الحب ألمنتضر

part16

«بقلمي رواية الحب ألمنتضر «
الحب ألمنتضر
تأتي السعادة عندما نؤمِن أنها ستأتي
لا تنسون التصويت وتعليق بين الحلقات
في تاريخ 2024
6/29 في ساعة 8:05 ص
قرائة ممتعة حبايب قلبي

شمس :_ صحيت لكيت نفسي بغرفتي حطيت ايدي على عيوني خاف اني بحلم بس لا اني صدك بل بيت شجابني يا الله كمت باوعت الوجهي بل مرايا بي اماكن مورمة وراسي ملفوف يعني شنو اضل طول عمري هيج غيرت ملابسي ونزلت ما لكيت العاملات
ميتة جوع صارلي يومين مماكلة شي
طلبت اكل وصل اكلت دنية ليل باوعت الساعة ب9:35م دخلت غرفتي تعبانة كلش
توني اريد انام دك التليفون شفتة ابتسمت لا أرادين "الغريب لأسود" خلصت الدكة واني ممجاوبة بعد ما اتصل دز رسالة

الغريب لأسود "مساء الخير"

كتبت "مساء النور "

كتب "شلونج"
كتبت "بعدني عايشة "
كتب "اي اعرف "

كتبت "منين تعرف "

كتب "مو جاي اراسلج "

كتبت" ها اي "

بعد ما كتب شي خرجت من المحادثة واتصل علية رقم غريب

الو

"الو بنت عمي شلونج شخبارج شعجب شو بعدج مميتة "

شمس " رزان ههههه والله بمعجزة مدري شعجب حتى توني كلت ال.. "

رزان :_ كلتي المن ها ها

شمس :_ ههههه انجبي يلا

رزان :_ شمس

شمس :_ كولي ؟

رزان :_ ليش هيج عيشتنا

شمس :_ بسبب الطمع

رزان :_ احس نفسي اريد انتحر واخلص

شمس :_ رزان شنو هل كلام اني صارلي 7 سنوات اتعذب ما فكرت انتحر

رزان :_ انت على القليلة مو اهلج عمامج ألأة اني اهلي ويعذبوني

شمس :_ راح اروح لآبو اليتامة ترحين ؟

رزان :_منو؟

شمس :_ لأمام علي علية السلام

رزان :_ بهذا اليل

شمس :_ براحتج باي

رزان :_ لا خلص اني جاية وياج

شمس :_ شنو اسم المنطقة الي انتو بيها

رزان :_ منطقة ال ....

شمس :_ هممم يعني يرادلج 30 دقيقة يلا توصلين

رزان :_ ياا شمدريج

شمس :_ شكد غبية غير حسبت الوقت

رزان :_ عليج الله اطلب طلب

شمس :_ اطلبي

رزان :_ انطيني من جمالج وذكائج

شمس :_ لو ينعطن جان انطيتج ما أقصر