الين بدأت تمشي بسرعة وبدأت تتمحس زيادة على صوت البنات.
نوف: اييووواا
شوق: العبب
صرخت نوف بحمااس خلت سحاب تزيد السرعه ولفت الدريسكون على اليسار وفحطت وقاموا البنات يحفزون سحاب انها تسويها مره ثانيه وسوتها فعلاً مره ثانيه ونطقت سحاب: اشغل لكم شي
نوف: شغلي محد يقول لا
شغلت سحاب سلطان البريكي:
(•على الموعد اللي بيننا جيت لك ملهوف اسابق عقارب ساعتك قبل موعدنا
،
وانا داري ان قلبك على شوفتي مشغوف لو انه يجور الوقت فينا ويتعبنا
،
تحديث جار الوقت يا ضامر السرجوف لو انه اللقى شح الزمن به وعاندنا•).
وقاموا يراددون ورا الأغنيه بحماس و فحطت مره ثالثه سحاب و وقفت من شافت سلطان يأشر بيده"وقفوا" نطقت: بنات سلطان يأشر بيده وقفوا السيارة
نوف: معليك ماراح يسوي شي روحي عنده و وقفي السيارة و ننزل وعادي
سحاب: من عيوني ذي قبل ذي.
مشت سحاب ببطيىء مثل ما شغلت السيارة بالأول و وقفت عند سلطان و طفت السيارة و نزلوا و نطق سلطان: مو قلت لكم لا تفحطون؟ و صوت الأغاني عندكم مشاءالله واطيه كان رفعتوها زيادة
نوف: طيب تحمسنا وعادي احس بمزرعة و تراب ماراح يصير شي
سلطان: وعاجبك لو احد سمع وطلع لكم افرضي لو جدي بكبره طلع
نوف: عادي
سلطان: اي عادي
سحاب تدخلت ونطقت: ترا ماصار فيه إصابات عشان تقول لا تفحطون هاذانا فحطنا ولا صارلنا شي
سلطان صد: الأولى سالمه الثانيه أصابه
سحاب تكتفت: عندك ، سكتت ورجعت ورا نوف.
نوف: سلطان ترا عادي لا تشدها
سلطان: يعني عجبكم التفحيط و المشي
نوف: مررره
سلطان: زين لان طقت براسي فكره
نوف: شنهي
سلطان: مالط دخل ويلا داخل لا أحد يشوفكم
نوف تخصرت: والله
سلطان: اعتدلي
نوف: حيوان بنات امشوا نرجع احسن.
مسكت يد البنات و قاموا يمشون الين البيت.
》》سلطان《《.
سلطان: وربي انهم جدوله.
تقدم ل النياق عند عبدالعزيز وصل عنده وانتبه عبدالعزيز ونطق: أرحب
سلطان: البقى
عبدالعزيز: نسيت لا اقولك جو البنات وخذوا المفتاح
سلطان: ايه معليه توي خذيته منهم
عبدالعزيز: اقولك سمعت صوت تفحيط تذكرت اختي يوم طلعنا البر واصرت انها تفحط
سلطان: اصدمك
عبدالعزيز: وشو
سلطان: شفت صوت التفحيط الي سمعته منها
عبدالعزيز بضحك: اماانه
سلطان ضحك: وربي تقول اختي ان اختك هي الي ساقت
عبدالعزيز: حي عينها
سلطان: ومشغلين سلطان البريكي
عبدالعزيز: مو منهم من سحاب الي الي جابت فكرة سلطان البريكي وحطته لهم بس تعرف وش كانت الأغنيه؟
سلطان: سمعت نصها مو كلها" على الموعد اللي بيننا جيت لك ملهوف"
عبدالعزيز: يوم يا هالأغنيه تحبها
سلطان: اما وربي يا ان الصوت جاب لي الصداع بس عجبتني الأغنيه
عبدالعزيز: تحب جو البر و النياق
سلطان: من
