ALPHA :MY HUSBAND [ BL ]

23

ဂလင်းမှောင်ခိုကူးသည့် အလုပ်သမှာ ယာယီရပ်နားထားရသောကြောင့် တစ်ချို့လက်အောက်ငယ်သားတွေကို ဝန အနားပေးထားလိုက်ရသည်။

Club, bar စသည့်နေရာတွေတွင် နဂိုရှိနေသေးသည့် ဂလင်းအချို့ကို ဈေးသုံးဆလောက်တင်ပြီး ရောင်းနေတာမလို့ ပိုက်ဆံကတော့ ပုံမှန်ထက် ဝင်ငွေပိုများနေခဲ့၏။

"ခေါင်းဆောင် ကျွန်တော်တို့ စခန်းကို ရဲတွေလာဝိုင်းလို့ အကုန်ထွက်ပြေးကုန်ကြတာ တကွဲတပြားဖြစ်ကုန်ပြီ"

လိုက်ဖမ်းနေတာသိသော်လည်း အဲလောက်ထိ မြန်လိမ့်မယ်မထင်ထားခဲ့။

"C နိုင်ငံနဲ့ A နိုင်ငံ ကြားက ကျွန်းစုမှာ ခဏဝင်နေ ၊ အခြေနေတည်ငြိမ်မှ A နိုင်ငံကို ပြန်သွားကြ ၊ ပိုက်ဆံအတွက်မပူနဲ့ ငါလွှဲပေးလိုက်မယ် ၊ အဓိက က မင်းတို့တွေ မမိစေနဲ့ ကြားလား"

"ဟုတ်ကဲ့"

မရှိသည့် အချိန်ကတည်းက လက်တွဲလာခဲ့သော တပည့်တွေမလို့ ဝန အနေဖြင့် သူတို့ကို ဘယ်လိုမှ အဆုံးရှုံးမခံနိုင်။

ယိမ်း ရေချိုးခန်းထဲမှာ ရှိနေတုန်း ဦးဝန ဖုန်းပြောနေသည်ကို အကုန်ကြားရပါသည်။

ထိုင်နေလို့တော့မဖြစ်။လွတ်မြောက်ဖို့အတွက် တစ်ခုခုတော့လုပ်ရမည်။ဒါပေမဲ့ ဘာလုပ်ရမှာလဲ။ထွက်ပြေးဖို့လည်းမဖြစ်။ ဖုန်းလည်းမသုံးရနဲ့။

ယိမ်း တွေးနေတုန်း တစ်ဖက်က အသံခဏတိတ်သွားပြီး စကားပြောသံ ထပ်ကြားရလေ၏။

"ရာဇာ"

"......."

"လှိုင်းအက္ခရာကို လှုပ်ရှားခိုင်းလိုက်တော့"

တစ်ဖက်က ဘာပြောသလဲ ယိမ်းမကြားရပေ။ လှိုင်းအက္ခရာက အစ်ကိုဟန်ငြိမ်းကိုရဲ့ အတွင်းရေးမှူးမဟုတ်လား။ သူတို့က တစ်ဖွဲ့တည်းလား။

'ဒေါက် ဒေါက်'

"ရေချိုးတာ အရမ်းကြာနေပြီနော် baby ၊ ကိုယ်တံခါးဖျက်ပြီး ဝင်လာရမှာလား"

ဆက်နေလျှင် ပြောသည့်အတိုင်း တံခါးဖျက်တော့မည့် လူကြောင့် အနားမှာချထားသည့် ဘောင်းဘီနှင့် အင်္ကျီကို ကောက်စွပ်ကာ အပြင်ထွက်လာရသည်။