Oops! This image does not follow our content guidelines. To continue publishing, please remove it or upload a different image.
" ဆောနူး shi စီနီယာ Jay နဲ့ အရမ်းရင်းနှီးတယ်လို့ပြောလို့
စီနီယာ့အကြောင်းလေးသိသမျှရယ် စီနီယာကဘာတွေကြိုက်တတ်တယ်ဆိုတာရယ် ပြောပြပေးလို့ရလားဟင်"
Scene တစ်ခုရိုက်အပြီးမှာ မိဖုရားခေါင်ကြီးနေရာမှသရုပ်ဆောင်သော ကောင်မလေးက ဆောနူးနားသို့ချဥ်းကပ်၍ Jay hyung အကြောင်းမေးလာသည်။
ဒီကောင်မလေးနာမည်က ဟယ်ဂျောင်းဖြစ်သည်။
အရင်နေ့က ဆောနူးနဲ့ Jay hyung နှစ်ယောက်သား နန်းဆောင်ထဲမှာ ပန်းချီဆွဲနေစဥ် သူတို့နှစ်ယောက်ရှိနေတာကိုမသိဘဲ နန်းဆောင်အနီးမှာဖုန်းလာပြောပြီး Jay hyung နဲ့ Ethan hyung နှစ်ယောက်ထဲက တစ်ယောက်နဲ့ Dating rumor ထွက်ချင်သည်ဟုပြောခဲ့သော ကောင်မလေးပင်။
အခု ဆောနူးကို Jay hyung အကြောင်းလာမေးနေပြီဖြစ်လို့ ဆောနူးရင်ထဲ ထိတ်ခနဲစိုးရိမ်သွားရသည်။
" ကျွန်တော်လည်း စီနီယာနဲ့အရမ်းခင်မင်နေတာမျိုးမဟုတ်ပါဘူး။
ဒီအတိုင်း သရုပ်ဆောင်ဖို့တိုင်ပင်ရင်းနဲ့စကားပြောဖြစ်ကြရုံပါပဲ။"
" အယ် မဟုတ်ပါဘူးနော် ရယ်ပြုံးပြီးစကားတွေပြောနေတာမျိုးလည်းမြင်ဖူးပါတယ် ။
နောက်ပြီးတော့ဘတစ်ယောက်နားနေခန်းတစ်ယောက် လွတ်လွတ်လပ်လပ် ဝင်ထွက်သွားလာနေတာမျိုးလည်းရှိတာကို။
တို့ကြားဖူးတာက အရင်ဆို စီနီယာ Jay က ရိုက်ကွင်းမှာ မလိုအပ်ဘဲ စကားမပြောသလို ဘယ်သူနဲ့မှလည်းရင်းရင်းနှီးနှီးမနေဖူးဘူးတဲ့။
အခု ဆောနူး shi နဲ့မှ အဲလိုရင်းရင်းနှီးနှီးနေတာမြင်ရတော့ စီနီယာသဘောကျတာလေးတွေသိမယ်ထင်လို့ လာမေးကြည့်တာပါ။
