ثمن الماضي 🥀🥀

البارت الخامس والعشرين

.صوتو ⭐⭐⭐⭐

علقو ...........

البارت الخامس  والعشرين 

ثمن الماضي

ندى البياتي

........

مسرة تيبست جوا ايديها واخرسيت يمكن لو بموقف ثاني  اكوم املخهة وگلبي ميبرد على هذا اتهامهة ودعاءها

بس هالمرة بقيت ساكة واسمع الها شلون تصيح علي وتجرجر بية حتى تطردني خالتي صفية رادت تتدخل حتى ما تطردني بس مخلتها  گالت الها اذا توكف وياي هي هم ما راح تبقى بالبيت  وتطلع منه

صفية : هذا هو ست  يلا امشي مسرة خلص شغلنا هنا 

جرتني من اسيا وحضنتني وكالت لست اسيا بس ناخذ غراضنا ونطلع بعد متشوفين وجهنا بس دخل عمو عماد  ومقبل كسر كلام امه و گال محد تطلع منا

صفية : ابني وجودنا هنا صار يغث خلينا نروح لبيتنا  ونتوكل على الله هو يحمينا من هاي الناس 

عماد : صفية عرفتج اوعى من هيج ومايأثر بيج الكلام  لا تسمعين كلام امي هي هسة منهارة  ومتعرف شتكول 

صفية : لو علي ما اهتم بس هي تريد تطرد مسرة من البيت  وهاي البنية مالها غيري  ما اكدر اعوفها  وحدها وذاك الرجال يلاحگها

عماد : حتى مسرة ماتطلع من البيت  تبقى هنا  واذا كسرت كلامي يا ويلها

صفية : لا ابني منريد نزيد مشاكلكم خلونا بشماكلنا وانتو بمشاكلنا

مسرة

اخذت ايدي نطلع من البيت اني مدري اشأجاني اخرسيت عن الكلام بس اباوع بوجوهم  ضاع مني الفكر  نفس الاحساس الي حسيت بيه يوم مات جدو بس صافنة  واباوع بالوجوه 

عمو عماد مقبل عاف امه وجراني لعنده ماخلة خالة صفية تاخذني

عماد : اني المسؤل عليها وبكيفي تطلع لو لا

جان يحجي بجدية ومبين على ملامحه هواي متعصب ومايريد احد يجادله  سكتت خالة صفية ونزلت راسهة  وما حجت شي

وهو اخذ امه وطلعو من المطبخ طلعت وعيونها تتوعد بينا 

اني رأساً ذببت روحي بالكاع وبقيت على صفنتي  حسيت نفسي لعبة والكل يتحكم بية ناس رايدتني وناس كارهتني  وناس تريد امشي على امرهم غصبًا علي

كل هذا لأن ما عندي ام واب يوگفون وياي ويحموني ومايخلون احد يأذيني لو يسمعني حجاية 

...

رجع  عماد امه للغرفة وكعدها على طرف الجرباية وجثا يم يرجليها خلا راسه بحظنها وحجى بيأس

عماد : يمة اني بدون كلشي كمت ايأس وما جاي اللگي اي حل ارجع بيه  اخوي   خليني اسوي هاي الخطة هو مراح يتحمل راح يرجعه