ثمن الماضي 🥀🥀

البارت الثالث

صوتو ⭐⭐⭐⭐
علقو .....

ثمن الماضي

البارت الثالث

مسرة

سالي : وين رايحة !!

مسرة : للقاعة المحاضرة

سالي : الدرب من هذا الأتجاهات شنو متشوفين  

باوعت للولد ارتبك و اتلعثم وكال انتي تريدين تروحين للقاعة المحاضرة  

مسرة :  اي

_ العفو اختي عبالي مضيعة الكافتريا وكلت ادليج  اعتذر مرة اخرى

عافنا ومشى مهزوم  عالسريع بدون ما يضيف اي كلمة

ضليت مشدوهة احاول اجذب افكاري  : گولي لي هو ما جان يجذب علي انكشف  وانهزم

سالي : الله اعلم ، بس خلي ببالج لاتصدكين بأحد حالياً لأنج جديدة الا من بعد ما تتعرفين عليهم زين  وتعرفينهم كفو ان تثقين بيهم لو لا  و اني وجوانة من ضمنهم   واكو نماذج خايسة يتصيدون للجدد ويوكعونهم بمصايب ويضلون يبتزون بيهم ويعيشون على حسابهم

مسرة : شكراً عالمعلومة   بس لحظة اروح اهبد ذاك الولد و اكب مخه و اجي على هاي عملته

سالي : وين شنو رايحة تهبدينه شنو هالألفاظ

مسرة : لج ضحك علي  بالله لو مسوي لي شي وضل يبتز بية على گولتج

سالي : عوفيه وين رايحة عبالك واكفة بشارع  وتريدين تعاركين  

مسرة : شلون ما اخذ حقي منه  حتى بعد ميفكر  يعيدهة وياي 

سالي : عوفيه  هسة ، مسرة اريد اكولج شي

مسرة : شنو

سالي ؛ لاتزعلين مني بس اسلوبج محلو  مايدل على ثقافتج  بالكلية و  هاي المصطلحات الغريبة عوفيهن محد يفهمهن غيرج  و .. و ... ملابسج هم شوي رتبيهن ماراهمات للكلية

هي تحجي واني اعدل بملابسي كلت : ليش شبيهن ترى حلوات اني نسقتهن

سالي : بنظرج بس

مسرة : يعني مو حلوات شهالصراحة المعفنة على الأقل جامليني اجذبي علي وتطكينهة بوجهي 

سالي :  ما اعرف اجامل وهاي اني محجيت شي حتى لاتزعلين بس والله شكلج ما جاية للكلية عبالك جاية مكان مال عركات وهذا اول يوم الج وهالشي راح ينحسب عليج بس باوعي للبنات شوفشي شلون منسقات  ملابسهن

مسرة
باوعت عليهن صدك عبالك عارضات ازياء اللبس والاحذية والجنطات والمكياج والتسريحات يخبلن كل وحدة احلى من الثانية خو الشباب حديث اخر يخبلون الشياكة  والأناقة  بلعت ريگي واباوع لهم صدك حلوين 

عفتة ورحت امشي بثقة عالية   القاعة مالت المحاضرة  ضليت اقنع نفسي  هو احنى جايين ندرس لو نعرض ملابسنا حتى نتباهة بيهة