》》الحريم《《.
ام سلطان جنب ام سحاب: يوه يالعنود يا ان بنتك طالعه قمرر واحلى من القمر مشاءالله عليها
ام سحاب: يروحي والله بنتك هي القمر بسم الله مشاءالله عليها تهبل الا بسألك ام شوق ماشفتها
ام سلطان: اووه ام شوق عاد تعبانه ماقدرت تحضر
ام سحاب: لا بأس عليها شفيها
ام سلطان: مزكمه وحلقها قايم عليها
ام سحاب: الله يشفيها هي بس جابت شوق
ام سلطان: بس
ام سحاب: مشاءالله عسل
ام سلطان: قادحه و بعد بنتي زيها وأعتقد بنتكم مثلهم
ام سحاب: اوه سحاب تحب الضحك و المقالب و المزوح
ام سلطان: وه اجتمعوا الثلاثي المرح اجل
ام سحاب ضحكت: ثلاثي المرح
ام سلطان: مدري شلون جت فبالي و نطقتها
شافتهم فاطمه الوحيدين جالسين باقي تقدمت عندهم ونطقت: شقاعدين تسوون علموني
ام سلطان ابتسمت: قاعدين نسولف شنسوي بعد
فاطمه: عن وش وغمزت"😉"
ام سحاب: ابد والله اسألها عن ام شوق ليه ماجت ونمدح بالبنات
فاطمه: لا مشاءالله البنات يازينهم زيناه يهبلون و عاد أمجاد تعبانة حلقها قايم عليها ولا قدرت تجي
ام سحاب: يلا معليه هاذي الدنيا
ام سلطان: كم الساعه
فاطمه: ١١
ام سحاب: الوقت هالمره يمشي بطيء
ام سلطان: اي والله صدقتي بس البنات وينهم ماشفتهم
فاطمه: شفتهم طلعوا من الصالة وين الراحوا مدري تلاقينهم يصورون او جالسين لحالهم اتركيهم يستانسون .
كملوا يسولفون و يمدحون بالناس.
》》الرجال《《.
الجد محمد: يا سيف وين بنتك ودي اشوفها
سيف: يوه سحاب نسيت اقولها تعالي سلمي على جدك و اعمامك اروح اناديها لكم الحين
محمد: لا تطول
قام سيف يروح ل بيت الحريم ينادي سحاب بنته.
مترك: عاد احسها احلوت بزيادة
سالم: تصدق نفس احساسي
متعب: عاد انا لمحتها بالسيارة بس شفت شعرها
سالم: ما تتغطى
متعب: احساسي يقول لا ماتتغطى
مترك: بل عاد هي بالديرة الحين المفروض تتغطى
متعب: الله و اعلم.
》》ابو سحاب《《.
وقف عند باب الحريم ودق و سمعوا البنات و تقدموا ل الباب ونطقت شوق: مين
ابو سحاب: ابو سحاب سيف
شوق فتحت الباب: حياك عمي
دخل ابو سحاب والتفت وصد ونطق: من انتي
شوق ضحك: عمي انا شوق
ابو سحاب رفع راسه و ابتسم: واه كبرتي ماعرفتك يبنتي السموحه الا سحاب وينهي
شوق: وراي مع نوف
ابو سحاب: يا نوف
نوف طلعت من ورا سحاب ونطقت: سم ياعمي
ابو سحاب: شخبارك والله و كبرتوا مشاءالله الله يحفظكم
نوف: الدنيا كبرتنا
ابو سحاب ضحك: عاد ابغى اخطف سحاب منكم
شوق: خذها عليك بالعافية
نوف: اي بالعافية
سحاب ابتسمت: ابك يالجحده
ابو سحاب مسك يد سحاب: وين طرحتك
سحاب: ماجبت معي ليه
ابو سحاب: نوف يبه عطيني طرحتك اذا ماعليك امر
نوف: ما يأمر عليك ظالم سم. مدت له الطرحه
خذاها ابو سحاب وقدمها ل سحاب: امسكي غطي شعرك بوديك عند جدك و اعمامك تسلمين عليهم يبون يشوفون الحلا
سحاب تأففت: بابا حر ياخي مب لازم البسها
نوف: اسمعي كلام ابوك يعني خطوتين والا انتي على باب المجلس و يجيك اطلق مكيف
ابو سحاب ضحك: اي صادقه سمعتي
شوق: اتابع بصمت
ابو سحاب: كملي صمتك يلا تبغون شي
الكل: سلامتك.
مسك يد سحاب ومشت معه وهي كل شوي تطيح منها الطرحه وترجع تلبسها الين وصلوا المجلس دق الباب ابو سحاب ودخل و دخلت وراه سحاب.
》》بالمجلس《《.
دخلت سحاب ورا ابوها و جدها شافها ونطق:
(.يا مرحبا ترحيبةٍ كلها لش تكسيش من راسش ليا حد ماطاش
،
من قلب مهيوم بحبه صفا لش يلعب به الغربي ليا سمع طرياش
،
يفرح ليا من قالش كيف حالش ولولا غلاش وحشمتش كان ما جاش.)
محمد: تو مانور المكان تعالي. وقف محمد
وتقدمت له سحاب وبدأت تسلم عليه ونطقت: بوجودك والله
محمد: وش هالزين لا لا حفيدتي ازين البنات
سحاب ابتسمت: يبعدي والله
محمد: شخبارك وش مسويه
سحاب: بخير والله
نطق مترك: تسلمين على جدك واحنا لا لالا
سحاب التفتت عليه: وانا اترك اعمامي واسحب عليهم. تقدمت ل عمها مترك وسلمت عليه ونطق: مشاءالله تبارك الله قمر نازل على الأرض
سحاب ابتسمت: طبعا
مترك: طبعا اجل ها
سحاب رفعت كتوفها: ايوا
متعب نطق: تعالي معليك منه شخبارك
سحاب: بخير والله
متعب: ياجعله دووم
سحاب: تدووم ل احبابك
متعب: ها وش هالزين
سحاب: اوب اوب لا خلاص كذا بصير مغروره من مدحكم
متعب: صيري مغروره هاذا الصدق
سالم: اقول تعالي معليك منهم
تقدمت له سحاب وابتسمت: جيت
سالم: شلونك و وش هالجمال بعدين ابغاك بشيء وغمز"😉"
سحاب بعدت شعرها ورا: بخير والله هالجمال خلقة ربي و حاضره لك اي وقت تبغاني موجوده صباح لليل
سالم ابتسم: اي خلاص تم
محمد: يا سيف خل بنتك شوي نبغى نكحل عيوننا فيها
سيف: خلاص دامكم تبونها خلوهم
محمد: سحاب تعالي يبه جنبي ابغى اسولف معك
تقدمت سحاب جنبه وبدأ يسولف معها.
》》العيال《《.
عبدالعزيز: ياخي تعبت وانا امشي قوموا نروح عند الرجال
سلطان: اي والله صادق نروح احسن
عبدالله: يلا امشوا
سلمان: معكم.
مشوا الين مجلس الرجال دقوا الباب و دخلوا وسلم سلطان و التفت ل الي لابسه فستان احمر و صد ونطق: معليش ماكنت عارف اني عندكم احد.
>>>>>>>>>>يتبع
أنت تقرأ
لقيتك بعد كل الناس أجملهم
Lãng mạnماذا لو التقّيت بكَ صدفه؟ أول رواية لي ~ كتابتي الأولى ~ سعودية🇸🇦 قراءة ممتعة🩷
