ثمن الماضي 🥀🥀

البارت التاسع والعشرون

صوتو ⭐⭐⭐⭐⭐

علقو .........

ثمن الماضي 🥀🥀

ندى البياتي

التاسع والعشرون

بعد مرور اشهر  من الانفجار

مسرة

مرت اشهر  على ذاك الأنفجار  والدنيا طالعة من عيني  احس بروحي مخنوكة وما جاي اموت بس اتلوع

اخر شخص جنت حاطة امل بيه يخلصني من هذا المريض  سجنوه  ظلم  و الدولة سوته ارهابي و نكرت كل افضاله. وتضحياته الهم كدرو يشوهون اسمه وتاريخه الي خدم بيه بكل امانة 

وخلونه بقائمة الخونة والارهابيين وما يبقى له اي فضل عدهم بسبب ذاك الأنفجار الصار بالسفارة

ما جنت اعرف مدين هم جان هناك  بالانفجار  اصلًا  محد جان يعرف بيه الكل عبالهم  عماد وحده بس محد يعرف وين مختفي مرة ثانية

بس عماد  باقي بمكانه متصاوب  ومغمى عليه  بالانفجار جسمه مليان شضاية واصل للموت  بس گادرين يتلاحگون له الأطباء  ويسعفونه كل هذا صاير واني ما ادري

بس من اجت صفية علي  وهذا ماجنت متوقعته ابد ان علاء يسمح الها تجي تشوفني 

بحيث من فتحت الباب مال غرفتي  من دهشتي رأسًا ذبيت نفسي بحضنها  واتوسل بيها حتى تطلعني منا اريد ارجع لبيتنا ما ابقى هنا  بقت تعاتبني شلون سويت هيج واجيت لهنا

وما سمعت كلام عماد 

مسرة : خالة  قابل اني جنت راضية بس ماجان عندي حل ثاني هو يعرف وينه مدين ردته يگولي  وينه

صفية : وهاي ما كالج وحبسج هنا

مسرة : بس انتي شلون اجيتي شلون سمحلج 

صفية : هو جابني گالي اجي اشوفج  واعقل عليج حتى تجرين عدل  شفتي هالخبال  ولا عبالك خاطفج  ولا وجايبني اني هم

مسرة : وعمو عماد وين ليش ما كتيله ليش ما اجى يطلعني ... من سألتها على عماد اتغير لونهة و بلعت ريجهة بقهر
حسيت صاير شي من وراي  ابد ما جانت طبيعية شوي لا گامت تبجي  توسلتها حتى تحجيلي  ... خالة شكو شصاير  عماد بيه شي لو سمعتو خبر عن مدين الله عليج احجي لا تخوفيني

كعدت تمسح بدموعة والعبرة خانگتهة : شحجيلج ياخالة شحجيلج ليش ما گالج هذا المخبل

مسرة:  كلشي ما گالي  فدوة احجيلي

صفية : عماد اعتقلته الدولة  بسبب الأنفجار الصار بالسفارة  تهموه هو الي راد يفجر السفارة

مسرة
ماستوعبت الي گالته خالتي
هسة يلا عرفت  ليش ما يجي يرجعني اكيد هو يعرف اني هنا ليش ما اجى علي   بالبداية عبالي اتعصب وما يجي ياخذني لأن كسرت كلامه بس بعد اسبوع كمت اقلق عماد مو معقولة  يعوفني هنا يم هذا المخبل بدون مايسأل علي