البارت الثالث و الخمسون
.
.
.
الجد محمد: الوقت يمشي بسرعه و عادي
قاطعهم صوت صراخ سحاب طلعوا كلهم فوق لغرفة البنات شافو فاطمة ماسكه شعر سحاب بكل قوتها تقول: أغلطي و أغلط عليك مالك الا الرجال الي يقص لسانك
سحاب بكت: فكيييني جدد تكفى وربي ماسويت شي كنت بس اقول انها عصّبيه وماترضى بالحق كنت بس اشرح كيف شخصيتها
الجد محمد تقدم لها وفك سحاب من يدين فاطمه ونطق: شسوت هي
فاطمه: تتكلم علي عند هالسربوته
غدي انصدمت: احترمي نفسش يروحي ماسويت لش شي عشان تغلطين علي
فاطمه: اسكتي لا اسكتك غصب
الجد محمد صرخ: بسسسس علموني شصار
سحاب بدأت تقوله كل شي.
》》 خلونا نرجع شوي فلاش باك《《.
مرت فاطمه من غرفة البنات الي كانوا جالسين شوق و سحاب و غدي على الأرض ياكلون المفرحات ونطقت غدي: بالله شلون شخصية جدتكم
شوق ضحكت: اووف سحاب علميها الحين تجيك الشخصيه الصح
سحاب ضحكت وعدلت جلستها: الله يسلمك عصبيه واتحداك تسلمين من لسانها لسانها مترييين وماتوقف مع الحق الكل غلط الا هي صح مدري كيف تحملوها أعمامي المهم تعاندينها تسمعين الي مايتسمع اخخ وربي محد سلم منها و أولهم انها يا أنها تحقد حقد ، قاطعهم دخول فاطمه بعصبيه الي دخلت و كأن في حد شايشها عليهم وقفوا البنات وتقدمت فاطمه لسحاب ومسكت شعرها بقوه ونطقت: تتكلمين عني يالي ما تربيتي
سحاب تحاول تدافع عن نفسها: تكلمي عني ولا تتكلمين على تربيتي
فاطمه شدت شعرها بقوه: انا الي بربيك ولسانك ذا اذا ماقصيته
صرخت سحاب بَ أعلى ماعندها لين ما أجتمعوا الحريم و الرجال و من بينهم سلطان.
》》نرجع للواقع《《.
سحاب: ذا كل شي
الجد محمد ناظر فاطمه وبعدها ناظر سحاب ونزل رأسه ورفعها: يعني جيتنا لهالبيت جابت المشاكل صح؟ قولوا صح ولا غلط؟ ماشبعكم صبح ولليل هواش ما كفاكم و فاطمه انتي كبيره تحطين عقلك بعقل البنت؟ ارحموني فكوني من المشاكل ابغى اقعد يوم بدون مشكله او هواش الي أبغاه نكون ايد وحده اخلص من مشكله ادخل بمشكله ثانيه مايصيير اخلص من نوف اجي لسحاب و من سحاب إلى من؟ من باقي ماقلبها مشكله؟
طالبكم يوم واحد بدون مشكله او هواش خلونا يوم واحد نلتم كلنا فيه نكون بيد وحد نفرح من فرح حد ونزل من زعل حد اخ اخ بس.
تركهم و راح فوق للدور حقه و حق فاطمه
ونطقت فاطمه: تستاهلون ، تركتهم وطلعت.
سحاب تأففت: كل ذا صار بسببها
ام سحاب بحده: سحااب بس
سحاب: شوفي شسوت بشعري
شوق: وسحاب صادقه بس قالت عن شخصيتها كل مازانت الجلسه جت قطت عليها كلام او أفعال ؟
نوف: اتفق معهم لو هي ، نزلت رأسها و استغفرت
ام سحاب: تحطون عقلكم بعقل عجوز؟ كبروا عقولكم لا تعاندونها و أولهم انتي يا سحاب طنشيها ان قطت عليك
كلمه لا تردينها بعشر
سحاب: إن شاءالله
طلعوا كلهم مابقى الا نوف عند البنات ونطقت شوق: ادخلي
دخلت نوف وسكرت الباب ونطقت سحاب: شصار معك
نوف: قالوا بسوون ملكه بس وياخذني وبعدها قال جد الي تبغينه يصير وقلت ابي عرس
تقدمت سحاب تحضنها: اوف بنشتاق لك
تقدموا البنات كلهم يحضنونها وانخنقت نوف و بصوت مبحوح: تكفون وخروا بموت
بعدوا عنها ونطقت سحاب بضحك: تخيلت يحضنك عبدالعزيز قدامنا كلنا
نوف بغرور: بخلي فيه فريست لوك قبل لا تجون
شوق: بقاعه صح
نوف: صح
غدي كانت بتنطق بس انصدمت من نطق نوف بسرعه: يوووه نسينا نعلمك انا وسحاب يوم كنا بالمستشفى جانا واحد قال انه اخوك اسمه ريان يقولك دقي عليه يجي ياخذك
غدي ضحك: عبالي صار شي خلاص تم ، طلعت جوالها
ودقت على ريان ورد عليها و وقفت ونطق: هلا
ريان: وينك فيه
غدي: عند البنات
ريان: طيب ارسلي لي الموقع اجيك
غدي: تمام
ريان: عجلي
قفلت غدي منه ونطقت: ارسل له الموقع
شوق: عادي دامه اخوك
غدي هزت رأسها بالموافقه: تمام.