عبدالعزيز: سحابوه
سلطان ضحك: جوها
عبدالعزيز: اي
سلطان: اي شتسوي هنا
عبدالعزيز: حبيت النياق ومنك
سلطان: شدخلني
عبدالعزيز ضحك: مدري الا وين سلمان
سلطان: قال بيرقد
عبدالعزيز: وعبدالله
سلطان: نقال علوم و انا مدري
عبدالعزيز ضحك: اهخخ
سلطان: اسمع جتني فكره مدري موافقين ولا لا
عبدالعزيز: اسلم
سلطان: نطلع كلنا شاليه
عبدالعزيز: مع من
سلطان: الرجال و البنات
عبدالعزيز: والله مدري بس احس نجلس كلنا البنات والعيال مع بعض و نتفق احسن
سلطان: نشوف
عبدالعزيز: حد يدري؟
سلطان: غيرك لا
عبدالعزيز: اكيد انا اول واحد يعرف"😌"
سلطان ضحك: صحيح
عبدالعزيز: لو افترضنا كلنا وافقنا متى نطلع؟
سلطان: اليوم ايش الثلاثاء نطلع الخميس؟
عبدالعزيز: تم
سلطان: تتم
عبدالعزيز: متى نجتمع الحين كم الساعه
سلطان فتح جواله: ١٢
عبدالعزيز: نجتمع بعد صلاة الفجر نصلي و بعدها لما نحس الكل نام نجتمع بس وين
سلطان: ورا شبك النياق نفرش فرشه ونجلس دائره
عبدالعزيز: اي احسن بعد
سلطان: خلاص الساعه ٥ تمام نجتمع
عبدالعزيز: من الي بيجي
سلطان: اسألتك كثيره ما تتعب
عبدالعزيز ضحك: لا
سلطان: الله يسلمك الي بيجي(عبدالله-سلمان-انت-انا-نوف-بنت عمي مترك شوق-اختك سحاب)
عبدالعزيز: حلوو ثمن أشخاص
سلطان: زين بالشاليه مانبي هواش نبغى ضحك و فله
عبدالعزيز: بس انت تتغطى عن اختي الوضع؟
سلطان: معليه عادي كلام مو شوف
عبدالعزيز ضحك: الله يعين
سلطان: وحت انت بتصد عن اختي و بنت عمي شوق
عبدالعزيز: ابوك يالبلشه
سلطان امش
عبدالعزيز: ودي اروح اشوف النخله
سلطان: ودك بشوفتها
عبدالعزيز: ودي
سلطان: امش اوديك لها وكحل عينك
عبدالعزيز ضحك: هي إنسان
سلطان: لا جماد امش امش.
مشوا آتجاه نخلة الجده فاطمه الي مربيها سلطان و يحبها
ونطق: ماهب نخلتي
عبدالعزيز: نخلة من أجل
سلطان: جدتنا فاطمه بس انا مربي هالنخله
عبدالعزيز: عبالي حقتك
سلطان ضحك: لا وين.
راحت فيهم السوالف ورجعوا البيت يرتاحون شوي ويجهزون وش بيسوون بالجلسه.
》》البنات《《.
نوف: بالله تتوقعون وش فكرته فضول
شوق: اممم مدري
سحاب: حتى انا والله مدري
نوف: همم زيكم الشكوى لله امشوا ندخل
دخلوا داخل الغرفه يبدلون ملابسهم ويجلسون بالأرض ونطقت سحاب: شوق ابغى اشوق امك
شوق: امي تعبانه حلقها قايم عليها والدكتور قال معدي بس كلمتها وقالت إن بدأ حبه حبه حلقها يخف
سحاب: يروحي سلامتها
شوق: يسلمك ، الحين وش نسوي
نوف: نخطط وش نسوي الليلة شرايكم نجلس لين الساعه ٧ و ننام يعني نتابع فلم
سحاب: اووب تمم
أنت تقرأ
لقيتك بعد كل الناس أجملهم
Romantizmماذا لو التقّيت بكَ صدفه؟ أول رواية لي ~ كتابتي الأولى ~ سعودية🇸🇦 قراءة ممتعة🩷
