ثمن الماضي 🥀🥀

البارت الثالث عشر

صوتو ⭐⭐⭐⭐

علقو ..........

البارت الثاني عشر

ثمن الماضي

ندى البياتي

مسرة

فجأة فزيت من نومي على صوت القفل انتفتح الباب
وعلى اثرها كمت من  مكاني سريع  بدون توازن عثرت بذيال ثوبي وكعت بالكاع على ضهري  لو ميتة بهاي اللحظات ولا هالأحرج  ويا وگعتي دخل  اخو مدين الجبير 

من شافني  وكعت اجى  يساعدني

عماد  : الله اشبيج

ردت احجي بس لساني خاني توترت كمت على حيلي ابتعدت عنه،  عدلت حجابي ونفضت ثوبي  ماعرفت شحجي صار حجيي كله مگطع

مسرة  : لا... مابية شي هسة ارجع للبيت واصير زينة

باوعلي بستنكار  راساً نزلت عيوني عنه خفت  اخلي عيوني بعيونه  كمت اشابك بأصابعي من التوتر  جاوبني وهو بعده على نظرته الي مليانة علامة استفهام   : يابيت تعرفين هسة الساعة بيش  ؟

مسرة
درت راسي للساعة ولكيتهة ساعة بالثلاثة ونص الصبح اصدمت  ورجعت باوعت عليه ابلع بريجي

عماد : انتي ليش باقية هنا

مسرة 
اتلبكت وضاع الكلام مني شكد فشلة بقيت اتعثلم  ...  ها..  مو ردت اطلع بس الجلاب هجمن علي  و ... و.. خفت اطلع

وخر غاد لما شافني ما مرتاحة والتوتر واضح علي   راح ليم  الثلاثة فتحها واخذ بطل ماي وكال

عماد  : يلا سلامات و اسف اذا فززتج بهيج وقت ما عبالي اكو احد الباب جان مقفول 

مسرة  :  اي لأن الست اسيا قافلته  ومكدرت اطلع  و  

مدري ليش ينربط لساني من اشوف هذا الرجال، واگوم التلت بالكلام   اخذ البطل وطلع بس ميت استفسار بوجهه   

غميت نفسي على هذا الموقف المحرج خليت كلهة الة اگع جدامه امدا حظي المصخم

طارت النوم من عيني  شفت الباب مفتوح. ردت ارجع لبيت خالة  صفية  بس تراجعت ما ضل داعي اروح رجعت كعدت عالكرسي وحاولت ارجع تمام ما گدرت ضليت كلسع أكلب براسي على جهة لحد ما غافية ونايمة  

گعدت  الصبح  لگيت ايدي خدرانة بگد ما نايمة عليهة فركتها وحركتها حتى يمشي الدم بيهة دخلت اسيا  شكت بية ما راجعة للبيت

اسيا : انتِ بقيتي هنا!

مسرة : لا رجعت للبيت

اسيا : بس ملابسج نفسهة

مسرة : مو  رحت نعسانة حيل ورأسًا نمت وگعدت متأخرة  ما لحگت اغيرهن

اتقززت  مني وخرت غاد : والله انتي كلج على بعضج مدري شلونج  اليوم لازم اللگى حل ويا صفية ما حبيتج ابد شكلج وصخة وماتهتمين بنضافتج  الشخصية وين  اكو وحدة تنام بنفس الملابس وتكعد متغيرهن اكيد معفنات عليج اييييييع