بجهه بسیاره مصلح
مصلح : تبونا نستأجر فندق ؟
حصه : لا بنروح للمزرعه هناك عند امي حنا وعايشه وعيالها
مصلح باستغراب : ماتحسين اننا بنضيق عليهم
حصه : المزرعه كبيره ومحد فيها الا اهلي واخوي وزوجته واساسا ابوي
محلف علينا مانمسي الا عندهم
بدريه : وعمتي عايشه جايه للمزرعه
حصه : اي كلهم جايين
التفتت حصه بعد ما رن جوالها
كسار : يا مرحبا
حصه بضحكه : هلا فيك يبه
کسار : كم باقي لكم للمزرعه
حصه : حوالي الساعتين
کسار : ترا بكره بعد ماتجون لكم عزيمه انتم وعايشه وعيالها
حصه برفض : لايبه ليه الكلافه، حنا جايين عشان امي ، وعشان نعاونها
كسار : هي الي اصرت علي والله ، لا تردونها
حصه : ان شاء الله
بعد ساعتين بالمزرعه كانو واقفين كسار وسالم عبد الله يرحبون بحصه
وعايشه ورجالهم استوقفهم صوت بواري السيارات الي جاي من بدايه
المزرعه
وقف كسار يتوسط عياله يرحب ويهلل فيهم
كسار وهو يلوح لهم : والله انها نورت المزرعه يا مرحبا فيكم
مطلق ومصلح وعيالهم بصوت واحد : بنور اهلها والله
تقدمو العيال يسلمون على خواتهم ويرحبون
كسار : وين عريسنا نبارك له
عبد العزيز بضحكه : الله يبارك فيكم جميع
كسار : وليه تونا نعرف
تقدم عبد العزيز يحب راس جده : والله صار كلشي بسرعه اعذرونا
عبدالله : اكيد انكم تعبانين الحين من السفر نامو وريحو الحين وبكره
العزيمه
مطلق : ما تقصرون والله بس والله اني بمشي وراي شغل
عبدالله برفض : ما يخالف وانا اخوك يوم بنقوم بواجبكم والله يستر عليك
واول ماتجيك اجازه اقبل علينا
مطلق : ان شاء الله
تقدمو نجد وبدريه يسلمون على جدهم وخوالهم
كسار : واحشيني بالحيل شلونكم
نجد وبدريه : الحمد لله بخير شلونك انت
كسار : والله بخير ، شكل السهر لاعب فيكم امشو نامو الحين بكره ورانا يوم طويل
نجد : يالله ماشيين
دخلو عايشه وحصه سابقين البنات يسلمون على امهم ويتطمنون عليها عايشه : شلونك يمه عساك طيبه
منيره : والله اني طيبه بشوفتكم
حصه : قدامك العافيه يارب
منیره : وين نجد وبدريه
عايشه : يسلمون على خوالهم برا منیره : محسن معهم ؟ حصه : لا والله ماشفناه هو وينه
منيره : مدري والله ، الله يصلحه
بعد دقايق تقدمو نجد وبدريه بفرح يسلمون على جدتهم ويبوسون راسها
نجد وهي تضم جدتها : ماتشوفين شر ياجده
منیره : الشر ما يجيكم
بدريه : شلونك الحين عساك ماتحسين بألم ؟
منيره : لا الحمد لله ماحس بألم ، استريحو انتم ونامو توكم جايين مع طريق عایشه : اي والله يلا ماشيين توصيني بشي
منيره : سلامتكم ، الغرف واجد خذو لكم اللي تعجبكم
نجد : ابشري ياجده
—
يوم العزيمه العصر ببيت ابو بدر كانو يجهزون من الحين عشان العزيمة كانت من المغرب
سالم : وين نوره
لطيفه : هذا هي تتجهز بالغرفه
كانت نوره لابسه فستانها الاحمر مخصر من فوق ومن تحت واسع ، مسويه شعرها ستريت حطت نوره اخر لمساتها واللي هو الروج الاحمر ، كان مكياجها معتمده فيه على العيون ، تعطرت وقفت شوي تتأمل شكلها عند المرايه لين سمعت بدر يناديها
