تقدمت سحاب مع محمد لغرفتها عشان تمسح البلاشر و ال ايلاينر خذت مزيل المكياج و بدت تحطه بالقطن و مسحته على وجهه وبدأ حبه حبه يروح ونطقت: ذحين قم روح غسل وجهك وتعال حط مرطب عشان وجهك ما يجف ويصير فيه مجعدات
محمد: طيب عطيني المرطب مابي ريحت عطرك يثبت في ملابسي ويحسبوني متزوج
سحاب: واو ترا ماردك بتتزوج ماراح تبقى عزابي
محمد: ماراح اتزوج وش تسوين
سحاب: اخطب لك
محمد: اقول والله لو سويتي من ذا الكلام لا أعلم ابوي
سحاب: اشبك امزح
محمد: اي أدب...
تقدم محمد اخذ الكريم الي عطته سحاب وطلع وتقدم غرفته يبدل و يعطر عطره الثقيل و تبخر بالمبخره الاكترونية وخلص وتقدم مقابل التسريحه وحط المرطب و تركه و مشط شعره و طلع وشاف اهله توهم صاحيين سلم عليهم و طلع ركب سيارته و مشى ل شغله.
~~~~~~~~~~~~~
بالبيت بالصالة:
ابو سحاب: ها يا ام سحاب تقضيتو للعيد؟
ام سحاب: ابد ماشرينا شي
سحاب: ماما قلت ل عبدالعزيز يوديني السوق شرايك تجين معنا وانت بعد يا بابا
ابو سحاب: لا يروحي انا بروح افصل لي ثوب و ل اخوانك
ام سحاب: خلاص زين اخوك يودينا و ابوك يروح يفصل له و ل اخوانك بعد
دخل عبدالعزيز ونطق: سمعت اسمي
ابو سحاب: وعليكم السلام
عبدالعزيز: معليش يبه نسيت
ابو سحاب: معليه كلنا ننسى
سحاب: والله لو طاريين مليون
ام سحاب: اي والله وعاد عبدالعزيز تودينا اليوم صح
عبدالعزيز: السوق اي
ام سحاب: زين بعد صلاة العشاء نصلي و نطلع
عبدالعزيز: يحلها ربي ان شاءالله
الكل: ان شاءالله
وقفت سحاب تصب لها شاي ونطق عبدالعزيز: صبي لي قهوة
سحاب: اتوقع عندك يد و رجل صح
عبدالعزيز: لا مو صح
سحاب: صب لروحك
عبدالعزيز: سوسه
سحاب أشرت على نفسها: انا سوسه
عبدالعزيز: ايه سوسه
سحاب مثلت انها تبكي: بابا شوفه"🥺"
ابو سحاب: افا سحابي تبكي الكل يبكي الا انتي شفيك
سحاب: عزوز يقولي اني سوسه ترضاها على بنتك
عبدالعزيز: وانا صادق يمه قلت شي غلط؟
ام سحاب بضحك: لا ماقلت شي غلط
عبدالعزيز: شفتي ها ماقلت شي غلط
سحاب تخصرت: ماما ليه وقفتي معه وهو الغلطان
ام سحاب: اقول كلكم غلطانين زين كذا ويلا احضنوا بعضكم وكل واحد يتأسف ل الثاني.
قاموا سحاب و عبدالعزيز يحضنون بعض وهمس سحاب له : الأيام بيننا عزوز وتذكر
همس لها عبدالعزيز: اي نشوف يا سحاب
بعدوا عن بعض و اعتذر كل واحد ل الثاني آذن للعصر والكل قام يصلي عبدالعزيز و عبدالله و ابو سحاب راحو المسجد و ام سحاب و سحاب صلوا بالبيت.
~~~~~~~~~~~~~~
بالمسجد دخلوا صلوا خلصوا وقفوا يتقدمون لخارج المسجد و طلعوا ونطق ابو سحاب: تعرفون اخوكم سلمان متى يجي؟
عبدالعزيز: لا يبه كلمته أمس بس نسيت اسأله
عبدالله:وانا مدري عنه
ابو سحاب: يلا ان شاءالله يجي اليوم لأن ابغاكم ب موضوع
عبدالله: عساه خير
عبدالعزيز ضربه على راسه: خير خير ان شاءالله
مشوا كلهم ب إتجاه البيت و وصلوا ودخلوا داخل وجلسوا بالمجلس يتقهوون ويسولفون.
~~~~~~~~~~~~~~
فوق بغرفة سحاب وهي تكلم صديقتها المقربه:
سحاب: اوف يا الهنوف تخيلي بكرا العيد وانا مامعي فستان احس بصيح
الهنوف: منجدك طيب إكسسوارات كذا
سحاب: ولاشيء اليوم بنروح نشتري
الهنوف: قلت لك من قبل اشتري قبل العيد ب اسبوع بس انتي قلتي لا وسويتي عكس كلامي بس روحي اليوم ان شاءالله تلقين شي سنع
سحاب: اهخ ان شاءالله الله يسمع منك
الهنوف: اسمعي امي تناديني بروح
سحاب: تمام سلميلي عليها
الهنوف: يوصل. مع السلامة
سحاب: مع السلامة. قفلت الهنوف و تقدمت سحاب تعدل جلستها وتنزل تحت عند امها.
~~~~~~~~~~~~~
عند ام سحاب جالسه بالصالة تكلم ام سلطان وتأخذ علومها و أخبارها ونفس الشيء عند الثانية.
ام سلطان:شخباركم عساكم بخير وشلون سحاب عاد ودي اشوفها و اسولف معها حتى نوف تقول متى نروح لهم او هم يجون عشان تقعد معها وتسولف مزعجتني
ام سحاب:الحمدلله بخير ابد والله مدري متى نجيكم الود ودنا نجي و نقعد ل الأبد عندكم بس ان شاءالله قريب هالأيام ان شاءالله
ام سلطان: عاد ودي اسمع صوتها
دخلت سحاب على امها وتشوفها تكلم.
ام سحاب: هاذي هي دخلت . ام سلطان عمتك تبي تكلمك
سحاب: اووه عمتي ابغى اكلمها
ام سحاب: خذي الجوال تكلمي
خذت سحاب الجوال و قامت تتكلم معها
ام سلطان: يروحي انتي كبرتي مشاءالله
سحاب: اي ياعمه الا شلونك و وشلون عمي
ام سلطان: الحمدلله طيبين انتوا شلونكم
سحاب: الحمدلله بخير
ام سلطان: دوم يارب
سحاب: تدومين. عاد استأذن بعطيك امي بروح اكل لي كم لقمه
ام سلطان: خذي راحتك يروحي بالعافيه عليك اهم شي سمعت صوتك
سحاب: يعافيك عمه
عطت سحاب الجوال ل امها و تقدمت سحاب تطلع من الصالة و تروح تسوي لها اكل.
>>>>>>>>>>>يتبع
أنت تقرأ
لقيتك بعد كل الناس أجملهم
Romanceماذا لو التقّيت بكَ صدفه؟ أول رواية لي ~ كتابتي الأولى ~ سعودية🇸🇦 قراءة ممتعة🩷
