البارت السادس و الثلاثون
.
.
.
طلعت الجده بعد ما انتهّت من كلامها وراحت عند ام شوق بالغرفه تعلمها بالسالفة كلها وتقولها قومي.
و وقفت سحاب بتأفف: بالله ذي من مناديها علينا
نوف: معليكم منها يلا قوموا و شهد وديها عند ابوها
شهد: اي احسن بعد
وقفوا كلهم ولبسوا اعبيتهم وطلعوا من الغرفه ونزلوا تحت وتقابلوا مع الكل الي كانوا جاهزين ونطقت الجده: خلصتوا؟
نوف: اي بس نبي نودي سارة عند ناصر
فاطمه: ودوها وش اسوي لها
شهد تأففت بهدوء ورفعت شيلتها على رأسها وطلعت مع البنات متجهين لمجلس الرجال تقدمت سحاب تدخل مالقت حد غير سلطان ونطقت: سلطان
سلطان التفت لجهة الصوت وشافها سحاب ونطق: سّمي
سحاب ابتسمت: سم الله عدوك الا وين ناصر؟
سلطان: والله مدري شبغيتي
سحاب: لا ولاشيء بس نبغى سارة عنده
سلطان: جيبيها
سحاب: تم
تركت سلطان وراحت عند البنات ونطقت: هاتوها
شهد: فيه حد بالمجلس
سحاب: لا جتني فكره احطها بالمجلس لحالها اكيد فيه حد
شهد ضحكت ومدت لها سارة: من الي موجود
سحاب خذت سارة: سلطان قال جيبوها
شهد: تمام وقولي له ينتبه لها امانه
سحاب: من عيوني
شهد ابتسمت: تسلم عيونّك
ابتسمت سحاب وتركتهم وراحت للمجلس دخلت و تقدمت لسلطان ونطقت: اول شي تنتبه لها ثاني شي لا تخليها تصيح ثالث شي شيلها زين
سلطان وقف وضحك: شايفتني بزر
سحاب مدت له سارة: لا بس لازم تعليمات امها وصتني اقولك تنتبه لها
سلطان خذ سارة: كأنك امها
سحاب: وانت ابوها اجل
سلطان انصدم: انا
سحاب: ايه شرايك بس
سلطان ضحك: رايحين مكان؟
سحاب: ايه بس مدري من يودينا
سلطان: اذا ماعندكم تعالوا قولوا لي
سحاب: من عيوني
قالت كلمتها بعدم استيعاب وطلعت بهدوء و ابتسم سلطان و جلس ونطق لسارة: سمعتي شقالت قالت من عيوني اهخ تسلم عيونها
نطقت سارة بعفويّه: بابا
سلطان ضحك وقام يلعبها.
اما سحاب طلعت ورجعت لها الذاكرة وتذكرت الكلمه الي قالتها اخر شي قبل لا تطلع وصفقت جبهتها ونطقت: سمعها؟
وكملت مشي وهي تتكلم مع نفسها لين ماوصلت عند البنات ونطقت شوق: شفيك
سحاب رفعت رأسها: اقولكم شي بس ماتفهمون غلط
شوق: انطقي
سحاب: قلت لسلطان بالغلط من عيوني
نوف صفقت: اللهه تخيلت وانتم متزوجين
شوق ضحكت: ويكون زواجهم بعد زواج شهد وناصر
سحاب ضحكت: استغفرالله
ضحكوا ومشوا لبيت الجده فاطمه دخلوا وراحوا الصاله ونطقت الجده لهم: من فيه بالمجلس
نوف: سلطان
فاطمه: فاضي؟
نوف: عنده سارة
فاطمه: خلوه يشغل سيارته يودينا
سحاب: تكفون انتم قولوا له برد عظامي تكسرت منه
فاطمه: عصقوله اكلي زين الناس
سحاب: بسم الله علي
فاطمه: تدرين كنت بختار نوف تروح تناديه بس عقاباً لك من لسانك الطويل روحي انتي ناديه
سحاب: تكفين لا
فاطمه: يلا روحي
سحاب تأففت وناظرت نوف تستنجد فيها بس لا حياة لمن تنادي طلعت من البيت وراحت للمجلس وصلت و دخلت ونطقت: سلطان موجود؟
سلطان ناظرها: ايه أمري
سحاب: جده فاطمه تقول انت تودينا
سلطان: خلاص زين
