ثمن الماضي 🥀🥀

البارت الثلاثون

. صوتو ⭐⭐⭐⭐⭐

علقو ............

الفصل الثلاثون

ثمن الماضي 🥀

ندى البياتي

.....

مسرة

صبح الصبح  واني ميتة قهر اشلون هيج عماد يتخلى عني ويعوفني هنا يمه  لا ويطلكني فوكاهة

ادري كسرت كلامه وطلعت بدون علمه بس مو يعاقبني بهيج عقاب  يتخلى عني وين كلامه وين وعده الي من كال انتي امانة اخوي يمي ما افرط بيج ولا اخلي احد ياخذج غيره

اندك الباب ودخلت خالتي صفية كالت  ايان اجو زاد القهر بگلبي شوي لا بجيت اني ما اريد ابقى هنا اريد ارجع وياه خل يعاقبني خل يحبسني بسجن بس لا يعوفني هنا تحت رحمة هذا المخبل

نزلت واني ادعي ميطلكني وياخذني وياه بس من شفت الشيخ والشهود وشفته  سودة علي كلش متغير للأسوء  وشكله جان تعبان انتبهت اكو عكازة يمه  سويت صوت واتقربت عليهم وسلمت  بصوت ناصي كلهم ردو الا عماد

رأساً اجى علاء وكف يمي وخلى وحدة من اديه على جتفي والثانية على ايدي  وجراني اكعد يمه صرت مقابيل عمو عماد باوعت بوجهه عن قرب وعيوني يتوسلنه يطلعني منا  انتبهت اكو  اثر جرح بركبه فوك صاير بخط مائل و واضح من اثر الانفجار

حجة احمد وگال للشيخ يلا شتنتظر طلگهم  هاي الكلمة وجعتني يعني راح ابقى جوة رحمته رأسًا درت عيوني لعماد الي بدور ابد ما باوع بوجهي ولا عبرني حتى ما سلم علي

بلعت حسرتي ودنكت راسي انتظرت يرمي علي الطلاك  رغم زواجنة عبارة عن تمثيل بس ذني الكلمات شكد  صعبات وشكد يلجمن بالگلب شحال الي يطلگونهم غصب و اجبار  وهمَ واحد متعلق بالثاني

بعد ما طلكنا الشيخ  اشرلي بعيونه اكوم واروح لغرفتي

كمت بس ما صعدت فوك كمت اتقربت على عمو عماد صرت قريبة عليه كلش بحيث بكد ما لزكت عليه رفع راسه  و باوعلي

مسرة
متحملت وعيوني دمعن شلون تخليني هنا وانت تعرفه كلش زين عمو الله يخليك اخذني وياك

احمد : مسرة صعدي فوگ 

مسرة
انداريت عليه بخوف ورجعت باوعت لعمو عماد اخرة محاولة حتى ياخذني وياه بس ما اتحرك من مكانه  ابتعدت عنه ومشيت 

حقه همَ ادمرت حياتهم بسببي علاء ميعوفهم بحالهم ابد اذا بقو يدافعون لي

صعدت فوگ وقفلت الباب من جوة وذبيت نفسي عالجرباية   ورة شوي سمعت دك بالباب ما كمت فتحت مو هو هذا الي يريده اكون سجينة عنده

هاي سجنت روحي خل يرتاح علاء الدك زاد وصار يدك بقوة بس بقيت على حطتي لا كمت ولا اهتميت هو يمل ويروح

بس ما مل  ضرب الباب رصاصة خلاني انشال وانرجد من صوتهة
بعدهة اجى  ولزمني من ركبتي من ورة  وخلاه براسي

احمد : المفروض  جان اسوي هاي الخطوة من اول ما سمعت صوتج  واللحگج بأهلج واخلص منكم

مسرة : عادي هسة سويها شمنتظر اضغط الزناد وكمل الي ماسويته من گبل  سحب نفس بعصبية ودفعني على الجرباية

احمد :  مو بكيفج امشي  خليها ببالج هاي اتطلكتي منه  وطلع من السجن بعد ما اريد اسمعج تجيبين طاريه  حتى لو بينج وبين نفسج  ماتحجين بيه اذا جنتي رايدة حياج 

مسرة : ومنو گالك رايدة حياتي

احمد : تريدينها غصبًا ما عليج  وتعيشينها مثل ما اني اريد

مسرة

طلع من الغرفة  ودز علي خالتي صفية وقت الغدة يريد اروح اكل وياه اتجاهلت طلبه من كل عقله اعيش وياه وما اعرف