البارت التاسع و الأربعون
.
.
.
وقفت نوف تقدمت ورا شهد تساعدها بالفستان لين وصلت الكوشه جلست شهد و تقدمت لها جدتها و ام سلطان جنبها وبدأت الأغنيه الثانيه خلت كل البنات يقومون حولها على أغنية:
'يابنات عمّها لُفوا عَليها
يابنات خَالها لُفوا عَليها
شهد غَاليه و الزِين غَالي.'
بدأو يدورون حولها ويصفقون وهي واقفه و مبتسمة من وقوف جدتها بينهم وهي تدور وتصفق بكل سعادة اول حفيده من حفيداتها تتزوج أنتهت الأغنيه ورقوا الكوشه نورة و العنود و شيخة و الجدة الجوهرة و فاطمة و حصة و البنات واقفين حوالين شهد .
》》الرجال《《.
كانوا جالسين يسولفون تحت رقص العيال كان سعود يميل بكتفه ونزل شماغه وحطه بخصره وبدأ يهز تحت أنظار الجد محمد الي يضحك على عباطة حفيد أنتهت الأغنيه وتقدم لهم متعب: متى ياخذها؟
سلطان شاف ساعته: يووه المفروض الحين
متعب: اعجلوا تو جدك قايل اول مايروحون الناس نرتب شناطنا نطلع
سلطان: شحقه
متعب: ماهوب هو قايل ببنقل بيت
سلطان: يوه ايه تذكرت ان شاءالله
متعب: يلا
متعب تركته وسلطان تقدم ل ناصر الي يسولف مع ابو شهد ونطق: تاخذها
ناصر انتبه له: خلاص خلصوا؟
سلطان: ايه
فيصل ابو شهد نطق لناصر: مثل ماعلمتك بنتي الأولى امانه برقبتك امنتك عليها المره الأولى وبأمنك عليها المره الثانية حطها بعيونك لا تقصر معها
ناصر ابتسم: ابشر ماطلبت شي
فيصل طبطب على يده: تبشر بالجنة رح خذها لا تتأخر عليها
ناصر: على خشمي
فيصل: علي الشحم
ناصر ابتسم وباس رأسه و ابتعد عنه وتركه وتقدم لسيارته لركبها ومشى لناحية بيت فاطمة ودق بوري.
》》بيت فاطمه《《.
كانوا قاعدين يلبسون شهد العباية البيضاء وتقدمت جدتها ونطقت: يمّه انتبهي لنفسش
ام سلطان ضحكت بخفه: هي بتروح يوم وبترجع مابتطول
حصه: حفيدتي وبنتي اكيد بَ اوصيها على نفسها
قاطعهم ركض دانه لشهد وهي تبكي تقول: لا تروحين ابغى اجي معك تكفين
تقدمت لهم غدي الي شالت دانه: ماراح تطول بس بتروح اليوم وبكرا بترجع
دانه هزت رأسها بالنفي: لا لا لا ابغى اروح مع ماما
غدي: ناصر وينه؟
سحاب: برا
غدي: يلا بسرعه روحي له
دانه مدت يدها لشهد: ماما لا
شهد تقدمت لها وشالتها ومسكت خدودها: مو انا قلت لك مره دموعك مو لازم تنزل الا على شي مهم
دانه: وانتي شي مهم طيب
سحاب ابتسمت: وه ابغى اصير ام بس تكون بنتي زي دانه
شوق صفقت يد سحاب وضحكت: صادقه
شهد ابتسمت: يروحي انتي طيب مو انتي تبغين العاب كثييير
دانه: مابغى ابغاك انتي
شهد: طيب ومين يجلس مع سارة مو انتي اختها
دانه: عادي عندها عمّه نوف صح
نوف ضحكت: لا مو صح الصح ان انتي تقعدين مع اختك
شهد: شفتي
دانه تأففت: طيب
نزلتها شهد وراحت دانه وقفت وسط سحاب و نوف
سلمت عليهم شهد بكوا و ضحكوا وبالنهاية طلعت شهد لناصر ركبت السيارة وحركوا وبدأو المعازيم حبه حبه يروحون الين الكل راح مابقى الا نعرفهم.
