البارت العشرون
.
.
.
فهمتوا
سحاب: ايه
شوق: نسبح قدامهم حشى
سحاب: اعتقد في لنا مسبح لحال وهم لحال
نوف: اتوقع ايوا
شوق: ايه زين
سحاب: من جوعان زيي
نوف: انا
شوق: كلنا
سحاب: قوموا نسوي اكل
شوق: شنسوي
سحاب: نحط زيتون و جبن و عصير اشياء بسيطه
نوف ضحكت: ونحط اغنيه عالبساطه
سحاب بحماس: ونغني كلنا يعني نسوي اكل و نجلس بالحوش نفس وعدنا
شوق: ايوووا
نوف: اجل يلا امشوا نسوي الاكل بسرعه و نجيب الفرشه الحمراء
سحاب: يلا
قاموا البنات يتقدمون ل المطبخ يسوون الأكل.
》》الأمهات《《.
جهزوا وخلصوا ونزلوا تحت لبسوا انقبتهم و طلعوا ل ابو سحاب ركبوا سموا بالله ومشوا
》》البنات《《.
شوق: نسوي سلطة؟
سحاب: شوفوا انا اسوي عصير مانجو و نوف الجبن والزيتون و انتي السلطه شرايكم بالتقسيم
نوف: يهبلل زيك
بدأو يسوون الأكل شوق خلصت من السلطه وطلعت صينيه تكفي الأكل كبها و انتهوا الكل وحطوا الأغراض وراحت نوف تطلع الفرشه الحمراء و طلعتها برا وفرشتها و طلعت سحاب ومعها الفرش و المخدات و رتبت الجلسه و طلعت شوق مع الصينيه و حطتها ونطقت سحاب: نجيب الطاولة الي بالمجلس الصغير؟
شوق:احس ايوا تعطي جو
نوف: اجل امشي معي شوق نجيبها و سحاب تضبط الجلسه
سحاب هزت رأسها بالموافقه: تمام
راحوا البنات المجلس الصغير اما سحاب رتبت الأماكن وجلست تفرفر بصور جوالها الين يجون.
》》الأمهات《《.
وصلوا ل بيت ام شوق و نزلوا و دخلوا استقبلتهم ام
شوق سلموا ودخلوا الصالة ونطقت: تو مانور البيت
الكل: ب أهله
ام شوق: عاد القهوة عالنار بشوفها و اجيكم ماني مطوله
فاطمه: لا تبطين
ام شوق ابتسمت: ان شاءالله
تركتهم و طلعت و آتجهت ل المطبخ.
》》بالصالة《《.
ام سلطان: لا الحمدلله تحسونها تشافت
ام سحاب: بس تهبل ماشاءالله
فاطمه: زين جبتوا حلا شي
ام سحاب: نسينا
فاطمه: عندكم عيال صغار؟
كلهم: لا
فاطمه: وراكم اجل ماجبتوا لا حفايض ولا حليب ولا غازات
ام سلطان: معليه ان شاءالله المره الجاية
فاطمه: اي ان شاءالله
》》البنات《《.
بالمجلس شالوا الطاولة بمساعدة بعض و طلعوها الحوش
وقفت سحاب عشان يحطون الطاولة فعلاً حطوها و
جلسوا ونطقت سحاب: بشغل عالبساطه على قولتك
نوف بحماس: يلا
شوق: نغنيها مع بعض ها
سحاب: طبعاً
شغلت سحاب الأغنيه وبدأو يغنون معها،،
(عالبساطة البساطة يا عيني،،،
عالبساطة اديش مستحلية،،،
عيش جنبك يابو الدراويش،،،
تغديني خبز وزيتون وتعشيني بطاطا،،،)
وسحاب كانت تصور جمعتهم بفرح خلصت الأغنيه وبدأو يلعبون بهدوء
》》العيال《《.
