—
انسدحو البنات و كلهم كانو ساكتين فجاءه يسمعون ضحك شوق الي مو صاحي لفو عليها
نوره بصدمه : علامك انتي!
شوق: والله بنات موقادره اوقف ضحك اخ اشكالكم لما شفتو عمي
نجد بضحكه على ضحكت شوق :والله خالي صار فوبيا بالنسبه لي
نوره بنفس الضحك :متاكده بس لك؟ انا طول عمري بس اشوف تجيني ام الركب
اعتلت ضحكات البنات
في خيمة العيال
فراس : خالي مستحيل عليه ربط يصرع انا نفسي اعرف ايش في مخه
يزيد :يارجال انا خلاص غاسل يدي منه يقول ايش نختلي فيهم وكل واحد معه اخته صاحي ذا
عبدالعزيز: قهرني قهرني الله يقهره
بدر الي تذكر وجه عبدالعزيز جلس يضحك و يضرب رجل فراس من الضحك بدر :مقدر انسى وجه عبدالعزيز لما انقلبت السالفه فوق راسه
ماتو ضحك العيال لما تذكرو عبدالعزيز
هادي وهو بالقوه يقول الكلام من الضحك : والله انا قلت بس بكرا زواجه
عبدالعزيز : اخ يا القهر و انا قلك قلت اكبر واحد ومارح يقول لي شي قلب السالفه علي
فراس: عندي سوال سمعت جدي يقول في عقاب لكم كيف عقاب جدي ذا
بدر و يزيد الي طالعو في بعض و ضحكو
يزيد بضحكه : شي فاخر يليق في الشيخ فراس
فراس : لا صدق اتكلم ايش
بدر : والله حسب مزاج جدك دائما ينوع نشوف بكرا
هادي : يلا خلاص ننام اكيد بيصحونا بدري
توجهو العيال لبطانياتهم ينامون
الساعه ٨:٠٠
محسن الي دخل خيمة العيال يصحي فيهم
محسن بصراخ : قومو
هادي الي فز من صراخ محسن والي اصلا نومه خفيف
هادي : وش صار شسالفه
محسن : قم وانت ساكت
عبدالعزيز وهو منسدح :خلاص صحينا
محسن : انت اسكت ويلا قومو بجي لكم بعد شوي
اول ماطلع محسن
فراس : والله ماصارت حاله خالي ذا ماعنده حياه غير يصحينا
—
بعد نص ساعه كسار الي بلغ كل احفاده يتجمعو عنده عشان يبلغهم بالقرار
كسار: انا امس سكت لكم عن الي صار بس مو عن اني راضي وكلكم رح تتعاقبو
عبدالعزيز : اي وش هو العقاب
كسار: انت اسكت خلني اكمل كلامي عشان تعرف
عبدالعزيز بهمس ليزيد: مو كأن اليوم الكل قاعد يسكتني
يزيد :تستاهل هههههههه
كسار :العيال عقابكم الفطور و الغداء و العشاء عليكم
فراس الي قاطع كسار: تكفى ياجد تكفى طلبتك انا تعفيني من البصل تعبت تكفى
العيال ماتو ضحك على فراس و البنات الي فرحو على القرار
كسار لف للبنات :فرحتو؟ وانتو رح تغسلو كل شي و تنظفو
شوق: ياجد
كسار: خلصنا
فراس: والله رح اطلع كل شي و اوسخ كل شي يستاهلون
كسار الي لف على فراس: زين منك تكلمت كنت حاس اني ظلمت البنات شفت البر ذا الي ما يتنظف نظفوه كلكم
هادي: وش دخلنا بفراس
كسار الي قام و البنات مشو معه كسار و هو يمشي : الخير يخص و الشر يعم
عند العيال الي اول مارح الجد مسكو فراس و سدحوه
عبدالعزيز: انت ماتعرف تقفل فمك صح
يزيد اخذ تراب : تبغى ادخله في فمك عشان تسكت؟؟
فراس: ياعيال والله
بدر: اسكت اسكت الله يبلشك
في خيمة البنات الي كانو يضحكو على فراس
بدريه: اخوي اعرفه مستحيل يقفل فمه
هنوف رفعة حاجبها و نجد الي لفت على بدريه: اي على اساس انتي تعرفين تسكتين كل مصايبي من ورا راسك
هنوف بضحكه بانتصار : قلتي الي في خاطري
شوق بدلع : لو سمحتو الا بوبو
نجد بتشميق : وع من بدريه لبوبو عشتو
بدريه بضحكه: نجد قهوتك حاره
نجد الي قلبت عيونها لبدريه بدون ماتتكلم
—
عند العيال:
هادي : وش رح نسوي فطور
فراس:اكل
هادي: يعني فوق انك مخلينا ننظف تنكت بعد
يزيد: فراس ما ابغى اسمع صوتك اليوم
بدر: انا عن نفسي ما ابغى اسمع صوتك دايم
عبدالعزيز: خلصتو؟ طفشت وانا واقف كل واحد يسوي شي واحد يسوي الشاي و يلا قسمو الي يسوون فول و الي يسوي الشكشوكه و الي يسوي عدس
فراس: علي الشاهي
يزيد:وانت ماتشوف الدرب بتسوي الشكشوكه لحالك
هادي: احسن
كل واحد صار يقطع و يسوي شي
يزيد: وش نسوي بعد الفطور نفسي كذا نسوي شي
هادي: انا اقول نقول لجدي نرجع ماله داعي نجلس اكثر
فراس: بعد ما نرجع وش رح نسوي؟
عبدالعزيز: بنغسل الحوش الي انت السبب فيه
بدر الي كان سرحان بعدين طالع في عبدالعزيز وقال: الفعاليه الوحيده الي عندنا زواج عبدالعزيز شرايك تقرب الزواج
يزيد بغمزه:عشاننا و عشانك
عبدالعزيز :انا عندي سوال انتو ماعندك شي غيري لو تبي يابدر تزوج شعليك مني
بدر:والله فكره فنانه
يزيد:اقول استريح بس متى مافكرت انا اتزوج انت تتزوج
بدر الي بيرد دخل محسن: ماخلصتو
هادي: خلصنا خلاص
محسن:اجل بدر ودي الاكل عند البنات و الباقين جيبو لنا
—
هنوف : ابي مكان فيه النت سريع وين اروح
نوره:ارقي فوق الجبل بتلقين
هنوف : نجد تجين معي ؟
نجد : اكيد وبدريه بتجي معنا
بدريه : من انتو اصلا اعرفكم
نجد : بدريه اخلصي قومي
بدريه بتأفف قامت : الشكوى لله امشو
