لقيتك بعد كل الناس أجملهم

Part 6

تقدمت سحاب تجلس جنبه ونطقت: اشتقت لك
عبدالله ضحك: كل يوم بالبيت اربع وعشرين ساعه قدامك ومشتاقه لي
سحاب: ايوا اشتاق لك مالك دخل فضفض لي اسمعك
عبدالله فتح عيونه بصدمه: افضفض بوش ان شاءالله
سحاب بضحك: دايم اشوفك تهوجس ليه علمني تراني احفظ السر
عبدالله: تحفظين السر اجل
سحاب: اي احفظه يلا يقول سرك ببير
عبدالله: البير مرده بيمتلي وينكب
سحاب: افا عبود انا اكب العفش مستحيل
عبدالله: اقول بس يلا مالقيتي غيري شوفي ذا أشر على عبدالعزيز عنده أسرار وهاذا أشر على سلمان
سحاب: اوبب طيب اسمع تبغاني اروح من عندك
عبدالله: اي شتبين فلوس ماعندي
سحاب: الا عندك شفت خمسين بجيبك هاتهم
عبدالله: احتاجهم
سحاب: في وش ان شاءالله
عبدالله: اعبي بنزين
سحاب: اختك ولا السياة
عبدالله: انتي الي بتوديني ولا السيارة
سحاب: السيارة
عبدالله: اجل سربدي
سحاب ابتسمت بخبث: اي زين تبغى شاهي؟
عبدالله: اووب جاء بوقته صبي
سحاب: خلصت بروح اسوي لك افضل كوب شاهي.
وقفت سحاب وتقدمت ل المطبخ وطلعت ابريق غسلته و حطته بصحن و حطت كوبين وقفت شوي تحتري الوقت شوي يمر عشان تطلع مر الوقت وطلعت وبيدها الصحن دخلت الصالة وتقدمت ل عبدالله ونطقت: افضل شاهي ل اخوي عبدالله.
قربت منه وسوت نفسها بتطيح ورمت الصحن عليه و فز عبدالله بصراخ ونطق: انحرقنا.
استوعب شوي ان ماصار له شي وشاف ان الكل قاعد يضحك عليه وعلى اخته سحاب وناظر في سحاب وشافها ميته ضحك عليه وسحاب نطقت: مشت عليكك اهخخخخ.  وقفت سحاب تشيل الأبريق والاكواب والصحن و حطتهم بالطاوله تقدمت تجلس وهي باقي تضحك.
》》عبدالله《《.
بداخله كان يضحك بس يمثل انه معصب نفض ثوبه وتعدل وجلس ونطق: مانب ناسي الحركه بعيدها عليك
سحاب: نشوف ، وكملت تضحك
》》عبدالعزيز و سلمان《《.
كانوا يضحكون على حركات سحاب وبذات هالحركة خلتهم يموتون ضحك على عبدالله وفجعته كانوا ينادون سحاب روح البيت لأن دايم تعطيهم جو ولا مره شافوها تبكي الا مره والي هي على طقطقت عبدالعزيز عليها يوم سوت شاهي بدال القهوة يحبونها حب مايعلمه الا ربي.
بدأت السوالف تاخذهم ل بعييد لين آذن الظهر كل واحد آتجه ل مكان يصلي مثل العاده ابو سحاب وعياله بالمسجد و ام سحاب وسحاب البيت.
》》سحاب《《.
خلصت صلاه وتقدمت ل غيبوبة العيد وكذالك عند اخونها تقدموا ينامون الين المغرب صحوا وبدأت العزايم الي يروح هنا والي يروح هنا الين جت الساعه ١٢ بالليل رجعوا البيت رتبوا اخر شناط لهم وحطوها بالصالة وتوجهوا ل النوم .

" ٤:١٧ ".
صحوا الكل يصلون الفجر صلوا وبدأت جلسه العائليه قبل السفر وقرر سلمان ان يروح معهم بنفس الوقت تقدم لغرفته يجهز ملابسه خلص و نزل وحطها بالسيارة وبدأ ابو سحاب يحط الأغراض بالسياره وبدأت التشكيلة .
ابو سحاب مع - ام سحاب- سحاب.
عبدالعزيز مع - سلمان- عبدالله .
تقدموا ركبوا وسموا و حركوا دق ابو سحاب على ابو سلطان يقوله انهم مشوا دق عليه ونطق: اخباركم شعلومكم
ابو سلطان: بخير دامكم بخير ها بشر مشيتوا
ابو سحاب: تونا مشينا
ابو سلطان: توصلون بالسلامة
ابو سحاب: يسلمك
ابو سلطان: يلا بخليك تنتبه ل الطريق
ابو سحاب: هالله هالله
قفل ابو سلطان وبدأ ينتبه ل الطريق وطوال الطريق تكون سحاب حاطه رجل على رجل و تتابع مسلسلها الين نامت حل الليل ومع مرور الوقت وصلوا وقام ابو سحاب دق على عبدالعزيز ونطق: طقوا بوري على وصولنا زين.
عبدالعزيز: سم
قفل ابو سحاب وبدأت سحاب حبه حبه تصحى على صوت  البوري جلست وبدت تحط ميكب خفيف وانتهت وتجهزت ل وصولهم.
وصلوا لفة المزرعه وقام يطق بوري وكذالك عياله الي وراه وقفوا عند المزرعه واستقبلوهم مترك و متعب و سالم أعمام سحاب وقف ابو سحاب السيارة ونزلوا ام سحاب و سحاب و عياله وراحوا ام سحاب وسحاب جهة الحريم.
》》ام سحاب و سحاب《《.
دخلوا وقعدوا يسلمون و تقدموا ل الصالة جلست سحاب و امها وبدأت الأخبار والعلوم تسير بينهم مر الوقت و سحاب جاها النوم و قالت ل امها و ام سحاب نطقت ل ام سلطان: يا ام سلطان سحاب جاها النوم عادها ماشبعت
ام سلطان: وه خليها تنام توها جايه من سفر يمه نوف وديها غرفتك
نوف بحماس: من عيوني.
وقفت نوف ومعها سحاب وقامت نوف تسولف معها الين وصلوا الغرفه وجلسوا على السرير ونطقت نوف: عاد مدري شقول مستحيه منك
سحاب: افا تستحين مني
نوف: لا وين بس يعني اول مره نشوف بعض
سحاب ضحكت: بسألك علميني عن الأوضاع هنا و وش في
نوف تحمست وبدأت تقولها: الأوضاع مره حلوه و في نياق و خرفان وكذا يعني ان شاءالله فهمتي
سحاب تحمست: تصدقين احب الجو الي كذا
نوف لقت نفس جوها: حتى انا تصدقين
سحاب: بسألك بس انتي الوحيدة هنا بنت
نوف: لا في بنت وحده اسمها شوق يعني ذحين البنات الي فيه انا وانتي وشوق
سحاب: وينها
نوف: تلاقينها في غيبوبه العيد
سحاب: الله يعين
نوف: طولت عليك نومتك
سحاب: لا وين عادي
نوف: يلا بطلع خذي راحتك تراها غرفتي وغرفتك صارت وهاذا سريرك أشرت عليه.
سحاب ابتسمت وطلعت نوف من الغرفه وبقت سحاب لوحدها وهمست: حبيتها ياخي يازينها تهبل. وقفت سحاب تشيل عبايتها وحطتها على جنب وتقدمت ل السرير الي كان مجهزينه لها انسدحت و نامت نومه عمييقه.
  
   >>>>>>>>>>>>يتبع