ثمن الماضي 🥀🥀

البارت العشرون

صوتو ⭐⭐⭐⭐

علقو ..........

البارت العشرون

ثمن الماضي

ندى البياتي

مروة : العائلة الكريمة مجتمعة هنا زين ماتعبتونة بالركض وراكم

حجت ماما بتوتر ما تريد تبين الهم هي تعرف بالصار : خير شنو هاي من الصبح مداهمينا شرايدين بعد

مروة : اجيت اصبح عليكم واخذ هذا الشايب ويانة سفرة للمخفر نلعب وياه شوي كلبجو

اشرت الهم تقدم واحد بيده كلبجات ورجع ادينه لورة وكلبجه

سعاد : وين ماخذينه

شيماء : عوفو بابا لوين ماخذينه هو ماله ذنب

مروة : مو انتي الي تكولين النا شنسوي بالتحقيق راح يبين اذا جان مذنب او لا

سعاد : ماتشوفون حالته تعبان بأي حق تاخذونه هيج

مروة : لاتخافين على حالته هو احسن مني ومنج

جروه وراهم وحطوه بالسيارة مثل اي مجرم لحكناه لباب البيت ما بأيدنا اي شي نسوينه غير البجي اتقربت عالضابط اتوسلها

شيماء : فدوة هو ماله ذنب اخذيني بداله وعوفيه والله هو مريض ماله ذنب بشي

باوعت لي بابتسامة مثل الي تعرف شراح يصير وياي بعدين  : لا تخافين حبيبتي  الدور جاي عليج حضري روحج

راحت المفرزة وبقينا بس انا وماما نفر بعيونا محد سأل علينا  الجيران كامو يتحاشون يگفون ويانا لو يسألونا عن حالنا

ماما من القهر كعدت على عتبة الباب منتهية ما بقى بيها حيل وتلوم بية ليش هيج سويت حتى بابا راح من ايدنا

تجاهلت لومها وعتابهة وقررت اروح اگول لعماد عن الي خطفوه اكيد همة جماعة جدو حمدي ما اكو غيرهم اتحركت جم خطوة وماما صاحت علي منعتني اروح

سعاد :  تعالي وين مولية  تريدين  ياكلونج بسنونهم ومايرحموج

شيماء
اتوسلتها حتى تخليني اروح واگول الهم بس ما قنعت جرتني للداخل وقفلت الباب من الداخل واخذت المفتاح يمهة

سعاد : انتي مخبلة تروحين تكولين الهم حتى يهجمون البيت على راسنا وراس الخلفونا

شيماء : ماما ابوس ايدج خليني اروح بس اگول الهم حتى يتلاحگونله قبل لانفقد اثره وبعد مانلكاه

سعاد : احسبيه مات وسدي الموضوع كافي تجبون النا مصايب. كل المصايب المرينا بيها بجفة وهاي بجفة ولج بس يعرفون الج ايد بخطفه  يسونها ساعة سودة عليج 

شيماء : لا ماما فدوة لاتكولين مات خليني اروح اساعده

سعاد : ولج انتي رايدة موتنا امشي ندخل جوة نقتل نفسنا ونخلص ارحم من ما تروحين وتكولين الهم انتي الي خبرتي عن ابنهم وانخطف ولج راح يخلونا نتمنى الموت الف مرة باليوم وما نلگاه استري علينا لاتجيبين النا مصيبة جديدة هسة همة گلوبهم محترگة يحرگونا بنارهم ما يرتاح بالهم خليهم هم يلگونه لاتدخلين نفسج وتعمين على روحج الله يخليج