ثمن الماضي 🥀🥀

البارت الواحد والعشرين

صوتو ⭐⭐⭐⭐

علقو ......

البارت الواحد والعشرون

ثمن الماضي 🥀🥀

ندى البياتي

.....

مسرة

مرت سنة كاملة على خطف مدين ومن ذاك اليوم لهذا اليوم ماسمعنا عنه شي ثابت كل مرة اشاعة شكل وخبر شكل رغم كل جهود عمو عماد حتى يلگاه

مرة كالوا ذابح##ينه ورامين جثته بدجلة ، ومرة كالو واحد شايفة بالسجون السرية وحالته خطرة ، ومرة كايلين ماخذينه لسورية ويا القا**عدة،

الحجي والاشاعات كومة وكل خبر يخلينا نموت من القهر وينهد حيلنا عليه بس في سبيل يضيعون مكانه الحقيقي متقصدين يلعبون بأعصاب اهلة، عمو عماد مابقى بيه حيل يسمع اي اشاعة اخرة عنه،

گلب العراق كله وما لكة له اي خيط يوصل اله تعبت روحه وصل بيه اليأس يصدك انهم قتلوه وما بقى له وجود بالعالم،

كل الي جان يتمناه يلگي جثته حتى ماتضل حسرة گلبه ومايضل مجهول

.....

انحكم على حمدي مؤبد وافرجو عن ابو شيماء بعدم وجود ادلة تثبت تورطه وياهم كونه معاق من الولادة لايسمع ولا يحجي ولايعرف شكو ما اكو بالدنيا وسجنه باطل،

و بنفس اليوم الي تم الأفراج بيه عن ابو شيماء عماد ومروة راحو لبيته همَ الوحيدين الي يعرفون ان الافراج عنه باطل كونه هو راس الحربة، گدر يخدع الكل وكدر يكسب تعاطفهم بأعاقته، وطلعوه

نزل عماد من سيارته سريع ودگ الباب الحوش بعجل وقوة وبدون توقف يريد بس احد منهم يفتحله الباب طريقة دكه للباب جانت مثيرة للشبهات

مروة : عماد مو بهاي الطريقة جاي تجيب الشبهة لنفسك

تجاهل تحذيرهة وتابع دك الباب كل مرة يزيد قوة الدگ حتى يفتحون له الباب

شيماء

بعدنا ما فرحانين بطلعة بابا من السجن وشوفته بخير ما اكو دقايق من دخلته انهجم باب الحوش من الدگ صوته خلانة مانعرف دربنا من الخوف ماما لزمت گلبهة : ياربي لطفك منو هيج هجم الباب علينا

طلع بابا ولحگناه انشوف منو بالباب
بمجرد ما فتح له دخل عماد صاير نار لزم بابا من جتوفه و ضربه كلة براسه خلاه يدوخ ويگع بالگاع ما انطاه مجال يدافع عن نفسه استمله رفسات ودفرات ركضت عليه واصيح على عماد حتى يعوف بابا

شيماء : بابا .... شلون تجرء تضربه يا.....

بعدني ممكملة جملتي بحركة سريعة طلع مسدسه وسحب اقسام وخلاه براسي من الرهبة بقيت جامدة بمكاني نفس ماطلع لي عاط بية

عماد : وخريييي من وجهيييي

ورجع على بابا يضرب بيه بوحشية ويا كل ضربه يسأله وين اخذو مدين، حتى ما انطاه وقت يجاوبه او ياخذ نفس على الأقل ،