بدر وهو مستعجل يلبس كبكه : اخرتينا اخلصي ابوي يهاوش
نوره بضحكه : ههههه انت خلص اول ، هذاني جاهزه امش يلا
ببيت ابو يزيد
سلمى : يزيد بالله اي فستان البس محتاره الاسود ولا الازرق
يزيد حط يده على دقنه يفكر : اسالي شوق شدراني
تقدمت سلمى تضربه : لو انها فاضيه ماجيتك يالسلوقي
يزيد بضحكه : خلاص لاتصيحين البسي الاسود حلو وقولي لاختك تخلص
سلمى : وانت رح البس شتنتظر
يزيد : بلبس ثوبي وبمشي انا مابقعد ساعه زيكم
سلمى : كذا نظامك ، خل اروح اشوف شوق خالصه ولا لسى
يزيد بطقطقه يداعب خدود سلمى : يلا ياحلوين استعجلو بروح البس وبركب السياره خمس دقايق ان ماجيتو هجينا خليناكم
بالمزرعه عند نجد وبدريه وهنوف
كانت هنوف لابسه فستانها الازرق ماسك على جسمها وشعرها ستريت و تفير شعر نجد لانها الوحيده الي مخلصه بينهم بينما نجد تمكيج بدريه
نجد: بدريه ان ماثبتي صفقتك
بدريه بضحكه على اشكالهم : الوضع يضحك
نجد وهي تضحك : ههههه والله يضحك صدق الجمال متعب
بدريه : لاتكثرين سوالف لايخرب الميكب مافي وقت
نجد : هين اوريك الله يعز هنوف بس
هنوف : الله يعزني بس وش بتلبسين انتي
نجد وهي محتاره : والله مدري
نطت بدريه : اذكر كانت فيه عزيمه مره ولبستي فستان اصفر كان ياخذ العقل عاد مع الويفي بيكون يموت
هنوف وهي تتذكر : اي والله اذكره فنان البسيه
نجد : تم ، بس بدريه ترا معد بمكيجك اثبتي صدعتيني
بعد نص ساعه كان الكل مخلص مكياج ونجد لابسه فستانها الاصفر الماسك كان كتف واحد وفتحته للفخذ
، وسيع من تحت
بدريه بذهول من منظر نجد : صدق ما شاء الله
نجد بضحكه : كلنا حلوين
بدريه : شرايك اخطبك لاخوي
نجد : مستعجله انتي تبين تزوجيني
بدريه : خايفه تنزرفين مننا
نجد سمعت صوت ترحيب جدتها : امشي نسلم جو
بدريه : تعرفين بنات خوالي انتي
نجد : اذكرهم يوم كنا صغار بس
بدريه بضحكه : امشي هنوف سبقتنا وسلمت الخاينه
نجد : استحي امشي قدامي انتي كنت معتمده على هنوف سحبت علينا الكلبه
—
مشو البنات يسلمون على خالاتهم وبناتهم
لطيفه بذهول : ما شاء الله كبرتو وكل وحده تقول الزين عندي
نجد: وحشتينا ياخاله
لطيفه : والله انتم الي واحشينا
توجهو البنات يجلسون جنب امهاتهم
بدريه وهي تقرص نجد بدون محد ينتبه
نجد بهمس : شفيك ؟
بدريه : امي راسله لي تقول قومو انتو والبنات تعرفو وسولفو
نجد : قولي لهنوف انا وياك مامنا رجا
بدريه : هنوف عند الحريم تشوفنا مبزره مابتقوم لو ايش
نجد بضحكه : خياناتها كثرو بس يلا امشي نكلمهم خالتي تعطينا نظرات
اتجهو نجد وبدريه للبنات بهمس ينادونهم للحوش
وقفو كل البنات ومشو وراهم
بدريه : مصرفينا الحريم هاتو علومكم
سلمى : المشكله تونا جايين امداهم يصرفونا
نجد : شكلهم يحققون مع هنوف
نوره بضحكه : أشك والله من يومين وهم يسولفون عن خطبتها
شوق : بعطيكم خلفيه عن العشاء نتعشى الساعه ٩ وتراه رز ولحم
بدريه : يعمري شكلك تحسبينا بنات الرياض ماناكل لحم حنا نصبح ونمسي عليه للاسف
شوق بضحكه : والله عبالي ماتحبونه قلت اقولكم عشان ماتتورطون
