"یادی شەش مانگەمان پیرۆز!" جونگکووک بە ھاوار و دەنگە دەنگەوە ئەمەی وت کاتێک چەپکێک گوڵی گەورە و شیرینی و ورچێکی گەورە لە دەستیدابوو
تایھیۆنگ ئاوڕی دایەوە و زەردەخەنەیەکی گەورە کەوتە سەر لێوانی
ڕایکرد بۆ لای جونگکووک و ورچە گەورەکەی لە دەستی گرت و نزیکی کردەوە لە ڕوخساری و لە ڕوخساری ئەخشاند:"ئای خوایە گیان کووک ئەوە زۆر نەرمە"
جونگکووک زەردەخەنەی کرد و شیرینییەکەی لە لایەک دانا و بە چەپکە گەورەکەی دەستییەوە نزیک بوویەوە لە شازادە قژ کاڵەکەی و وتی:"یادی شەش مانگەمان پیرۆز شازادەکەم"
تایھیۆنگ زەردەخەنەیەکی پێشکەشی جونگکووک کرد و گوڵەکانی لێی وەرگرت و وتی:"کەواتە ئێمە بۆ نیو ساڵی یادی ھاوسەرگیریشمان ئاھەنگ ئەگێڕین؟"
جونگکووک سەری ڕاوەشاند و نزیک بوویەوە لە تایھیۆنگ و کەمەری گرت و وتی:"بێگوومان ئێمە ئاھەنگ بۆ ھەموو ئەو ساتە جوانانە ئەگێڕین کە تیایداین لە ژیانمان"
تایھیۆنگ زەردەخەنەی کرد و لە باوەشەکە دوورکەوتەوە تەنھا تا ورچە گەورەکەی و چەپکە گوڵەکەی دابنێت و دواتر گەڕایەوە و دەستەکانی لە ملی جونگکووک قوفڵ کردەوە
"لەبەر ئەمەیە کە شەو بەیەکەوە ژووانمان ھەیە ھمم؟"
جونگکووک ھمێکی کرد و قژە کاڵەکانی کە خەریکن درێژ ئەبنەوە خستییە پشتی گوێیەکانی و ماچێکی بچوکی لەسەر ناوچەوانی جێھشت
"بەڵێ تۆش سپۆیلی ئەمشەوت لێکردم ھمم؟"
"وەک ئەوەی ھەموو مانگ و ھەفتە و ڕۆژێک نەمبەیتە ژووان ، ئەوە شتێکی ئاسایی بووەتەوە لام بۆیە پێش ئەوەی بیڵێیت ئەمزانی" بە چرپەوە وتی کاتێک لە کۆتاییدا لووتی خشاند لە لوتی ھاوسەرەکەی
"بێگوومان ئێمە پێویستە ھەموو بۆنەیەک بەیەکەوە بگێڕین و وێنەمان ھەبێت و ھەموو ڕۆژەکانی ژیانمان بەیەکەوە بەسەر ببەین ھەتا ئەو کاتەی پیر ئەبین و یادگارییەکانمان بەبیر ھێتەوە ئاھـ ئەو کاتەش خۆشم ئەوێیت کە ببیتە پیرە پیاوێکی قژ کاڵی-"
"ھێی جونگکووک بووەستە! بۆچی ھێندە بەپەرۆشیت" تایھیۆنگ ئەمەی بە پێکەنین و قاقاوە وت
"ھێی! چی ڕوویداوە بەسەر نازناوی کووک؟"
تایھیۆنگیش چاوەکانی بچوککردەوە و وتی:"پێم وابوو تۆ حەزت بەو ناوە نییە ھمم؟"
"من ئەو ناوەم بە دڵە چونکە وام لێئەکات بیر بکەمەوە کە زۆر نزیکم لێتەوە"
YOU ARE READING
تیمارم بکە | ڤی.کەی.
Romanceخۆشەویستییەکی قوڵ و گرینگی پێدانی زیاد ئەتوانێت دەرت بکات لە ئازار و خەمەکانت؟ دوور لە جەنجاڵی مێشك و ژیانت ئەتوانی ئاسوودە بنویت لە تەنیشت ئەو کەسەی بەڕاستی خۆشیئەوێیت و دەیەوێت پارێزگاریت لێبکات؟ note 📝 : ھەموو پارتەکان سەلامەتن لە دیمەنی نەشیا...