سحاب: امش لو جيت قبلك وربي تمحطني
سلطان ضحك و وقف: زين يلا امشي
مشوا مع بعض وطلعوا من المجلس و استفرغت سارة " الله يكرمكم" ونطق سلطان بعصبيه: مو وقتك
سحاب فطسّت ضحك: اهخخ بطني تضحك
سلطان مد لها سارة وخذتها سحاب وراح يغسل ثوبه وراحت وراه سحاب ونطقت: بكتفك فيه باقي
سلطان: تقدرين تمشينه؟
سحاب خذت منديل وبللته مويه وبدأت تمسحه وتقشعر سلطان لأول مره بنت تمسكه وانتهت سحاب من مسح الباقي ونطقت: وخلصنا
سلطان: معليش تعبتك
سحاب: لا قبل لا تكمل كلامها شافت عقرب بالأرض وصرخت وراحت ورا سلطان ومسكت بثوبه ونطقت: عقرب وربي بالأرض اقتله
سلطان ضحك: تخافين من عقرب
سحاب: سام وتقولي تخافين
سلطان انتبه ليدها الي ماسكه ثوبه ونزل لمقام العقرب ونطق: صغير
سحاب: وخره وربي ما اتحرك
سلطان: يعني ماراح تتحركين
سحاب: حلفت
سلطان بحركه سريعه مسك يدها وركض بعيد عن المغسلة و وقف ونطق: وهاذي انتي تحركتي
سحاب ناظرت يده الي على يدها: يدي
سلطان فك يدها: مسكتها عشان احركك
سحاب: عادي عادي بس امش يلا
مشوا كل واحد آتجها سلطان راح لسيارته يشغلها و آتجه بيت الجده سحاب راحت للبيت تناديهم يطلعون طلعوا وركبوا مع سلطان وسّم بالله وحرك بالطريق كان سلطان يناظر عيون سحاب من المرايه ورفعت سحاب انظارها للمرايه وبادلته النظره و شتت انظارها بسرعه
ضحك سلطان ونطقت الجده: شبلاك
سلطان: لا ولاشيء تذكرت موقف
فاطمه: انتبه بس للطريق احسن
سلطان: ابشري
نطقت سحاب: شغلوا لنا شي مو كذا بس ساكتين
فاطمه: اقول اسكتي يابنت سيف
نوف: وهو منجد شغلوا
سلطان: شتبغون اشغل
سحاب بحماس: على موعدنا
نوف ضحكت: لا غير حللتيها
سحاب: وربي حلوه
نوف: خلاص سلطان حطها
سلطان طلع جواله وشبكه بالسيارة وشغل لهم ورددوا البنات مع الأغنيه ودندنت سحاب تحت أنظار سلطان الي كان يناظرها من المرايه مر الوقت فيهم لين وصلوا نزلوا كلهم وسكروا الأبواب و وقفوا قدام بعض ونطقت الجده: الحريم مع بعض و البنات مع بعض وسلطان معكم
نوف: شحقه سلطان معنا مو لازم
فاطمه: اربطي لسانك
نوف تأففت وسكتت
ونطق سلطان: خلاص عادي
فاطمه: يلا زين
افترقوا كل واحد راح بطريقه.
》》 بالمزرعه《《.
بعد ما ظهروا الباقي تجمعوا بالمجلس ونطق الجد محمد
: وين سلطان أبغاه يوديني عند الراعي الي يشتري النياق
عبدالله: شفت سلطان مع الحريم والبنات راكبين السيارة وماشيين
محمد: وين
عبدالله: محد يدري
سعود: يمكن رايحين السوق
محمد: ايه خلاص دام معهم سلطان كويس
سلمان: اي و سالفة الراعي من يوديك
محمد: دامك انت جبت الطاري قم ودني
سلمان: معرف وينه
سيف: اجل خل عنك القافه
سلمان: ابشر
محمد: خله يتكلم عادي
سيف: ذا لو تكلم طق الميانه
محمد: يبّه سلمان طق معليك من ابوك
سالم ضحك: اكلت هواء.
>>>>>>>>>>يتبع
أنت تقرأ
لقيتك بعد كل الناس أجملهم
عاطفيةماذا لو التقّيت بكَ صدفه؟ أول رواية لي ~ كتابتي الأولى ~ سعودية🇸🇦 قراءة ممتعة🩷
