكوت من الخوف

عماد : حبيت اتصل واطمن عليك، كالو لي انت مخربط ومريض البارحة

حمدي: مريض منو كال ، لا والله كلشي مابية الحمد لله صحتي تمام

عماد : الله يديم حيلك ويخليك لعائلتك،

حمدي : اشكرك ابني

عماد : زين استاذ حمدي اترخص منك جاني اتصال ضروري

حمدي:اخذ راحتك ابني فرحت بتصالك اشكرك لأنك سألت علي

عماد : العفو احنى راح نصير اهل ولازم نسأل على بعض

حمدي : صحيح والله، جنت راح اتصل بيك بس تعرف هالشغل مايخلص

عماد : معذور استاذ حمدي، مع السلامة

حمدي: مع السلامة الله وياك حضرة العقيد

كطع الاتصال وباوع عليها بخبث، كامت بساع و طلعت من المكتب بدون حتى ماتسلم عليه، سدت الباب وراها تريد بس تطلع من هاي الورطة عبالها راح تكدر تقنعه او تضغط عليه بأن يلغون العرس

بس ماعرفت انه راح هو هم يهددها بعمها، واذا عرف عمها راح يموتها بمكانها ومحد يكدر يخلصها منة من شافهة طلعت بدون ما سلمت عليه رد عليه بنوع من الاستهزاء للموقف

عماد : وعليكم السلام ورحمة الله وبركاته ست سعاد وصلي سلامي لبنتج المحترمة

ضرب جمع ايده على الميز وكال

عماد : وصلت بيها الجراءة تجي لهنا وتهددني و تريد تفضحني جدام مدين بسيطة ست شيماء هاي حيلتج الرخيصة ماتمشي علي

سحب تلفونه واتصل على شيماء ردت بساع

شيماء : الو

عماد : للمرة الأخيرة احذرج هذا اسلوبج الرخيص عوفيه و اخوي ابتعدي عنه ولا تمشين عليه سوالفج الرخيصة و الا راح اشوفج وجهي الثاني