الحلو المر [قصة كاملة]

الجزء 21

ناذر: غااالية طلقيي ....(تيحاول يفك )

غالية: انااااا بنت ق@اا تغفليني ؟؟ بربي تنقتلك و نمشي عليك الحبس...

يبساات عليهاا و شعرها بقا فيديهاا و تتجنن عليهاا ..و لبنى تتغوت و تعيط عووك عووك ..تجمعو التلاميذ و المدرسة جات على الشارع ..لي جبد تلفون يصور ..و ناذر تيهز غالية من خصرهاا و يجرهاا و هياا تتجر معاها لبنى ..تاخرجو الاساتذة و الحاارس العاام يفكوهم ...

...تفرقات المدابزة و لبنى ولات كي الدجاجة منتوفة و غالية قميجة خرج فيها الدم منقط و وجها ولااحمرر غير تتسوط ....سمعهم المدير المحاضرة كما العادة لاكن الفرق هاد المرة توقفو عن الدرااسة الى الحضور اولياء ..خرجو بجوجهم و ناذر تابع غالية و لبنى لا يتشااادو ..

لبنى: برررربي تانقيد بيك !!

غالية: نشد ليك طااكسي ؟؟ ااه ...لي مااعندو سيدو عندو الالاه ..

ناذر: سكااات !! اااو !! مالكي نتي معاها؟؟

لبنى: علاش ماتكولش مالهاا هياا معاياا؟؟

غالية: محيت ابنت العطااية انا لي جيت غفلتك كي شمائيت؟

لبنى: (تتجمع شعرها و تتبكي) دررتك صااحبتي و تفليتي علياا ؟؟

غالية: صافااا بااا ؟؟ اشمن الصحبة ؟ تتساليني شي @لوة ااجي ديهاا ؟؟ انا بعدا الدم سنااني هما ابنات متنتيقش فربكم ابنات ال@ااب السم و الغيرة ..

ناذر: غاااالية براااكة ..

غالية: هيااا تسكت !!

هما فالباب و عمة لبنى فالباب تمشات عندهاا معصبة و جمعات معاها بوااحد تصرفيقة تدارت ..وجراتها نيشان الادارة ..خلات غالية وناذر تيشوفو .....كملو طريقهم خرجوو

ناذر: هانتي خديتي بوز !! تايجيو والديك ! عجبك الحال ؟؟ شنو بيناتكم كاع ..

غالية: دباا اسااااد خاص تاايجي ولي امري عاد ندخل نقراا؟؟

ناذر: اايه ..طلعي نوصلك و غادي نهضر مع ماماك ونفهما ..اتصلو بولي أمرك ماتيجاوبش؟؟

غالية: 😢😢 ظهري اساد تيضرني..

ناذر: طل من موراها بان ليه الدم ..(بقاات فيه كلشي اشهد فلبنى هياا لي جبدات ) غالية نديك طبيب داوي ظهرك ؟؟

غالية: وخ....مشات معاه اتجاه الموتو ديالو من النوع الكبير...عطاها طاكيط الكيطمة لي دايرة وكاسك ..وركب هو عاد هيا مورااه وقلع بسرعة عادية ...ماوقف حتى وصلو المصحة ....دخلو و هيا غير تتقز ظهرها المها و حوايج تتحس بيهم لصقو عليهاا..دخلات الفرملية تتسواني ليهاا ..عاد جا طبيب شافها لقا غير جروح العادية و اوصف ليها الدوا و خرجو جهة لاكيس خلص و خدا لافاكتور ...