ثمن الماضي 🥀🥀

البارت التاسع عشر

صوتو ⭐⭐⭐⭐

علقو .....

الفصل التاسع  عشر

ثمن الماضي

ندى البياتي

هذا بارت صقيروني بس مليان احداث 🙄🙄🙄

.....

جر نفس بعصبية ورجع دك عالرقم الثاني وهم ما اكو رد مغلق اتصل بمروة يسألها اذا جان موجود او رجع للبيت فكالت له مااجى اليوم للبيت هي هم كاعدة تنتظره  گلبه عصره وين اختفى فجأة رجع اتصل بأرقامه خارج نطاق الخدمة

عماد : وينك مدين لاتخليني اقلق عليك دومك واحد مهمل وتنسي تلفونك يطفى كامل يلا تتذكر تشحنه

دخل للبيت و كعد يمهم

كمال : ها وينة اشو ما اكو

عماد : ماراح يجي اليوم

كمال : طبعاً لكة اهل غيرنا احنى صرنا ما نسوة شي جدام هذولاك الارها**بية اني رايح لغرفتي وصلوله  وحتى جيته مااريديهة ولا اقبل اعتذاره 

اسيا : الغايب عذرة وياه ايجوز ازدحامات وتأخر شبيك دومك تاخذ الامور بعصبية

كمال : دروحي  تعلميني بيه

صعد للغرفة وهو يحجي على مدين لان كسر كلمته وما اجى

عماد : انطيني تلفونج يمه

انطته وگلبه يلعب ليش مايجاوب، اتصل من رقم امه وهم مغلق

اسيا : عماد گلبي ما مرتاح ليش ما يرد علينا انت ماحجيت وياه ما گالك وينه 

اضطر يجذب عليها حتى لايزيد قلقها  : حجيت اكيد هسة ملتهي ويا اصدقاءه واخذهم الوكت وناسي تلفونه مخلص شحن اروح اجيبه هذا من يكعد ويا اصدقاءه بعد ينسى كلشي

اسيا : اي فدوة جيبه حتى لاتكبر بيناتهم واني اروح اشوف ابوك

بدل ملابس البيت وراح لبيت صديقه نزل من سيارته ودك الباب طلع سرمد

سرمد : اهلا وسهلا حظرة العقيد تفضل

عماد : اشكرك مو گاعد بس صيح لي مدين

سرمد : مدين راح قبل ساعة ونص او ساعتين

عماد : وين راح ؟

سرمد : كال يرجع للبيت

عماد : زين مع السلامة

سرمد : الله وياك

رجع لسيارته و اتصل بشيماء توقع راح لعدهم

شيماء
خفت من شفت رقم عماد يدگ علي مو من عادته يخابرني الا اذا مسوية مصيبة وعرف بيها رغم الخوف جاوبته من فوگ خشمي حتى اغيضه

شيماء : ها شعجب متذكرني !

تنهد بنفاذ صبر ومسح وجهه بأيده الثانية
عماد : اوجعااا انطيني مدين بسرعة