رسلت له الموقع وبعد وقت دق عليها وعلمها انه برا لبست عبايتها و سلمت عليهم ونزلت مركضه وصدمت بسعود ونطقت: stupid " غبي ، وصرخت من طبع روجها على ثوبه الرروج
سعود ناظر كتفه: ابلش اخخ روحي كملي طريقك الله يستر عليك
غدي: اسفه ، مدت يدها صدفه سعيد غدي
سعود مد يده وصافحها: صدفه سيئه .
غدي ضحك ونزلت مركضه وطلعت برا وركبت السياره وحرك.
سعود رقى فوق لغرفته دخل الحمام وغير ثوبه ونطق: هالحين شسوي مع هالثوب أقطه؟ لا لا أخليه بعدين اشوف له دبره
طلع من الحمام و آتجه لسريره ينامّ خلص اليوم ذا بمشاكل و بحوسّته و مصايبه و الحلول الي مجرد مالقوها الا بصعوبتّه أنتهى اليوم بعد ما الكل آتجه لغرفته ونام استسلموا للنوم بعد تعب طووييل و شقى طويل لكن برأيهم القادم احسن يجي اليوم الثاني يصحون على صوت أذان الفجر يقعدون ويصلون جماعه الرجال بالمجلس و الحريم بالبيت رجعوا الرجال من الصلاه ويكون اليوم هاذا دور البنات بالفطور يكونون الرجال و الأمهات و العيال بالصالة الكبيرة و البنات بالمطبخ يتفننون بالأكل .
》》بالمطبخ《《.
كانت سحاب تسوي البان كيك المفضل لها و و الزيتون توزعه على الصحون الصغار و شوق كانت تسوي بيض عيون و نوف السلطه و العصير المانجا انتهوا من طبخهم و كل وحده خذت صحنها و ودته للطاولة الي حاطينها بالصالة حطوا اكلهم ورجعوا مره ثانيه المطبخ خذوا الباقي و رجعوا الصاله و وقفوا ونطقوا مع بعض: خلصنا تفضلوا
ضحكوا الكل على تصرفهم وقاموا جلسوا على السفره ونطقت سحاب: نبغى رأيكم بكل أكله
الجد محمد ضحك: تم ، خذ قطعه من البان كيك و عجبه ونطق: عجبني
نوف ابتسمت: من سواه
الجد محمد كان من الي مسوي البيض و البان و السلطه ونطق: شوق
شوق ابتسمت: غلط
الجد محمد ضحك: اوف يلا ثاني ، خذ قطعه من البيض ونطق: وهاذا عجبني وحق نوف
نوف ابتسمت: غلط
الجد محمد: حسافه بذوق السلطه ، خذ معلقه وعجبه ونطق: ذا مسويته سحاب
سحاب ابتسمت: غلط
الجد محمد ضحك: اعرف ان كله غلط بالأول حق سحاب و الثاني شوق و الثالث نوف
سحاب: وليه ماقلت من الأول
الجد محمد: اشوف ردة فعلكم
نوف ضحكت: اختبار يعني
الجد محمد: ايه المهم الحين سموا بالله و أكلوا.
بدأ الكل ياكل تحت أنظار سلطان لسحاب .
>>>>>>>>>يتبع
أنت تقرأ
لقيتك بعد كل الناس أجملهم
Romanceماذا لو التقّيت بكَ صدفه؟ أول رواية لي ~ كتابتي الأولى ~ سعودية🇸🇦 قراءة ممتعة🩷
