Oops! This image does not follow our content guidelines. To continue publishing, please remove it or upload a different image.
"Jennifer ပြောနေပါတယ်"
" ဘုတ်အဖွဲ့အစည်းအဝေးမပြီးသေးဘဲ social media မှာတင်လိုက်လို့အဆင်မပြေ
ဘူးလေ သမီးရဲ့။
ဒီတစ်ပတ်ဘုတ်အဖွဲ့အစည်းအဝေးမှာမှ သဘောတူညီချက်ယူပြီး ပြောထားတဲ့ကိစ္စလေးသေသေချာချာ
ဆုံးဖြတ်ပြိးမှ Media ကိုသတိပေးရင် ပိုကောင်းမယ်ထင်တယ်။
သမီးစိတ်လောနေတာသိပေမယ့် အခုလိုတင်လိုက်တာက နည်းနည်းစောသွားတယ်ထင်တယ်။"
ဖုန်းကိုင်လိုက်တာနဲ့ အပြစ်တင်စကားအတိအလင်းမဆိုရဲဘဲ post တင်တာစောသွားတဲ့အကြောင်း၊
ဘုတ်အဖွဲ့အစည်းအဝေးပြီးအောင်စောင့်သင့်ကြောင်း ၊
လေပြည်လေးနဲ့သိမ်းသွင်းဖို့ကြိုးစားနေသောဦးလေးဖြစ်သူကြောင့်
Jenniferပို၍ပင် စိတ်ပျော်ရွှင်သွားသည်။
ပင်ကိုယ်စိတ်ရင်းအရ ဒေါသကြီးသော
ဦးလေးဖြစ်သူမှာ အလုပ်နှင့်ပတ်သတ်လာလျှင် Jennifer ကို လေသံမာမာ မပြောနိုင်ပေ။
Company တစ်ခုလုံးမှာ ဦးလေးဖြစ်သူကိုစိတ်ဒုက္ခအပေးနိုင်ဆုံး မှာ Jennifer ပင်ဖြစ်သည်။
ထို့ကြောင့် ဝန်ထမ်းများက ကွယ်ရာတွင် ဒေါသအိုး producer ကြီးရဲ့ ဒုက္ခအိုးကွဲလေးဟု Jennifer ကို နာမည်ပြောင်ပေးထားကြသည်။
" သေချာပေါက် ရိုက်မယ်လို့ဆုံးဖြတ်ပြီးသားမို့ ပြင်စရာရှိတာတွေလည်း လက်လှမ်းမီသလောက်လုပ်ပြီးနေပြီ။
စာအုပ်ထွက်ကတည်းက ရိုက်ရင်လည်း BL ပဲရိုက်ဖြစ်မယ့်အကြောင်း အသေအချာပြောထားပြီးပြီမို့ ထပ်ပြီးဆွေးနွှေးတာတွေကို မစောင့်ပေးနိုင်ဘူး။
အမြတ်တွေကိုကျ ကျေကျေနပ်နပ်ကြီးခွဲဝေယူထားကြပြီး Drama ရိုက်မယ်ဆိုမှ ဝေဖန်ခံရမှာစိုးလို့အကြောင်းမျိုးစုံပြပြီးအချိန်ဆွဲနေတာလေးလေးတို့ဘုတ်အဖွဲ့လေ။
