ALPHA :MY HUSBAND [ BL ]

Special Chapter for Villain U WaNa

21ရာစု။

Cနိုင်ငံ ၊ bမြို့အတွင်းရှိ အစိုးရကျောင်းတစ်ခုတွင်။

*ကမ္ဘာပျက်ကပ်ဖြစ်သွားပြီးတဲ့နောက် A,O,ဆိုသည့် မျိုးစိပ်တွေ မျိုးသုန်းပျောက်ကွယ်သွားကြပြီး B တစ်မျိုးတည်းသာ ကျန်ရှိခဲ့တော့သည်။*

သမိုင်းစာအုပ်ကို ယိမ်း လိုက်ဖတ်ရင်း အိပ်ငိုက်နေမိသည်။ သမိုင်းအချိန်သည် အရမ်းအိပ်ငိုက်လို့ကောင်း၏။ သမိုင်းအကြောင်းတွေပဲ နားထောင်ရတော်ပြီပေါ့ အခုတော့ ကျက်ပြီး စာမေးပွဲပါ ထည့်‌ဖြေရဦးမည်။ တကယ်စိတ်ပျက်တယ်။

စာသင်ချိန်တစ်ချိန်သည် အိုက်ငိုက်ရင်းနှင့်သာ ကုန်ဆုံးသွားခဲ့သည်။

"အစ်ကိုယိမ်း ကန်တင်း သွားမယ်လေ"

"သွားမယ်လေ ယံ"

အပြုံးချိုချိုလေးနှင့်ပြုံးပြလာသည့် ယံ့ ကြောင့် ယိမ်းရင်ထဲ အေးမြသွားရသည်။

ကန်တင်းသို့ နှစ်ယောက်သား ရောက်ချလာသည်နှင့် ယိမ်းက နှစ်ယောက်စာ သွားယူလိုက်ပြီး ယံက နေရာဦးထားလေ၏။

ယိမ်းပြန်လာတော့ ယံနှင့်အတူ ထိုင်နေသည့် လူကြီးတစ်ယောက်ကိုတွေ့လိုက်ရသည်။

"အစ်ကိုယိမ်းပြန်လာပြီ"

ယံ့အပြောကြောင့် ထိုလူက ယိမ်းဘက်လှည့်လာခဲ့သည်။ မီးခိုးရောင်မျက်ဝန်းတစ်စုံဟာ ယိမ်းကိုယ်ပေါ်သို့ရောက်သွားပြီး ယိမ်းကိုယ်တိုင်လည်း အဲလူကြီးကိုအကြည့်မလွှဲနိုင်ခဲ့။

သူ့ကိုကြည့်ပြီး ယိမ်းရင်ထဲ ထူးဆန်းသည့် ခံစားချက်တွေဖြစ်ပေါ်လာသည်။မုန်းတီးနေသလား သံယောဇဉ်ရှိနေသလား ဝေခွဲမရသည့် ခံစားချက်တွေပင်။ အမှန်ဆို ယိမ်းနှင့်သူဟာ ယခုမှ ပထမဆုံးတွေ့ဖူးကြတာပင်။

ထူးဆန်းသည့် ခံစားချက်ကြီးကြောင့် ယိမ်းနေရာမှာပဲ မတ်တပ်ရပ်နေမိတာ အတော်ကြာသွားခဲ့သည်။ယံ့အသံကြားမှ သတိပြန်ကပ်လာပြီး စားစရာတွေချပေးလိုက်၏။

"လူနှစ်ယောက်စာပဲယူလာခဲ့မိတယ်"

"ရပါတယ် ကိုယ်က ခဏ လာထိုင်ရုံ"