صوتو ⭐⭐⭐⭐⭐
علقو .......
البارت الثامن
ثمن الماضي
الكاتبة ندى البياتي
......
سالي : انتي شتحجين وضحي كلامج
مسرة
تصنمت بمكاني ما اعرف شرد عليها اذا ما كاشفته ليش هيج حالتهة شصاير وياهن عيوني ضلن يتناوبن عليهن اريد اللگي لي فد مهرب لكلامي تالي غلست عليه وگلت
مسرة : وضعجن خوفني شصاير
جاوبتني : مصيبة مسرة اذا عرفو اهلي اني جنت بالمخفر راح يخلصون علي
مسرة : خير ليش بالمخفر
جوانة غير هذا الكلب خالد اتعرض النا واتلاطشو هو ورأفت وصارت بالسجاجين لا هذا يجوز ولا هذا يجوز
مسرة : وسالي شعليهة ليش ماخذينه للمخفر
جوانة : غير الشرطة اتدخلت وكلنا اخذونا حتى اني وضلو يحققون ويانة بالكوة طلعونا اتفشلنا كل الشرطة شافتنا
مسرة
خليت ايدي على حلگي من الدهشة كل هذا صاير وياجن
جوانة : وانتي قحط شباب الة هذا المجدي اليضحك عليج ومستغلج وانتي يا غافل الك الله
سالي : منو گالج هو جان يستغلني
جوانة : مسرة شايفته بعينهة يحجي ويا غيرج عليج لشوكت تبقين مغمضة عيونج وماتعرفين الناس على حقيقتهة
مسرة
باوعت لي سالي منتظرة اجذب اتهام جوانة لحبيبهة بهتت ماعرفت شرد ماجان على جوانة تكول الهة بهاي الطريقة، ضاع الحجي من لساني بقيت بس ابلع بريگي احاول ارهم كلامي حتى ما اقهرهة اكثر عاطت علي جوانة حتى احجي
جوانة : اشبيج انخرستي احجي الهة عالصار مو گلتي شفتيه يحجي ويا وحدة ويگول الهة سالي بس بنگ اخذ منه فلوس وصار شهر تنكين براسي تريدين طريقة حتى تگولين لها يلا گولي للها
مسرة
تكطع صوتي ما اعرف من وين ابدي او اشلون ابدي
سالي : لهذا السبب جنتي ماتطيقينه وتحجين عليه
مسرة
هزيت راسي بأسف لطمت وجهة بين مصدگة وما مصدگة تمنيت لو اكدر اواسيها مثل ماجانت تواسيني لما انقهر وكلشي يضيگ بعيني بس خفت لا تحملني الذنب ندمت هواي لأني ما كلت الهة بوقتهة يمكن ماجان انحطت بيهج موقف،
گعدت على جربايتهة وبقت تبجي على حظهة وتضرب برجليهة
همست لجوانة : ماجان لازم تكولين الهة بهاي الطريقة
جوانة : خليها تعرف شوف لوين وصلنا حضرته خلانة بموقف مخزي كل الشرطة تباوع علينا عبالك بنات ليل ولزمونة
أنت تقرأ
ثمن الماضي 🥀🥀
Misterio / Suspenso#ثمن_الماضي ملخص روايتي هي! بطلان يلتقيان صدفة ليعالجا حادثة قديمة هي فتاةٌ يتيمة يتكلف بدراسهتا شخصًا مجهول بعد ما يتسرب تسجيل صوتي عن سوء الحياة داخل جدران هذا الميتم، فكيف ستكون الحياة معها خارج الميتم وهل سيؤثر الماضي على حياتها...