》》الرجال《《.
راحوا من عندهم مابقى الا نعرفهم دايماً عند متعب تقدم لسلطان: رتبوا المزرعة ورح للحريم علمهم ان بكرا ماشيين
سلطان: جد قاله؟
متعب: لا انا اجل من
سلطان: ان شاءالله
متعب: يلا .
متعب تركه وراح سلطان للعيال ونطق: تعالوا ساعدوني ننظف المزرعة و نعلم الحريم ان بكرا ماشيين البيت بالأول عبدالعزيز روح للبيت وقولهم والباقي امشوا معي ننظف
عبدالعزيز ضحك: اهم شي انا مو منظف
سلطان نزل عقاله وعبدالعزيز هرب.
》》 بالبيت《《.
دخلوا الصالة الكل الا سحاب وغدي و شوق ونوف
نطق غدي: برد ادخلوا
شوق: صادقه يلا
نوف بتمثيل الغرور: انتوا ادخلوا انا حَرانه بجلس ابرد
سحاب ضحكت: ايه خلش وانتي باقي لوزك ضارب
نوف ضحكت: احسن من ان صوتي يتغير واصير غنوجه
سحاب: واحسن من اني صوتي يصير ضخم
نوف شالت كعبها وكانت بترميه على سحاب لكن ماقدرت لان سحاب سبقتها ودخلت داخل ونطقت: خوافه
شوق ضحكت بخفه: بتقعدين لحالك؟
نوف: ابغى اشم هواء
شوق: تم اجل امشي معي
غدي: تم
دخلوا شوق و غدي داخل وبقت نوف لحالها كانت تتمشى وتتذكر كيف رقصّه ونطقت: وربي ضابطها،
ضحكت وتذكرت كيف بادلها النظره وكيف ابتسم من شافها قاطع تفكيرها صوت طقت الباب التفتت للباب وتقدمت له ونطقت: ميين؟؟
عبدالعزيز عرف انها هي: عبدالعزيز
نوف ماركزت على الاسم فتحته وطلعت له ومدت سبابتها وكانت بتنطق لكن انصدمت من ان كان قدامها عبدالعزيز
اما عبدالعزيز ناظر عيونها و فستانها ونطق: كملي
نوف سكرت الباب بوجهه وبعدها فتحته ونطقت: شبغيت
عبدالعزيز ابتسم: ابغاك
نوف: حيوان
عبدالعزيز: علمي الي داخل ان يجهزون شنطهم لان بكرا ماشيين للبيت
نوف حبت تستغبي او بالأصح حابه تطول معه: أي بيت؟
عبدالعزيز: جد شاري بيت وبكرا رايحين له نجتمع فيه
نوف: اهاا زين وش اقول للي داخل؟
عبدالعزيز عرف انها تبي تطول معه وتكتف بمكانه: شرايك ادخل ونجلس جلسه واجاوبك على اسألتك دامك تبين تسولفين معي
نوف انصدمت وسكرت الباب بوجهه ودخلت داخل مركضه اما عبدالعزيز ضحك واستغفر ونزل رأسّه ونطق: قريب وبجلس معك لين تطفشيّن اخخ غيرتي حالي
تنهد ورفع رأسه ومشى لناحية العيال تقدم عندهم وبدأ يساعدهم بالتنظيف و الترتيب.
》》نوف《《.
