لقيتك بعد كل الناس أجملهم

Part 34

البارت الرابع و الثلاثون
.
.
.

شهد: والله تو
شوق تقدمت ل شهد: بشيلها عادي
شهد ضحكت ومدت لها ساره: عادي
خذت شوق ساره: خفيفه وه مشاءالله
نوف: مابقيتوا لي شي اشيله
سحاب غمزت: غرتي"😉"
نوف ضحكت وجلسّت: لا وين ليه اغار
بكت ساره و وقفت شوق تحركها بشويش لين هدت ونطقت شهد: لايق عليك تصيرين ام
شوق ابتسمت: ويين
سحاب: سكتيها بسرعه
تدخلت دانه: ابغى بابا
نوف: ابوك مشغول
دانه: لا ابيه
شهد: خلاص شوي ويجي
دانه: مابغى ابيه الحين
شهد: راح عند الرجال عيب
نوف: وه راح عند اعمامها و جدها
شهد: احاول اسكتها
دانه: شفتي مو عند رجال
نوف: خلاص انا اوديك
دانه: يسس احلى عمه
نوف وقفت و ناظرت سحاب: تجين معي
سحاب انتبهت: ايه عادي
وقفت سحاب ولبسوا عباياتهم وطلعوا وتصادفوا مع الجده فاطمه انتبهت لهم وناظرت دانه ونطقت: من الي معكم
نوف: بنوته
فاطمه بصدمه: اقول بلا مزح زايد اخلصوا
نوف: ما امزح قلت الصدق ، نزلت نوف مقام دانه ونطقت: شوفي هاذي جده فاطمه
دانه ابتسمت وناظرت فاطمه وراحت لها مسّرعه تحضنها وبعدت عنها: انا دانه
فاطمه انصدمت ونزلت لمقامهاّ: دانه بنت من
دانه: ناصر
فاطمه ابتسمت بحسب ان جايين لهم ضيوف و اعتدلت وناظرت البنات: وين رايحين ان شاءالله
سحاب: نوديها عند ابوها
فاطمه: انتبهوا و وين امها
سحاب: فوق
فاطمه: زين
راحت من عندهم فاطمه و نزلت للصاله و البنات كملوا طريقهم.
》》المجلس《《.
كانوا يسولفون و سكتوا من دخول ناصر و سعود وقف الجد من انتبه لوجود ناصر مع سعود رحب فيه ونطق:
تو مانور المكان
ناصر ابتسم: بوجود صاحبه
الجد محمد مسك يده وخلاه يجلس جنبه ونطق: توك تجي المزرعه
ناصر: والله أشغال
محمد: وشهي علمني
ناصر ناظر سعود الي كان يناظره ويحرك رأسه بمعنى" لا تقول له"
ناصر ناظر جده مره ثانيه: أشغال أشغال
محمد ضحك: اجل زين
ناصر ناظر سلطان الي يهز رأسه بمعنى" قولهم" فهمها ونطق: جد
محمد: سم
ناصر: سم الله عدوك ابغاك بشيء
محمد: بيني وبينك يعني
ناصر: هالله هالله
محمد: اجل قم برا وعلمني هرجّك
طلعوا برا و وقفوا بعيد عن المجلس ونطق ناصر: ببدأ بدون مقدمات
محمد: انطق
ناصر: تزوجت
محمد أعتالت الصدمه بوجهه: تمّزح
ناصر: وعندي بنتين
محمد كان يحاول مايصدقه: عارفك تمزح امش بس
قاطع نقاشهم صوت دانه الي جت مركضه لناصر تحضنه وشالها ونطق: وهاذي وحده من بناتي دانه
تقدموا البنات عندهم وناظر الجد نوف ونطق: الي قاعد يقوله اخوك صح
نوف ناظرت ناصر: ايه
محمد بحده: بنت من ومن وين هي ومتى تزوجتها؟
سحاب تدخلت: جدّي البنت هنا مايصير
محمد: خذوا البنت و ادخلوا المجلس
نوف بأستغراب: المجلس؟
محمد بحده: ايه المجلس
نوف: والعيال؟
محمد: ماراح تتغطون عنهم ادخلوا وانتوا ساكتين و اجلسوا جنب بعض واذا حد سألكم من قالكم ادخلوا قولوا له الجّد محمد قالنا ادخلوا وبعدها اسكتوا
نوف تأفتت وخذت دانه و تقدموا داخل المجلس.
