لقيتك بعد كل الناس أجملهم

Part 16

البارت السادس عاشر
.
.
.
عبدالعزيز تخصر: سوو لنفسكم مثل ما قلتوا
نوف شمقت: يع
عبدالعزيز ضحك: يع
نوف: شتبي
سلطان: اسكتوا انتم الاثنين نسوي كلنا مع بعض اتفقنا
سحاب: اتفقنا بس شنسوي
سلطان: شكشوكة
سحاب: يع الله يزيد النعمه ما احبها دور غيرها
سلطان: من مايحب الشكشوكة
سحاب ناظرت شوق الي ساكته والتفتت ل سلطان: انا
و تقدمت ل شوق وهمست لها: اشبك
شوق بنفس الهمس: تمنيت عندي اخ زيكم
سحاب: هم اخوانك واحنا خواتك
شوق بكت و حضنتها سحاب ونطقت: لا تبكين يروحي انتي دموعك غالية محد يستاهل دمعه منك تكفين لا تبكين انا اختك و نوف اختك و العيال كلهم اخوانك حن عزوتك قبل اهلك
نوف انتبهت لهم و تقدمت لهم: وش في شوق ليه تبكين
سحاب علمتها السالفه ونطقت نوف: حن سندك بعد اهلك يعيوني انتي لا تبكين محد يستاهلها غااليييه غاليه لا تنزلينها الا على شي غالي اذا ماعندك اخ او اخت حن خواتك و هذول اخوانك يبعدي انتي أمسحي دموعك وتعالي استانسي وانسي الموضوع ولا بزعل منك
شوق مسحت دموعها: الله يخليكم لي
حضنوها البنات و نطقوا: ولا منك
سحاب: لا تفكرين بهالموضوع لان بالأخير مهب بيدك تم
شوق: تم
نوف: يلا قوموا نساعدهم
وقفوا و اتجهوا يساعدونهم ونطق عبدالعزيز: اخلصوا فكروا ب اكل
نوف: اسمعوا نسوي بيض
شوق: عندي حساسيه منها
نوف: يووه صح خلاص
سحاب: بطاطس نسوي مع صوصات؟ انا اسوي البطاطس بس مقرمش تبون؟
الكل: تم
نوف: الصوصات على سلطان لانه يعرف
سحاب: بس وين نجلس؟
سلطان: تبون هنا على الطاولة
شوق: بالله نجلس فوق
عبدالعزيز: نجلس على الكراسي مخك شصار فيه
شوق: مخي في مكانه ماصار له شي
عبدالعزيز ضحك و جلس: يلا سحاب و سلطان ابدأو
سحاب: من عيوني
نوف: شوقي تعالي اجلسي جنبي
شوق ابتسمت و تقدمت جلست جنبها ونطقت: سحابي شكرا بالانجليزي شلون
سحاب: ثانكيو
شوق ناظرت نوف ونطقت: ثانكيو فوفو
نوف ضحكت: العفوا
سحاب: You are beautiful sisters " أنتم أخوات جميلات"
نوف: ها
شوق: تسبينا "😳"
سحاب ضحكت: اهخخخ تضحكون قاعده امدحكم يا تيوس
نوف: اهاا كويس معناته
سحاب:انتم أخوات جميلات
شوق: انتي الي جميلة
سحاب: حبيبتيي
عبدالعزيز: خلصتوا كلام؟
سحاب تخصرت ونست وجود سلطان: مو عاجبك اقبض الباب او shut up   "اسكت"
عبدالعزيز: You are the one who shut up " انتي الي اسكتي"
سحاب آشرت على الباب: أوت
عبدالعزيز: ماني طالع وش بتسوين
نوف همست لشوق: ذول يسبون بعض؟
شوق بنفس الهمس: تصدقين خلينا نسألهم
نوف هزت راسها بالموافقه: تمام
شوق: شقاعدين تتكلمون فيه
سحاب: نتهاوش
شوق ضحكت: نبغى ترجمه يعني
سحاب: اذا خلصنا انا و سلطان وجلسنا بنقولكم
سلطان ابتسم من سمع اسمه من ثغرها ونطق: يلا شتبون من صوص
سحاب: اسمع حط كتشب مع مايونيز بتطلع حلوووه مجربتها
سلطان: خلاص تم
سحاب: تتم يلا
بدأت سحاب تسوي البطاطس و سلطان الصوص الي قالت عنه سحاب انتهوا كلهم و نطقت: كل واحد صحن ولا كلنا مع بعض ولا وش
نوف: كلنا احس بصحن واحد
سحاب: تمم
حطت سحاب البطاطس بصحن واحد وحطت ب الوسط و نطقت: الصوص وين؟
سلطان: احط كل واحد بصحن
سحاب: ايوا
سلطان: تمام
بدأ سلطان يحط الصوص كل واحد بصحن و حطهم عندهم بالطاولة وكل واحد خذ حقه و جلسوا كلهم وبدأو ياكلون بصمت الين سحاب نطقت: سلمان وعبدالله وينهم
عبدالعزيز: نايمين
سحاب بصدمه: عبدالله ينام هالحين
عبدالعزيز ضحك: اول مره صح
