ضرب عبدالعزيز على راسه ونطق: معليك منه مطفوق بس افتحي طلبتك
سلمان تدخل: سوسو عبدالعزيز طلبك تردين الطلب
سحاب: اكيد لا
سلمان: يلا ورينا عرض اكتافك
سحاب: خلكم بروح اطلع البنات واقولهم يقولون ل الحريم لا يطلعون في رجال
عبدالعزيز: عجلي.
سكرت سحاب الباب و دخلت داخل و تقدمت المطبخ ونطقت: بنوتات بيدخلون المطبخ يبغون شي و يطلعون علموا الحريم لا يطلعون
شوق: منهم
نوف: اخوي و اخوها اكيد
شوق: اي زين قومي اجل نحرس باب الحريم مالي خلق ادخل و اقول لهم لاحد يطلع
نوف: زيك بس سحاب قولي لهم ينزلون رؤوسهم
سحاب: من عيوني.
قاموا شوق و نوف يروحون باب الحريم يوقفون .
وراحت سحاب عند الباب ونطقت: ياتيس
عبدالعزيز سمعها: ياحماره
سحاب: تدخلون بس نزلوا راسكم لان فوفو و شوشو عند باب الحريم واقفين
عبدالعزيز التفت ل العيال: سمعتوا
العيال: اي
عبدالعزيز: افتحي
سحاب: اذا فتحت وين اروح صح
عبدالعزيز: اذا دخلنا روحي وقفي مع البنتين الي يحرسون
سحاب: اي زين.
فتحت سحاب الباب و دخلوا العيال و توجهوا للمطبخ.
》》بالمطبخ《《.
عبدالعزيز: قلت لكم اعرفها
سلمان: خلاص ابثرتنا اعرفها و اعرفها
عبدالعزيز: اقهركم
عبدالله: من زينك و من زينها
عبدالعزيز: اي لو سمعتك محطتك تمحيط
عبدالله: ماتقدر
عبدالعزيز: شرايك اناديها
عبدالله: نادها
عبدالعزيز كان بينطق اسمها بصوت عالي بس قاطعه سلطان: يالطيب انا هنا
عبدالعزيز: يوووه السموحه
سلطان: لا معليه الحين شناخذ
عبدالعزيز: شوفوا اندومي واضح انه حق سحاب لان دايما هي تسوي ذي الخلطه السريه على قولتها
عبدالله: ودي اذوقه
آشر عبدالعزيز على صحن: واضح ذا حق سحاب لان اذا جت تقوم تنزل المعلقه جربه
سلمان: صادق وخرو بجربه. تقدم سلمان يجربه و نطق: ياهو طعمه لذيذ لهدرجه سريه
عبدالعزيز تقدم وجرب و عجبه و بعده عبدالله ونطق:
ابك والله طعمه لذيذ يهول خذ سلطان جربه
سلطان تقدم و اخذ لقمه و عجبه ونطق: لا مشاءالله فنان احس شبعت مابي غيره
عبدالعزيز ضحك: زيك وربي
سلمان: اقول امشوا ماجينا بس عشان ناكل اندومي الا بسألك سلطان
سلطان: سم
سلمان: سم الله عدوك. عندك اخوان
سلطان: معي
سلمان: وينهم
سلطان: واحد مبتعث واسمه سعود والثاني طالب بس مفصول
سلمان: ابك ليه انفصل
سلطان: راعي هواش
عبدالعزيز: الله يعين يلا امشوا نسوي شاهي و ناخذ خبز و جبن شرايكم
سلطان: الي يجي من الله حياه الله
تقدموا الكل الي يطلع الجبن والي قاعد ويتكلم والي يسوي الشاهي الين انتهوا ونطق عبدالعزيز: يلا امشوا نطلع خربنا جلستهم
عبدالله ضحك: والله وال جلسه عاد
سلمان: بلا هرج زايد يلا قدامي
طلعوا كلهم من المطبخ و شافتهم سحاب وهم طالعين راحت مركضه ل المطبخ تشوف الأندومي حقها لان عارفه اخوانها يبلعون اي شي قدامهم التفت عبدالعزيز يوم شافها تركض ونطق ل العيال: ابك لايكون حست فينا وحن ناكل الاندومي راحت طيران المطبخ
سلمان: اما هي ام فستان احمر سحاب
عبدالعزيز: اي شرايك بذوقي انا قلت لها تلبسه وابك مو متغطيه بتجيب لي الجلطه
عبدالله: ساكنه بالرياض ويوم وليلة جت هنا وتبغاها تتغطى بثانية
سلطان: اتركوها مردها بتتعود
عبدالعزيز: انا مع سلطان مردها بتتعود .
سكتوا وطلعوا من البيت و راحوا المجلس الي كان فاضي جلسوا وبدأو ياكلون.
》》بالمطبخ《《.
سحاب: وربي كنت عارفه انهم بياكلون افف
نوف: من
شوق: اخوانك؟
سحاب: اخواني اي
نوف: يابنت عادي اكلي معي
سحاب: لا عليكم بالعافية ما اكثر اكل عوافي
شوق: لا تزعلين معليك منهم
نوف: اي
سحاب: ماني زعلانه بس عادي
شوق: اسمعوا الصباح صاحيين صح
الكل: اي
شوق: شرايكم نطلع ومنها ناخذ فيتامينات من الشمس والكل بيكون نايم اساس وعادي نتمشى حوالين البيت ونروح عند النياق و نخلة جدتي فاطمه وربي انها حلووه
نوف: تممم
سحاب: احس لا ماراح اجي معكم
نوف: سوسو تكفين عادي
شوق: اي يلا امانه
سحاب: بعدين بعدين
نوف: امانه تكفين طلبتك
شوق: نوف طلبتك تردينها
سحاب استسلمت : خلاص معكم
نوف حضنتها بحماس: احببككك خلاص ٧ الصباح زين؟
شوق: مرره زين
سحاب: عاد الحريم اسمع أصواتهم واضح انهم خلاص بيروحون
نوف و شوق نفس الوقت: اي والله.
"اعتذر ان هالبارت ماطولته زي العادة بعوضكم ب الأكثر بالبارت الجاي احبككمم🌷"
>>>>>>>>>>يتبع
أنت تقرأ
لقيتك بعد كل الناس أجملهم
عاطفيةماذا لو التقّيت بكَ صدفه؟ أول رواية لي ~ كتابتي الأولى ~ سعودية🇸🇦 قراءة ممتعة🩷