دخلت داخل وحطت يدها على قلبّها ونطقت: حيوان والله
دخلت الصاله عليهم ونطقت: سلطان يقولكم جهزوا ملابسكم او شنطكم ولا تخلون شي لان بكرا بننقل بيت
فاطمه: وشهو بيته
نوف: جد شاري بيت يجمعنا كلنا
فاطمه أبتسمت: مايقصر خلاص إن شاءالله
سحاب همست لشوق: شوفي كيف ابتسمت من جابت نوف طاري جد اهخ
نوف تقدمت لهم وهمست: شتهمسون فيه ها وبدوني
سحاب: اقول ان اول ماجبتي طاري جد تغيرت نبرتها
نوف ضحكت: ايي
غدي: الحين جدتي راحت من يوديني
شوق: اقعدي معنا عادي
غدي: احس فشله اختي مو هنا و جدتي
سحاب: ابوك موجود؟
غدي: اعتقد راح مع جدتي
نوف: عادي اعتبرينا خواتك
غدي ابتسمت: انتوا خوات؟
نوف: خوات بالدم
سحاب رفعت سبابتها: عفواً خوات بالروح وليس بالدم ونتي دخلتي معنا بالروح تنورين
غدي: وه حبييتتكمم
حضنوا بعض ونطقت فاطمة: تحضنون بعض هنا ماتستحون؟
غدي كتمت ضحكتها: امشوا امشوا نطلع برا
وقفوا البنات و طلعوا برا وقفوا دائره ونطقت سحاب: الحين وقفت تنظيف و ترتيب البيت و الغرف و الصالة
نوف: جتنا فاطمة الثانيه
سحاب: يلا ورونا عرض اكتافكم
غدي: انا طبعا ما اشتغل صح
سحاب: لا مو صح يلا معهم وأساس انا بعد معكم
شوق: من عليها الغرف
سحاب: انا
شوق: و الصالة
سحاب: انتي
شوق: المطبخ
سحاب: نوف
شوق: الممر
سحاب: غدي
شوق: يلا.
كل وحده راحت تغير ملابسها وبعدها نزلوا نظفوا و رتبوا وبعدها رقوا للغرفه جهزوا شناطهم وحطوهم على جنب و دفوا السراير جنب بعض وكلهم ناموا جنب بعض ومن بينهم غدي ضحكوا و حشوا على المعازيم ألين ما ناموا .
عند الأمهات كل وحده راحت غرفتها بدلت وجهزت شنطتها واستسلموا للنوم.
》》العيال《《.
انتهوا من التنظيف و الترتيب شالوا الأغراض وحطوهم بالمخزن وبعدها دخلوا غرفتهم رتبوا شناطهم وكل واحد راح لسريرة ونام الا سلطان الي كان يفكر بشكل سحاب ألين ما نام.
اما عند الرجال كل واحد رتب شنطته وحطوهم برا عند الباب ودخلوا وفرشوا فرشهم وناموا.
》》اليوم الثاني《《.
على أذان الفجر الكل صحى وصلوا الرجال بالمسجد ورجعوا اما الحريم صلوا بالبيت جماعه ودق الجد محمد على فاطمة يقولها حطوا الشناط برا عشان ناخذها فعلاً حطوا شناطهم عند الباب وجاء سلمان لهم وخذ الشناط و حطهم بالسيارة او بالأصح وزعهم حطوا كل الأغراض بالسيارات وطلعوا الحريم وتقدم لهم الجد محمد ونطق:
تقسيم
فاطمة: يلا يلا
تقدموا الأمهات مع البنات عند السيارات وبدأ الجد يقسم:
ام سحاب و ام شوق و ام سلطان و الحرمه الي معكم
تركبون مع سلطان و محمد
و البنات تركبون مع سلمان و و سعود
باقي العيال تتوزعون مع أعمامكم.
>>>>>>>>>يتبع
أنت تقرأ
لقيتك بعد كل الناس أجملهم
Lãng mạnماذا لو التقّيت بكَ صدفه؟ أول رواية لي ~ كتابتي الأولى ~ سعودية🇸🇦 قراءة ممتعة🩷