سحاب: اي والله بالعادة لين الفجر ويصحى
دق الباب و التفتوا و شافوا سلمان داخل و نطقت سحاب: هاذا الي نايم
سلمان: من قاله رحت احوس
عبدالعزيز: تمام تعال اقعد تونا حاطينه
عبدالله: بالعافيه الا عندكم أداة v60
سحاب: لا مافي
عبدالله: حسافه
سحاب: زين تبي تاكل ولا لا
عبدالله: يلا بجي
تقدم جلس جنب سلطان وسم و بدأ ياكل كلوا وخلصوا ونطقت سحاب: كم الساعه
عبدالعزيز رفع جواله: ٣:٥٨
سحاب: بنوتات كم الساعه يأذن اخر مره سمعته بس ماشفت الساعه
شوق: ٤:١٠ دقايق
سحاب: ومتى نطلع نستكشف
عبدالعزيز: بتطلعون تستكشفون
نوف: شدخلك
عبدالعزيز: دخلني الي دخلك
نوف: قدييمه
عبدالعزيز: لا جديدة
نوف: انطم
عبدالعزيز: ماراح انطم وش بتسوين
نوف: سلطان شوفه
سلطان ضحك: فلم مره حلو كملوا
سحاب: واو لايقين على بعض تكفون تزوجوا
سلطان ضحك ب أعلى ماعنده خلت سحاب بعد تضحك ونطقت: وربي
نوف بصدمه: تكفين لا تخيلي اخذ ذا
عبدالعزيز: ليه وش فيني كامل والكامل الله
نوف شمقت: المشكله انك مو حلو
سحاب ضحكت: سكروا على الموضوع خلاص
سلطان: اسمعوا
الكل: هلا
سلطان: بعد مايأذن ونصلي نجتمع كلنا ورا شبك النياق
سحاب: على طول؟
سلطان: ايه
سحاب: ابغى اعرف ليه
عبدالله: انا ما اعرف انتي تبين تعرفين ليه
سحاب تأفتت: عبدالعزيز علمني
عبدالعزيز: سر
سحاب التفتت ل سلطان: سلطان علمني
سلطان التفت لها ونطق: سر سر على قولت عبدالعزيز
سحاب: كلكم طينه وحده
ضحكوا عليها و نطقت: وانا شاهده عند ربي
عبدالعزيز: قوموا بس باقي شوي ويأذن تجهزوا
الكل: قام يشيل الي بالطاولة و خلصوا و البنات راحوا فوق غرفهم و العيال برا يتجهون ل المجلس يصحون الرجال عشان الأذان.
أذن و الرجال راحوا المسجد  ،،،  والحريم صلوا جماعه بالبيت
انتهوا الرجال ورجعوا البيت و الكل اتجه ينام إلا سلطان و عبدالله و عبدالعزيز و سلمان.
سلمان: شفيكم ادخلوا
سلطان: بنروح ورا شبك النياق بس ننتظر البنان
سلمان ب استغراب: بنات؟
عبدالعزيز: بنجتمع كلنا
سلمان: وليه ان شاءالله
سلطان: ياليل ياخي بنطلع شاليه و البنات معنا عشان نتعرف على بعض اكثر ونكون أصدقاء فهمت؟
سلمان ضحك: أصدقاء زين خلاص فهمت و متى
عبدالعزيز: الحين بس امشوا عند النياق
تقدموا عند النياق ينتظرون البنات.
》》البنات《《.
سحاب: ها نروح لهم
شوق: يلا
نوف: زين البسوا عباياتكم و غطوا شعوركم وبذات سحاب
سحاب: دامك انتي الي طلبتي اغطي شعري تم
شوق: يلا يلا
سحاب: علقتي على كلمة يلا
نوف ضحكت وهي تلبس العبايه: منجد
لبسوا عباياتهم ومسكوا يد بعض و نزلوا و بدأت سحاب تغني: صلوا صلوا ع النبي
شوق: من الي بيتزوج
نوف بضحك: مدري عنها بس سحابي صوتك حلوو
شوق: اي والله صوتك يجنن
سحاب ابتسمت: انتو الي تهبلوون
نزلوا و طلعوا برا و توجهوا عند النياق و شافوهم واقفين ونطقت سحاب: بنات ودي ارفع ضغطهم امشوا بطيء
نوف ضحكت هي و شوق و بدأو يمشون بطيء
》》العيال《《.
عبدالعزيز: بالله شوفوا كيف يمشون
سلطان ضحك وناظر كيف سحاب متغطيه غير عن العاده و ابتسم وهمس: ياربي كل ماشفتها ابتسم ياخي ماني عارف حب ولا إعجاب ولا كيف يارب
و نطق بصوت مسموع: خلهم عارفهم يبون يرفعون ضغطنا
سلمان ضحك: سحاب مغطيه شعرها غريب
عبدالعزيز بصدمه: اي والله
عبدالله: الحين تلقون وحده منهم قايله و سحاب قالت من عيوني
ضحكوا على عبدالله و تقليد صوت سحاب.
وصلوا البنات لهم ونطقت سحاب: امشوا يلا قدامنا
عبدالعزيز: لا تنافخين
 
    >>>>>>>>>يتبع