بدو البنات ياخذون ويعطون مع بعض
قامت نوره : نجد الحقيني بنجيب القهوه والحلا
لحقتها نجد وفعلا جابو القهوه والحلا
نوره : ترا سمعت الحريم يسولفون والظاهر بننام هنا اليوم
بدريه : ياليت والله ذبحنا الطفش لحالنا امس
نجد بحماس : بنسوي حفله بجايم
نوره بضحك : حفله قمصان قصدك لايشوفك عمي محسن بالبجامه بيحش رجيلك حش
نجد باستغراب : صدق خالي محسن من جينا ماشفناه
نوره : معليك ذا هدوء ماقبل العاصفه
سلمى : مافي اقشر منه زين انك ماشفتيه
بدريه بخوف : يمه لهدرجه يخوف
يحياتي انتم ماتعرفونه تخيلو توصل فيه يسوي اي شي لعيون زوجته لو شي شين
نجد شهقت : متخلف
بدريه : على طاريها ، وينها ؟
نوره : يمكن ماخلاها تجي يسويها
بعد ساعه من السوالف بالحوش توجهوا البنات لجوا يسولفون مع الحريم الا نجد كانت تدور لجوالها
تذكرت انها خذته معها للحوش
عند بدر كان توه جايب العشاء بيدخله للحوش لقا الباب مفتوح استوقفه منظر نجد بالفستان الاصفر وهي تدور لجوالها ولاهي منتبهه لوجود بدر
كان بدر سارح مايدري منهي ذي بس الي يدري عنه انها جميله جمال مايتصوره صحى بدر من سرحانه لما استوعب موقفه صد وهو يتكلم : العشاء ذا ادخليه قبل يبرد
ارتعبت نجد من الصوت كانت تحسب محد غيرها بالحوش وقفت تصد وتغطي وجهها بفشله : ان شاء الله
شافت بدر وهو طالع وقفل الباب تقدمت تشيل الصحن للمطبخ
نوره : من جاب الصحن
نجد : بدر اعتقد سمعت احد يناديه من برا
نوره باستغراب : بدر ؟؟؟ وشافك كذا
نجد وهي تنكر بفشله : لا كان صاد حطه عند الباب ومشي
نوره : حلو ، امشي نحط العشاء بيبرد نادي البنات يساعدونا
عند بدر الي ماغاب عنه شكل نجد ابداً
لاحظ يزيد سرحانه بغمزه : وش شاغل بالك
التفت صوبه بدر يضربه على كتفه : محد يسرح عندك
يزيد بضحكه : طيب والله سكت ، بس ترا بننام بالمزرعه اليوم
بدر : صادق ؟
يزيد : اي توهم عمامي يسولفون
بدر : اجل كنسل روحه البر خلها يوم ثاني
يزيد : لاتقول ماقلت لك شيباننا مستقعدين لعبد العزيز وشكل بيخلون زواجه هنا
بدر : ياليت والله نبي عرس ، امش نصب القهوه جو رجاجيل
يزيد بهمس: شيبان الديره مشكله اذا درو ان فيه عيشه محد يتعذر
بدر مات ضحك : اسكت لحد يسمعك
يزيد : معليك شيبان من وين بيسمعوني
—
بعد العزيمه كانو البنات مجهزين فراشاتهم ومتجمعين بقمصانهم
نوره : بدت حفله القمصان ، نجد روحي شوفي فيه احد صاحي غيرنا
نجد راحت تشوف ورجعت : لا كلهم نايمين
نوره : امشو الجوع ذبحني بنسوي فطور
سلمى : قدام بس وطو اصواتكم لحد يقوم
مشو البنات للمطبخ
نوره انا ونجد بنسوي الشكشوكه والفول بدريه وسلمى سوو الخبز وهنوف وشوق الشاهي
نجد فتحت الثلاجه تدور للبيض طلعت ثلاث بيضات
التفت لها سلمى : من جنبك ثلاث الجوع ذابحنا يابنتي سوي سبع ثمان
نوره : خل نكسب لنا اجر بشوف الطعوس بدر ويزيد صاحيين بسوي لهم معنا
دقت نوره على بدر : احد صاحي غيرك
بدر : بس انا ويزيد ليه
نوره : نسوي لنا فطور قلنا نشوف اذا تبون