اما عند سعود وناصر نطق الجدّ: امك تدري
ناصر: تدري وقالت بعد بكرا عرسكم
محمد: يعني مو معرس
ناصر: لا
محمد: منهي بنته
ناصر: شهد بنت فيصل
محمد: كمل الأسم
ناصر: بن تركي آل فهد
محمد أرتخت ملامح وجهه: بنت فيصل تقولي والنعم
ناصر استغرب من ملامح جده تغيرت: فيك شي
محمد: خلاص
ناصر تقدم يبوس رأسه: مانتب زعلان مني
محمد بتمثيل الحده: صح زعلت بس البنت تحافظ عليها وان سمعت انك زعلتها او ضايقتها ما تلوم الا نفسك فاهم
ناصر: فاهم بس
محمد: بس ابوك معليك انا بقول لهم بس تزوجتها بأذن من؟
ناصر: ابو خويي
محمد: الشكوى لله امش بس لو غيري ماكان تفاهم .
》》البنات《《.
دخلوا المجلس وراحوا جلسوا تحت أنظار المستغربين من دخلوهم ونطق عبدالعزيز: داخلين بالغلط؟
سحاب نطقت: شدخلك؟
سلمان مسك يد عبدالعزيز بمعنى اسكت ونطق: حد قالكم ادخلوا؟
سحاب: جدّي
متعب: ومن الي معكم
نوف نطقت: دانه
متعب: دانه من
قاطع كلامهم دخول ناصر و الجد محمد ونطق: دانه بنت ناصر والي بيقاطع كلامي ماهوب ولدي ولأني اعرفه إذ خلصت كلامي كل واحد يقول الي عنده وبس ، جلسوا ونطق محمد: دانه بنت ناصر حفيدتك تزوج ناصر من دون علمنا وهاذا اكبر خطأ بس تزوج بنت صديقي فيصل ومتعب انت تخبره كنت تحبه اكثر مني
تزوج بنته شهد وجاب منها بنتين وحده دانه والثانيه الله و اعلم شسمها والبنت من الحين صارت مننا وفينا وانتهى اما البنات الي هم نوف وسحاب الي تتسألون من مدخلهم انا دخلتهم وبيكشفون عن العيال
قاطع كلامه صوت نوف بصدمه: نكشف لا ياجدّ
محمد: قلت محد يقاطعني واذا عن الكشف ماهوب كشف الي فبالك يعني تتكلمون معهم وتكونون مع بعض ومن اليوم ورايح نفطر مع بعض ونجلس مع بعض و نسولف مع بعض وبكرا ان شاءالله بروح انا وسلطان نبيع ناقه ونشتري فيها بيت واذا بتقولون هالمزرعه وين نوديها بتكون موجوده ماراح تروح الي راح يجيها يجيها وخلاص حد عنده كلمه؟
متعب: متزوج من دون حد يدري ابوه ابوه مايدري من الي يدري؟
ناصر: محد يدري غيركم و امي وعمتي العنود و خواتي
وأهل شهد
متعب بعصبيه: وتقولها بكل ثقه بعد
سلطان وقف وتقدم يمسك ابوه ويهديه: صل على النبي الحين خلاص عرفتوا مهب لازم السالفه تكبر و تراها البنت هنا
متعب جلس بعصبيه ورفع رأسه يناظر دانه بادلته النظره كانت خايفه من الي صار ونطقت: بابا ماله دخل
شالتها سحاب تحضنها وبكت دانه بحضنها ونطقت سحاب بهمس: وه دودي تبكي لا يروحي حشى من يزعلك ، مسحت سحاب دموعها ونطقت: ماراح يصير شي شوفي جد أشرت على متعب هاذا جدك اكيد يحبك ويخاف عليك عشان كذا عصب
دانه هزت رأسها بالنفي: لا هاوش بابا وهو مايحبني
نوف نطقت: لا يحبك بس هو ترا كذا عصبي من الخوف يعصب
دانه: قولي والله
نوف ضحكت: والله
محمد نطق: وين شوق وشهد
نوف: بالغرفه
محمد: ايه زين و دانه تعالي
سحاب: يلا روحي له
دانه وقفت وراحت لمحمد وشالها ونطق: لا تبكين مره ثانيه
دانه أشرت على متعب: هاذا خلاني ابكي
محمد ضحك: هاذا جدك
دانه هزت رأسهابالنفي: لا
نوف ضحكت: لا عيب جدك
دانه: مالك دخل
نطق متعب بهدوء: تعالي
دانه انتبهت: لا
محمد همس لها: ليه عادي
دانه بنفس الهمس: بيعصب علي
محمد: لا ماراح يعصب معليك
دانه: قول والله
محمد: والله
دانه وقفت و راحت لمتعب ونطقت: بالأول راح تعصب علي؟
متعب ابتسم: لا
دانه: خلاص اوك
متعب شالها وحطها بحضنه: انقليزيه ها
