خاص جدا [قصة كاملة]

الجزء 4

صرختها العالية خلات البعض من افراد العائلة يسمعوها

خرجو بسرعة يشوفو اش طاري، كانت سليمة و بنت خالتهم و سيف و حتى رحاب

غير بانلهم داك المنظر ديال تانيرت بين يدين حيدر، تخلعو عليها

كانت باينة فيها فاقدة وعيها من خلال رخوتها..قربو عندهم بسرعة و تقدم سيف عند حيدر شد فيد تانيرت

سيف: مالها اش طرا؟

سليمة: (دفعاته من قدامها و شدات فختها) ختي، ح حيدر ياك لاباس؟
رحاب: بنتي. . ا اشنو طرا اولدي؟؟

مادواش و مجاوبهمش، حدو عاود شاف فجسدها الصغير اللي مرخي بين يديه، شاف فدوك الملامح و دوك الخصلات النارية اللي كان كايشوفهم و كايفكروه فيها..ماضنهاش غاتكون هي نظرا لأن الدنيا كبيييرة و ماشي بهاد السهولة غاتجي و طيح بين يديه من السما و لكن!!

ها هي ديال بصح طاحت بين يديه من السماء..سنانه تغززو مع بعض و هو على وقفته كايشوف فالصغيرة بين يديه تا نطق سيف و هو كايمد يدو ليه

سيف: اري نشدها عليك، ناخذها لبيتها!
رحاب: اه اولدي عفاك ، ن نعيطولها لشي طبيب، بانتليا سخفانة

سليمة: ياكما وقعاتلها شي حاجة؟

ماعرفوش اشنو وقع تا قرب سيف غياخذها لحيدر و هو يشوف فيه بنظرة شديدة السواد، ماطلقهاش من بين يديه و مانطقش .. تخطاهم كاملين من قدامه و دخل بيها لداخل

تبعوه كاملين و هوما مخلوعين عليها، تا طلاقاتهم فالطريق الخادمة ديالها

غير شافتها بين يدين حيدر شهقات و تمتمات بتفاجئ
الخادمة: تانيييرت!!

كأنه كان محتاج غير داك التأكيد باش يزيد يعرف انها ديال بصح هادي هي!!

مشافش فوجهها مزال، حدو شاف فالخادمة و نطق بجفاء
حيدر: بيتها؟

فهمات سؤاله ليها و مشات سابقاه تنعتليه البيت ديالها، دخلها لديك الغرفة اللي كانت قريبة من جناحه

حطها فوق من سريرها تا تفرش شعرها تحتها و هز راسه فملامح وجهها الناعمة و الرقيقة

ناض من جنبها وقف و هوما يلحقو عليه البقية

شاف حيدر فالخادمة و مزال مادواش كان تدق الباب و دخل طبيب القصر الخاص

حيدر: (شاف فيه و نطق بحدة) فحصها
الخادمة: م مخاصهاش تفيق و هو معاها غ غاتخاف و غاتجيها حساسية