اثرك بقلبي من البارح وانا استعجلك

part 3

—

كلهم نامو الا هنوف الي كانت تهوجس بسوال نوره
هي ليه وافقت وهي ماتبيه! تنهدت وفتحت جوالها و شافت اسم ياسر تنهدت وقالت ليه وافقت وانا احبك ليه كنت اقدر ارفض ليه اجبرت نفسي على شخص وانا احبك قالت بضحكه الحين لو اقول مابي عبدالعزيز من اليوم لسنه قدام محد سامع لي دمعت من فرض المشاعر مسحت دموعها و حاولت تنام

في المزرعه عند العيال الساعه 9:00 ص
محسن : قومو طلعت الشمس وانتو باقي نايمين قومووو
هادي : والله حرام عليك ياخال توها الشمس طلعت
محسن بعصبيه رما عليه المسبحه : قوم قامت عليك قيامه قومو لابارك الله فيكم من عيال
هادي فز بفجعه وصحو الباقين
فراس بهمس : ياليل قولو غيرها خالي محسن كل يوم رح يصحينا والله ببكي على كذا
كلهم ضحكو
محسن : مارح اطلع غير وانتو صاحين
بدر و عبدالعزيز و يزيد في نفس الوقت : خلاص صحينا

في جهه ثانيه من المزرعه : عند البنات
الجده منيره :يلا يابنات طلعت الشمس اصحو اعطيتكم وقت تنامو زياده
بدريه : بليز ياجده عطينا وقت زياده
منيره بعد فهم: منهو؟
شوق :ياجده تقصد عطينا وقت زياده
منيره:لا خلاص مافي وقت تبون انادي محسن يصحيكم؟
كلهم في نفس الوقت فزو : لا لا خلاص صحينا ماله داعي
منيره بضحكه :هههههه خلاص عرفت لكم
—

في المطبخ :
منيره وهي طالعه من المطبخ :يلا جهزو الفطور محسن معصب اليوم لا يعصب عليكم
نجد : خالي محسن شفيه من اليوم اسمعه يصارخ تونا صحينا ماقلنا ياهادي
نوره : ماعليك كلها يومين
بدريه لفت على نوره : يومين ويتعدل ؟
شوق : ياحياتي عليك كلها يومين وتتعودي
سلمى: ترا والله عمي مافيه شي بس انه يعصب و يدور زلتك و حتى و انتي مو مسويه شي يعصب عليك
نجد : ذا كله وتقول خالي مافيه شي خالك فيه كل العيوب الله يعين زوجته
بدريه : على طاري زوجته وين ختيه ماشفتها
هنوف وهي تقطع البصل وتمسح دموعها : ياحليلها زوجته مدري كيف مستحمله
شوق : يلا عن السوالف الي مالها داعي وكل وحده تسوي شي

عند قسم العيال
عبدالعزيز : وش الجدول
يزيد بغمزه : والله انت الجدول
عبدالعزيز : اذلف بس
بدر : ترا صدق قرب العرس هاذا الجدول المنتظر
فراس : اي والله
عبدالعزيز : على اساس انا الي قاعده احدد الشيبان قاعدين يحددون من نفسهم
هادي وهو ينسدح على فخذ بدر : يا رجال زين منهم قاعدين يعطوك خبر
بدر : اي والله و انت قم مني ياكبر راسك
يزيد : شف اذا في شعره قمل ولا ترا من اليوم اشوفه يحك
هادي الي كان بيرد بس دخل محسن بعصبيه :اي ماشاءالله انا اصحيكم عشان كل واحد يتسدح لي صح
بدر :ياعم اش تبينا نسوي
محسن قومو جيبو الفطور
—
بدر : ياعم وش تبينا نسوي
محسن قومو و جيبو الفطور
محسن الي راح المطبخ
محسن : انتو مابعد خلصتو ! تبغوني اطبخ معكم عشان تخلصون
بدريه وهي تهمس لسلمى : يسوي خير بدل استقعاده ذا
سلمى بنفس الهمس : بدير انتي شكلك تبين عمي يفطر علينا ترا يسويها
نوره : خلاص خلصنا بس كيف نوديه؟
محسن : انتو شيلو فطوركم و فطور الرجاجيل بنادي العيال يشيلوه يلا