خاطري بالهوى ينديك

Part 1

‏ P1رُغم إنه عودتهم للديار تحديدًا نجد العذيـّه ما أكمل غير شهر ونصف إلا إنهُم إعتادوا على وضعهم هِنا .. يُعتبر إعتيادهم غريب! بسبب الغُربه الي عاشوها طول سنينهُم بعيدين عن معارفهم كُل البُّعد ..آيسر وهو يلبس اللاب كوت بشكل سريع ؛ توصون شيء قبل لا أروّح ؟العم ضاحي وهو يلعب برفقة عبدالحليم ؛ لا حفظك الله ، إلا شلون بتروّح وسيارتك بالوكاله ؟صقار وهو يرتشف كوب الشاي ويجمع الأوراق ومن ثم تقدم للجد والجده و والده وقبّل رأسهم وإستمع لتوصيات جدته " مِثل " العاده ؛ أنا أبوصله عمي .. يالله إحنا رايحين عالليل بحول الله تستقبلونا رائد وهو يتأمل فنجان قهوته ؛ حشى! نظام دوامكم وراه مو منتظم كل يوم جدول جديد صقار ؛ والله ياعمي مو بيـ ..سحبه آيسر ودفعه للخارج ؛ يارجال إمش ماتصدق تلقى أحد لأجل تهرج معه يكفي متأخر على دوامي بسبتك!إختفت أصواتهم من عندهم من بعد ماتقفل الباب من خلفهم وسمعوا صوت السياره وهي تشتغل وتمتمت الجده أمينه بالدُعاء لتوفيقهم ، أردفت بصوت عالي ؛ بناتي تعالوا العيال روّحوا ..نزلت روق بركض لدرجه كانت على وشك السقوط! الجد بعصبيه ؛ يابنتي كم عمرك لأجل تراكضين كذا لو إنكسرت ساقك!نطت روق بجانب الجده أمينه بحماس وهي تعانق ذراعها ؛ أمي! أنا أفضل خلفتك صح ؟الجده أمينه وهي تتنهد ؛ هو مو صح بس وش عندك ضحكوا جميعهم عليها وتمتمت بضجر ؛ إييه لو إني ريـ ..دفعتها وتّد بخفه وهي تحل مكانها ؛ أقول جدتي بنتك هذي تقعد ساعتين تتدلع عشان تنطق كلمتين على بعض .. أنا والبنات ومرت عمي رواف بخاطرنا نطلع للسينما ، ممكن ؟الجد غسان بحنيّه ؛ وهو فيه طلب لكم مرفوض يابنيّاتي ؟ ،، روّحوا بس عن مرت رواف كلموا رواف نفسه روق وهي تصب لها كاسة شاي وتتربع مابين عبدالحليم وضاحي ؛ هي عيدوا اللعبرائد وهو يحرك أصابعه لإصابة الدائره ؛ شوتوها بالله .. ماشرفت إلا لما مابقي غير 4 قطع ضاحي بتركيز لهدف رائد ؛ إي والله روّحي الله يصلحك روق بتمثيل الزعل ؛ بابا ، يرضيك ؟ضرب الجد غسان ظهر ضاحي وأردف بصوت شبه عالِ ؛ ولد! قم رجع القطع ولعبوها من جديد!مسك ضاحي ظهره ونطق ب ألم ؛ سم يُبه ..أكمل بهمس لروق وهو يقرصها ؛ والله بوريك روق ب ألم ؛ ياوصخ! وتّد إمسكي أبوك عني!قام رائد من موقعه وهو يجمع مفاتيح سيارته وجواله بجيبه وبهدوء ؛ يالله خلونا نطلع يارجال رواف ب إستغراب ؛وين بنسري ؟ضاحي وهو يجمع القطع ويرجعها للعلبه ومن ثم طلب من وتّد ترجعها لمحلها ؛ بنخرج بالكوفي القريب من الحي ، تخاوينا ولا بتطلع تنام ؟رواف ؛ لا جاي معكم إيلف ؛ ليش تروّحون ؟تقدم منها رائد وهو يحتضنها ويقبّل خدها ؛ من زمان ماحضنتك يابابا وينك عني حبيتي أهل الرياض ونسيتيني ؟ بنروّح للخارج لأجل تنزل أمك وحريم أخوانك وتاخذون راحتهم إبتعد عنهم ثُم غمز ونطق ؛ شايبنا ماودك تخاوينا وترجع لشبابك صد الجد وهتف بحده ؛ روّح أنت وياه بس عُمري بيصك السبعيـ ..الجده أمينه بهدوء ؛ ماودك تخاوي عيالك ؟إبتسم الجد ؛ ودك ؟ ضبط لي مكان بالسياره ياعبدالحليم ضحك رواف وصفر من بعيد ؛ والله أم حلومة مو مسويه خير بك شايبناعبدالحليم بتمثيل الحده ؛ إعقب كل ذا الشيب وحلومة!زفر رائد ؛ الظاهر مطولين يتهاوشونرواف وهو يحك رأسه ؛ وتقول الظاهر بعد ؟ساعد ضاحي الجد على إنه يقوم من محله وناوّله العكاز وخرجوا للخارج ،، راحت رين ونادت والدتها ونادين وهمس لأجل ينزلون للأسفل تقدمت همـس وهي تقبّل رأس الجده ؛ إعذريني من يوم ما أصبحت مانزلت لك بسبب حرارتي والله مسكت كف يدها ؛ بنيتي ؟ من متى بيننا أعذار ؟ إحنا نسامح بعضنا بدون زعل ولا عتاب إقعدي ولا عليك من شيء