خاص جدا [قصة كاملة]

الجزء 7

تحدر هزها بين يديه تا تنخشسات فيه و تمشى بيها غايطلعها لفوق تا تقابل مع سليمة كانت كاتساينهم و هي كاتعض فضفارها و يديها كايترعدو

سليمة: (بحدة) اش هادشي كايطرااا احيدر؟
شاف فيها بنظرة جاادة و هي حولات نظراتها للصغيرة بعنف تا زادت تخشات فيه و هادشي زااد عصب سليمة

سليمة: عضاااتها نحلة مااشي عگرب باش دير على قبلها هاد الحااالة، هادي راها ختي و انت بنتيليا غاالط فالعنوان، هادشي المفروض ديرو معاياا انا و مااشي معااهااا، ا انا عمررك هزيتيني فحال اللي هازهااا

طول الشوفة فيها بنظرة غير مبشرة بالخير، و بكل هداوة داز فيها متخطيها بلا مايبل ريقها بجواب اللي يقدر يبرد عليها شي شوية!
مشا من قدامها خلاها غاطرطق و من بلاصتها مشاات نييشان كاتجريي للغرفة عند ماماها و الدموع فعينيها

رحاب: (عقدات حواجبها) بنتي؟ ياك لابااس؟؟

سليمة: (كتبكي) ماااما انا كرهتها كرررهتها علااش رديتييها عندنا علاااش

رحاب: شكون هادي؟ اشنو وااقع؟

سليمة: ع عضااتها نحلة و دار عليها اللي مايدار، ا انا البااارح شفتي على طيحة طحت و فاش قلتهاليه فالصباح، خسر عليا سيري عند الطبيب دالقصر يعطيك شي دوا، اما هي هزها بين يديه و داااها و وقف على الطبيب تا دارلها الدوا و رجع طلعها للبيييت، و واش انا سووقي فييها، هاديك اصلااا ماااشي ختييي علاااش غانبقى متحملاااها بينااتنا!!!

غوتات بصوت مسموع، تا تحل عليهم الباب، دخل الجد و عيونه كايشوفو فيها بنظرة جادة و نطق و هو كايسد وراه الباب بالساقطة

الجد: سكتي ألموصيبة، اش بييك كاتغوتييي هاكا مااالك؟ باغيا ضيعي داك الراجل من يديييك ولا شنوو؟؟

سليمة: (كترجف كااملة) وراااه ضااع، ضاااع اجديي ضاااع، ر راهااا خداتو مني البرهوووشة. . يااك قلتليك الباارح هنيينيي منها ، قلتهاالييك؟؟

الجد: اشمن خداتو راه غير نزوة و صافي، البنت صغيرة و غاتكون عجباتتو عليك انتي، بالسيف ماتعجبو شوفي الفرق بين تصرفاتكم انتي و ياها و غاتعرفي لاش ختارها هي بالضبط!!

سليمة: مااسووقيييش، انا داابا بغيتو لياا، هداك دياالي انا ماشي دياالها، هي اصلا لقييطة متشردة، بابا لقااها عند باابنا مليووحة، هووو سباب عذاابي هووو، مي حنة بعدااا هناتنا منها دوك السنيين و لكن دااابا علاش غاتجي تنغص علياا اناا؟؟

الجد: سكتيي و زميي فمك! اش باغا دااباا شنووو؟

سليمة: (شافت فرحاب اللي غير كاتصنط) بغيتها تمووت، ن نقتلوها، ن نتبعوها لهاديك اللي خبيتيها انت هادي عام و نص، انت اللي غطيتي عليا الجريمة اللولة و دابا خاصنا نتبعولها الثاانية