كانوا يلعبون جكاروا نطق عبدالله: مشتهي بيض جبن
سلمان مسك بطنه: شهيتني الله يقطع ابليسك
عبدالعزيز: اجل خلاص نسويه ونسوي شاهي
سلطان ناظر سعود ضحك: يعيال عرفوا على نفسكم عشان سعود
عبدالعزيز: عبدالعزيز بن سيف وذول اخواني آشر عليهم سلمان و عبدالله و واحد بدوامه اسمه محمد
سعود ابتسم: والنعم
الكل: معليك زود
عبدالعزيز: اجل يلا قوموا نشطح
سلمان: وأساس مافي احد الكل راح بيت عمتي شيخة
سعود وقف ونطق: من بيشطح اول
عبدالعزيز: انت دامك وقفت اول واحد
سعود ضحك: طيب يلا قوموا ولا تبوني اجيب لكم الأكل انا
ضحكوا و وقفوا مع بعض و طلعوا متجهين بيت الجده فاطمه وصلوا وقف سعود و نقز فوق الحجره الكبيره و شطح و نزل عليهم و انصدم من وجودهم وقعدتهم بالحوش وتصنم بمكانه من سمع صراخ البنات.
》》البنات《《.
كانوا يلعبون اسأله وجاء دور سحاب تسأل شوق و سمعوا صوت نعول والتفتوا ل الصوت و صرخوا من شافوا وجود رجال شالوا بطانيتهم عليهم بخوف و قاموا ركض وطاحت نوف على وجهها و فرطت ضحك من أشكالهم وقفوا البنات من طيحت نوف وصرخت شوق ل سعود: اطلعع في بنااتت
استوعب سعود وجوده خذ نعوله وفتح الباب و طلع.
سحاب ساعدت نوف عشان توقف ونطقت بضحك: تكفون أشكالها شغالات هاربين يمه،، ضحكت مره ثانيه وخلت الباقي يضحكون معها ونطقت سحاب: الحين نجلس ولا ندخل
شوق: والله لا اجلس مالي دخل فيهم
نوف: اي بطقاق ندخل عشانهم سلامات امشوا يلا ومعليكم منهم
سحاب ضحكت: انتي اول وحده قمتي وتقولين معليكم منهم
نوف ابتسمت: عادي من الفجعه
سحاب: اي يلا امشوا
مشوا البنات ل الحوش بعد ما تأكدوا ان مافي حد تقدموا ل جلستهم و جلسوا براحه وبدأو يكملون لعب.
》》سعود《《.
طلع بعد ما شوق قالت له اطلع في بنات تقدم عند العيال ونطق: من الي قال ان مافي حد
سلمان: انا
سعود تقدم عنده وصطره من راسه ونطق: فيه
سلطان: من
سعود: ثلاث بنات و منهم نوف
عبدالعزيز ضحك: وسحاب
سلمان: وشوق
التفت له عبدالله ونطق: الحب ها وغمز "😉"
سلمان ضحك: شدخل
عبدالعزيز: كلنا نعرف انك تحبها ولا اذكرك
سلمان يحاول يغير السالفه: اي والحل جوعان
سلطان ضحك وقلد طريقة كلامه: جوعان
ضحكوا عليهم ونطق عبدالعزيز: بدق على سحاب تدخلنا واسطه
عبدالله: سحابوه صارت واسطه
سلمان: دق
عبدالعزيز ضحك ودق على سحاب و ردت بعد عدة ثواني: نعم يالشاطح
عبدالعزيز: انا شاطح
سحاب: شتبي
عبدالعزيز: نبي المطبخ
سحاب: من انتم
عبدالعزيز: القبيلة كلها ما عدا ناصر و محمد
سحاب: كلكم تبون المطبخ
عبدالعزيز: ايه ولا بندخل عليكم
سحاب: ولد ابوك سوها، ، سكرت بوجهه
عبدالعزيز: ولد ابوي اجل والله لا اسويها.
>>>>>>>>>>يتبع
أنت تقرأ
لقيتك بعد كل الناس أجملهم
عاطفيةماذا لو التقّيت بكَ صدفه؟ أول رواية لي ~ كتابتي الأولى ~ سعودية🇸🇦 قراءة ممتعة🩷