دانه: بابا علمني
متعب: بابا
دانه هزت رأسها بالموافقه: اي
متعب: مبسوطه مع بابا و ماما
دانه: مررره
متعب: جعله دوم
دانه: انت جدي؟
نوف نطقت: ايوا جدك
دانه ناظرتها: ماكلمتش
سحاب ضحكت: اوب يالشين
دانه: ماما كانت تتكلم بالشين وبعدها صارت تتكلم بالكاف
نوف: كم عمرك
دانه: خمسه
نوف: وتتكلمين بهالسرعه
متعب: بسم الله عليها قولي مشاءالله
نوف: مشاءالله
متعب: البنت الثانيه وين
دانه: عند ماما
محمد ابتسم: تبي تشوف حفيدتك؟
متعب ناظره: لا بكحل اكيد بشوفها ولا بنحرم من شوفتها؟
ناصر: فوق عند امها
متعب: خلاص خلها بعدين اشوفها
دانه نطقت: شسمك
متعب ناظرها: متعب
دانه مافهمت: سلامتك
متعب ضحك: اسمي متعب
دانه: اهااا مافهمت سوري
متعب: سوري يعني اسف صح
دانه بغرور: اساس انا الي اعرف بس انقليزي
نوف: تدري الي جنبي تعرف احسن منك
دانه ناظرت سحاب: صدق قولي شي
سحاب ابتسمت: "l'm just a girl " انا مجرد فتاة"
دانه بملامح غير مفهومه: يعني؟
سحاب: انا مجرد بنت
دانه: اهاا
نوف: شفتي
دانه: ايوا
سحاب همست لنوف: شنسوي طفشت
نوف بنفس الهمس: وربي صدق
سحاب: ناخذ دانه بحجة ان امها قالن لا تطولون؟
نوف: اي اي
سحاب نطقت: يلا دانه امك قالت لا تطولون
دانه تأففت: طيب
نوف: قومي لا أهفك
دانه: " cow" بقره"
نوف: cow ؟
سحاب ضحكت بقوه خلتها تجلس وتمسك بطنها: اهخ بطني
نوف: شتقصدين
دانه رفعت اكتافها بعدم المعرّفه: مدري
نوف ناظرت سحاب: شتقصد
سحاب مسحت دموعها: بقره
نوف ناظرت دانه: انا بقره وربي ان ما مسكت وصفقتك
دانه ضحكت وركضت برا المجلس و وراها نوف اما سحاب قعدت بحضن جدها تكمل ضحك ونطق: قومي قومي لا يصير شي
سحاب رفعت راسها ومتردده تطلع: امم اقوم اطلع؟
محمد: ايه
سحاب: يعني لو طلع لي ثعبان او عقرب؟
محمد ضحك: الله يقطع بليسك خلاص سلطان يطلع معك
سحاب بصدمه: سلطان ذا أشرت عليه
محمد: ايه ذا بسم الله عليك
سحاب: لا ولاشيء
محمد: يلا انتبهي وسلطان قوم معها
سلطان ناظر جده وبعدها ناظر سحاب الي بادلته النظره ونطق: ان شاءالله
وقفت سحاب و وقف معها سلطان وطلعوا مع بعض كانوا يمشون ساكتين قاطع سكوتهم صوت سحاب الي
قالت: تحب النياق
سلطان ناظرها: ايه
سحاب ابتسمت: وش شعورك ونت بتفارقهم
سلطان: يمكن ماراح افارقهم وبجيهم كل يوم
سحاب: حلوو
سلطان: وانتي؟
سحاب: احبهم بذات زهرة تصدق اشتقت لها
سلطان: ودك فيها
سحاب ناظرته و ضحكت: نسيت شكلها
سلطان: حافظ شكلها
سحاب: امانه
سلطان: اي والله
سحاب: ابغى اشوفها
سلطان: امشي
مشوا آتجاه شّبك النياق و نطقت سحاب: وينهي؟
سلطان ضحك: هاذي هي جتك
قربت الناقه زهرة منها ومسحت سحاب عليها ونطقت: لو بستها عادي؟
سلطان: عادي مو هي ناقتك
سحاب ناظرته: طبعا لي
سلطان ضحك: ايه لك
سحاب لا إرادياً حضنت سلطان بقوه وانصدم سلطان من حركتها و سحاب استوعبت وبعدت ونطقت: اسفه متعوده اي شي يفرحني احضن الشخص الي جنبي
سلطان ابتسم: لا انسي عادي
ابتسمت سحاب و رفعت نفسها لمقام الناقه وباستها وطبع روجها ب خد الناقه وضحك سلطان واستغربت سحاب وناظرت الناقه و حطت يدها على شفّتها بصدمه: ماتوقعت
سلطان ضحك بخفّه: شبعتي منها؟
سحاب: اي اي خلاص برجع
سلطان: امشي
مشوا مع بعض و صلوا نطقت سحاب: لا تعلم حد
سلطان: ابشري
سحاب: تبشر بالجنة
دخلت سحاب وسكرت الباب و سلطان رجع للمجلس.
