#Mr_and_Mrs_අතිපණ්ඩිත_76
"ක..වුද එහෙම කරේ? රෙයාන්ද?"
මං ඇහුවේ මගෙ කටහඬත් එක්ක වෙවුලද්දි. කෙනාර් හුස්මක් හෙළුවේ මගෙ ඉවසීම නැතිවෙද්දි.
"කියන්න මට."
"අර සෙනූ කියන බැ**!"
කෙනාර් කීවෙ දත් ඇඳි දෙක එකට තද කරන්.
"දෙයියනේ!"
මගෙ ඇස් ලොකු වුණේ ඉබේටම මගෙ අතක් කට ගාවට එද්දි. ඒත් එක්කම වගේ මගෙ බඩ පපුවත් එක්ක දාගෙන ගියේ අමුතුම බයක් හිතට දැනෙද්දි. අපි සෙනූ ගැන සුළුවෙන් හිතුවා වැඩියි කියලා තේරෙද්දි අපි පරක්කු වුණා ගොඩක්.
අවුරුදු ගාණකට කලින් සුදු අයියා එයාට ළඟට එන්න නොදුන්න එකේ පළිය සෙනූ මගෙන් ගත්තෙ කැම්පස් එකේදි. එහෙම අවුරුදු ගාණක තරහවක් පිටකරපු සෙනූට කෙනාරුයි ධනුර අයියයි දුන්න දඬුවම ලේසියෙන් අමතක කරයිද එයා..? සෙනූ කියන්නෙ හැපින්නක් වගේ ගෑණු කෙනෙක්.
"ඒකි මේ පාර දැනගනියි මම කවුද කියලා..."
බයෙන් ගැහි ගැහී හිටපු මගෙ පපුවත් එක්ක සීතල වෙලා ගියේ කෙනාර් දත්මිටි කාගෙන කියද්දි. එයාගෙ අත මිටමෙළවෙද්දි මට බය හිතුණා. ගිය පාර සෙනූව පුටුවක ගැටගහලා හිටපු හැටි මතක් වුණා. මම කම්මුලටත් ගැහුවා. ඒ සේරම එකතු කරලා හිතපු නැති විදියකට පළිගත්තේ. කෙනාර් මාව විශ්වාස නොකරන්න කෙලින්ම අපි දෙන්නගෙම පවුල කැඩිලා යන්න හිතාගෙන කරපු දේ!
"ඔයාට පිස්සුද කෙනාර්. මෙච්චර දෙයක් වෙලා තියෙද්දි ඔය මොනවද කියවන්නේ මේ?"
මට කේන්තිත් එක්ක.
"නැත්තම් උඩබලන් ඉන්නද කියන්නෙ ඒකි මෙච්චර ගේමක් ගැහුවට පස්සෙ?"
කෙනාර් අහන්නෙත් කේන්තියෙන්.
"ඔව්. එහෙම ඉන්න තමයි කියන්නෙ. ඔයයි ධනුර අයියයි එදා කරපු වැඩෙත් වැරදියි. පොලීසියෙ වෙලත් ධනුර අයියත් ඔයාගෙ මෝඩ වැඩ වලට උදව් කරපු එකනෙ මට තියන පුදුමෙ.
සෙනූ තනියම මේවා කරා කියලද හිතන්නෙ කෙනාර්? මේ හැමදේම පිටිපස්සෙ අර ඇමතිගෙ පුතා ඉන්නවා කියලා හිතන්න බැරිද? ඒ මිනිස්සු සර්පයෝ වගේ. දෙයියනේ මෙච්චර දෙයක් වෙලා තියෙද්දිත් තවත් උන් එක්ක හැප්පෙන්න යන්න එපා කෙනාර්.
