خاص جدا [قصة كاملة]

الجزء 5

حل فمه ناوي يهضر معاها، حتى سمعو صوت من طرف سليمة فيقهم من عالمهم اللي دخلو فيه و خلاها هي تتقدم فمشيتها خارجة من الليموزين

سليمة: (بنبرة غير مرتاحة) علاش جينا هنا؟

علات تانيرت عينيها فالمكان و هي تقوص حواجبها، بينما حيدر نزل بدوره و شاف فبلاكة الكازينو اللي نزلو عنده!

شاف فسليمة و نطق بجمود
حيدر: ياك بغيتي تسهري؟

سرطات ريقها حاسة بالخنقة، آخر مرة زارت هاد البلاصة ماخرجاتش منها بالساهل و باقا عاقلة على الرصاصات اللي كانو غايقتلوها بسباب فعلتها!

عينيها حساتهم دمعو و لكن حاولات تقوي نفسها و نطقات بابتسامة مزيفة

سليمة: ك كانضن من الاحسن ن نبدلو البلاصة! ت تانيرت مغاترتاحش!

شاف حيدر فتانيرت اللي كانت كاتشوف فيهم بنظرة هادئة، رجع شاف فسليمة و قال بنبرة اشبه للثلج ببرودتها

حيدر: كنتي تفكري فهادشي قبل ماتجريها وراك!

قال كلامه و دار شاف فحراسه، حركلهم راسه باشارة يردو البال و رجع شاف فطريقه سابقهم لداخل

سليمة تنهدات بقلة حيلة و تبعاته، بينما سيف شاف فتانيرت اللي كانت مزالة متأثرة بفلاش السيارة و اشارلها يدخلو

دخلو هي و ياه، و قلبها حاساه غايسكت، تمشاو بجوجهم تابعين حيدر، تا لطبلة خاصة، جلسو فيها بربعة و جا عندهم السيرفور فالحين يسربي الطبلة ديالو حيت عارف حيدر اش كايبغي

حطو السقاطة و المشروبات و الگلاصون و اي حاجة يحتاجوها، تا سالاو و غايتحركو و هو ينطق بحدة حواجبه عقدتهم مكتحلش

حيدر: حط مشروب بدون كحول!
شافو فيه كولهم و هو عينيه على تانيرت اللي حسات براسها مزيرة، بسباب النظرات دياله اللي كايبقاو حاضيينها غير هي

ناض من بلاصته بعدما جر يد سليمة معاه، خلاوها كاتشوف فيهم متبعة يديهم المتشابكين و قلبها كايضرب بسرعة

جر معاه سليمة تا وصلو للبلاصة اللي جنب الحمامات، بالضبط البلاصة اللي سليمة ضربات فيها بسمة

دار عندها و هي مثوثرة و حاسة بقلبها كايضرب بالزربة، شاف فيها بغضب واضح و نطق بنبرة مرعبة

حيدر: علاش درتي داكشي؟؟؟

شافت فيه مفاهماهش فنفس الوقت تزاد معاها الزايد!
حسات بشي حاجة ماشي هي هاديك!
راها مناسياش نفسها انها مرتاكبة جريمة فهاد البلاصة و بيديها بجوج!
صرطات ريقها بصعوبة و تمتمات بالزز، بكلمات متقطعين