》》 دانه و نوف《《.
كانت تركض ورا دانه لين وقفت وهي تلهّث ونطقت: خلاص استسلم
نوف وقفت وضحكت: شطوره
دانه: تعبت
نوف: نرجع؟
دانه: اوك
نوف مسكت يد دانه و مشوا ونطقت دانه: صح نسيت خاتمي داخل
نوف: خاتمك؟
دانه: ايوا
نوف: داخل بالمجلس؟
دانه: اي اي
نوف: تبغين نروح له يعني؟
دانه: اكيد ابغى اروح له
نوف: اجل امشي نغير مسارنا
غيروا طريقهم وراحوا للمجلس قبل لا يدخلون طار شال نوف بالهواء ونطقت بتأفف: يارب صبرك هاذا الي كنت متوقعه يصير
دانه ضحكت: بروح اجيبه لك
نوف نزلت لمقامها وباستها من خدها: فديتك انتبهي
دانه ركضت ورا الشال عشان تأخذه اما نوف التفتت وشافت فيه مرايه راحت لها تضبط شعرها ترفعه ذيل حصان و انصدمت من الي طلع من الحمام وتعالتّ صدماتها بزياده انه عبدالعزيز.
》》سحاب《《.
دخلت داخل وهي تتذكر موقف الروج و ضحكته وهمست: بس وربي ضحكته حلوه افف
كلمت طريقه وهي تركض للغرفة دخلت عليهم ونطقت: نوف جتكم
شوق: بشويش حصان لاحقك ونوف لا ليه وينهي
سحاب دخلت وسكرت الباب وجلست: لا بس دونات
قارشتها وطلعوا وهم يركضون
شهد ضحكت: دونات
سحاب: وربي تضحك بس هاتوا ذي تهبل
مدت لها شوق ساره و خذتها سحاب وبدأت تلعبها و كانت ساره تضحك مع سحاب ونطقت شهد: عقبال ماتجيبين وحده و انا اشيلها لك
سحاب ضحكت: اجيب ويين
شوق: سميها غنى تم
سحاب: اذا جبت وتم غنى غنى كم عندي شوق انا
شوق: اكيد وحده
سحاب ناظرت شهد: شهود معليك ترا حن كذا لا تستغربين
شهد: من عيوني
سحاب: تسلم عيونك
بدأو يسولفون ويضحكون وقاعدين ينتظرون نوف تجي
》》نوف《《.
كانت تناظر عيونه وتحاول تفسر نظراته لها ونطقت: خير؟
عبدالعزيز: شعرك
نوف تأففت: شيلتي طارت وراحت دانه تجيبها وثاني شي المفروض تصد
عبدالعزيز: سمعتي كلام جدي تبين اسوي العكس لا
نوف: وصخ
عبدالعزيز: عيدي؟ وصخ
نوف: بخاف يعني
عبدالعزيز: احترمي نفسك
نوف: لو ما احترمت شبتسوي
عبدالعزيز قرب منها وهي تحاول تبعد وقفت ل اخر شي نطقت: ابعد
عبدالعزيز: ماراح اسوي لك شي بس محد يلعب معي أو يسّبني
نوف دفته بقوه و ركضت....

   >>>>>>>>>>يتبع