Make Believe That I Love You - Sharmaine Galvez

Chapter 11

WALA siyang pakialam kung nagtataka man si Zach na hindi niya sinagot ang tanong nito. Pinagsawa niya ang mga mata sa paghagod sa guwapong mukha nito. He was still the same man she loved. Pero bakit para yatang bahagyang humumpak ang mga pisngi nito?

"Can I come in, Abba?" ulit nito sa tanong kanina.

Saka lang siya waring natauhan. Maybe his slightly irritated voice knocked some sense in her head.

"A-­‐‐and why should I do that?"

"Because we need to talk," sagot nito.

"A-­‐‐ano pa ang dapat nating pag-­‐‐usapan, Zach? The charade is over. Mahigit isang buwan na mula noong tapusin natin iyon. You promised to leave me alone."

Umiling ito. "I never promised you such thing. And believe me, wala akong balak na tapusin ang lahat sa atin."

Maang na napatingin siya rito. Gusto niyang makita kung seryoso ba ito.

"Marami tayong pag-­‐‐uusapan, Abba. We can do the talking here. But we will not be comfortable. So, I suggest that you let me in."

Ilang saglit na nagtalo ang isip niya. Isang bahagi niyon ang nagsasabing huwag na niya itong pakinggan. Tutal ay aalis na rin siya bukas ng Pilipinas. She could have all the time in the world to completely forget about him. Pero isang bahagi rin ng isip niya ang nagsasabing patuluyin niya ito and hear him out. She wanted to hear his piece.

She chose the latter, dahil alam niyang hindi rin naman siya matatahimik sa pupuntahan niya. She would always be haunted by the fact that she never gave him the chance.

Niluwangan niya ang pagkakabukas ng pinto para makapasok ito.

"Let's talk and get over this," mariing sabi niya pagkaupo niya sa sofa na katapat ng inuupuan nito. "Why are you here, Zach?"

Sa halip na sumagot ay may inilabas ito mula sa bulsa ng suot na pantalon nito. Iniabot nito sa kanya ang isang kahita.

Kahit hindi niya iyon buksan ay alam niya ang laman niyon—ang engagement ring na ibinigay nito sa kanya noong pinagpanggap siya nito bilang fiancée nito.

"You left this in my car," sabi nito.

"It's yours. Sinabi mo sa akin isauli ko sa iyo kapag natapos na ang pagpapanggap ko," sagot niya.

"Ang sabi ko noon sa iyo, kung matapos ang pagpapanggap natin at hindi mo na ito gustong isuot, saka mo isauli sa akin," sansala nito.

Napabuga siya ng hangin. "What is this all about, Zach? Saan ba patungo ang pag-­‐‐uusap na ito?"

"Patience, my love. You should learn the virtue of patience."

"Love? Since when?" hindi makapaniwalang tanong niya.

"Hindi ko alam. Siguro ay noong nasa resort pa lang tayo—"

"I'm not a fool, Zach!" napataas ang boses na putol niya sa sinasabi nito. Napailing siya. "You hated me back then."

"I didn't hate you. Sinabi ko na sa iyo noon, I just didn't like the way you acted, the way you dressed. At hindi ko gusto ang parang paghahabol mo sa akin noon."

"Paghahabol?" She knew it was too late to save her face. Pero gusto niyang linawin dito ang dahilan kung bakit niya hinabul-­‐‐habol ito noon.

"That is Serena's idea. Pinaniwala niya akong nagdududa siya sa sexual preference mo. Gusto niyang makatiyak kung bakla ka nga kaya pinakiusapan niya ako para i-­‐‐seduce ka."

"And you actually believed her that I'm gay?" natatawang tanong nito.

Tumango siya. Ilang beses na siyang napahiya sa lalaking ito sa pag-­‐‐amin sa damdamin niya. She would not give him the satisfaction this time.