بدر : والله اني قايل انك اطلق اخت سوي لنا بطوننا تصفر
نوره بضحكه : هههههه يلا اذا دقيت عليك تعالي خذه
نوره للبنات : سوو ٩ بيضات
هنوف : بالله وحده منكم تجي تشغل الفرن
شوق : جيت جيت
بعد عشر دقايق
شوق دامني خلصت الشاهي خل اسولف لكم عن هوشه نوره وسلمى
سلمى : بدينا فضايح
شوق : تخيلو عندنا عجوز هنا الي تقوله صح ولاتراددينها كانت نوره تعدل مكياجها جت شافتها قالت استغفرالله خابرتها تبي تفتن العيال جت سلمى تدافع دخلت مع الدرج الا تزحلقت وطاحت فوق رجل العجوز وتصفقو ثنتينهم
انهارو ضحك البنات بالمطبخ
نوره : اص اص لحد يصحى خلص الفطور امشو نحطه بالغرفه
—
استوقفهم محسن عند باب المطبخ
محسن : ما شاء الله ضحك وقله حيا عشان العيال يسمعونكم وسهر للحين
نوره : معليش ياعم مابنعيدها
محسن : الفطور خلوه انا باكله مع العيال امشو نامو ولايكثر
بدريه : ياخال لنا ساعه نطبخ
محسن : ماتفهمون انتو ولا كيف اقولكم فطور مافي خلو قله الحيا تنفعكم
بالغرفه
نجد بقهر : جعله سم
شوق : جعله مايتهنى فيه
نوره : شدراكم حنا نضحك عشان العيال حتى التفكير لك عليه
هنوف : زارف فطورنا و التفكير معقد بعد
نوره : هذا خالكم الي بغيتو تموتون عشان تشوفونه
بدريه : والله توني اصدقكم يوم تقولون اقشر
سلمى : زين وقفت على كذا توقعت يمحطنا بالسلك
هنوف : كان على وشك لين شاف الاكل
نوره بضحكه : صادقه والله
توجه محسن للعيال ومعه الفطور
محسن : تعالو افطرو
تقدمو العيال يفطرون لين قام محسن ينام
بدر : الفطور كثير قلت لنوره محد صاحي الا انا وياك
يزيد : دق اسألها
دق بدر على نوره يسألها
نوره : اي عمك زرف فطورنا
بدر بضحكه : كم منكم بنروح نجيب لكم فطور رحمتكم
نوره : خوات يزيد ونجد وبدريه وانا بس
بدر : يلا ابشرو بالفطور
نوره قفلت الخط : بنات العيال بيجيبون لنا فطور
البنات بفرح : احلفي
نوره : والله وعمي راح ينام
سلمى : المطعم بعيد عن المزرعه يبي لنا شي يشغلنا لين يجون
نوره : سوو دايره بروح اجيب قارورة بنلعب صراحه
البنات : تم
—
لفو القاروره جا نوره تسال هنوف
نوره : تحبين عبد العزيز
هنوف : وش هالاسأله
نوره : عادي تراه خطيبك
هنوف : لا
نجد : زواجهم تقليدي الحب يجي مع العشره بس عبدالعزيز يحبها
لفو القارورة جا سلمى تسال بدريه
سلمى : تفضلين الزواج التقليدي ولا الي عن حب
بدريه : عن حب اريح
لفت نوره القاروره جت شوق تسال نجد
شوق : من شفتك والسوال ببالي كم خطابين جوك لحد الحين ؟
نجد : والله مدري
سلمى بضحكه : شكلك حاطه عينك عليها ليزيد
بدريه : جوها واجد ترا وما الومهم صراحه
نوره : كلنا والله مانلومهم
لفت نجد القاروره جا انها تسال نوره
نجد : عيال المدن ولا عيال الديره
نوره : عيال المدن لاني طفشت من عيال الديره
قاطع نوره دق الباب فتحت لقت بدر معطيها الفطور
بدر : كلوه قبل لاينزرف مره ثانيه
نوره : هههههه تم
بعد نص ساعه بدريه : الحمدلله اكلنا وسلوفنا امشو ننام الساعه ثمانيه لحد يصحى ويشوفنا
نجد : جد والله فيني نوم تصبحون على خير
—
