الحلو المر [قصة كاملة]

الجزء 6

....
داخل الفيلا والضحكة مزالة مرسومة ليه ...من دخلة بانت ليه جالسة هيا آدم تيفطرو ..تقدم نحوهم و الخطة تترسم فالراسو

فريد: (بلقباقة و حترام) صباح خير ..ختي جيهاان

جيهان: (تبلوكات ..تتبان ليها تهز ولدها تنوض ...لاكن علاش راه مهدن) صباااح خير..

فريد: (هز ادم باسو) عمووو شنو سميتك !؟؟

ادم: ههه آااادااام

فريد: (تيعيبو) آاااادم ...كولي عندك شي العااب !؟؟

ادم: عندي فبيتي جابهم ليا عموو جمال

فريد: شتي العاابي حسن من ديال عمووو جمال انا عندي تيرااااان الكرة

ادم: هااا ..تيران كبير اعمووو ...

فريد: راااا هو مور الفيلا ..ماشفتيهش؟؟

ادم: الااااا

فريد: يلاه نمشيو نقصرووو كرة ...(تكعد آدم شاد فيه منين سمع تيران و كرة )

جيهان: ءءء عفااك ..فين دايوو !؟

فريد: هههه نسيناك ..واش نتي هاكا سكوتية ديما !؟؟

جيهان: الصمت

فريد: تنعتذر على ديك ليلة كنت ماهوااش ..والله غير سمحيلي اختي بزاااف

جيهان: (معرفات ماتقوليه)....

فريد: انا براا مع آدم ..تبعينا بغيت نهضر ليك على علية الله يرحمها ....زاد و رمى ليها هاد الجملة و فعلا تبعاتو لان ادم معاه ماهمهاش علية لان بساطة ماتتيقش تخلي ولدها لاي كااائن كاان ..

خرج هازو تيهز فيه و تيضحكو ..تا دارو من الجهة اخرى فعلا كاين تيران بالبارة الصغيرة و شبكة فيها الكرات ...حطو فارض و بداا مقصر معااه تا خلاه تيلعب بوحدو ...وجا وقف حدا جيهان

فريد: ماعزيتكش فعلية الله يرحمها ...و يصبركم

جيهان: امين ..الله يرحمها و يوسع عليهاا

فريد: انا مرتااح محيت خويا عاود تزوج من العائلتكم ..فعلا الله يعمرها السلعة علية كانت تحط على الجرح تبرا ..واش نتي مطلقة !؟؟ (مع العلم نهيلة سرسباات ليه كلشي)

جيهان: لا انا راجلي اول الله يرحمو ..

فريد: السنة الحياة الله يرحم مواتنا ..عندك هاد الوليد عيشي عليه ..الله يخليه ليك ...الله يحفظو