اثرك بقلبي من البارح وانا استعجلك

part 10

لاحول ولاقوه الا بالله
نجمه لطفاً

—

بعد يومين طلع بدر من المستشفى وكان سالم مخطط يسوي له عزيمه يعزم فيها كل اهل الديره من فرحته بسلامة ولده
عند البنات وهم ينظفون
نوره بتعب وهي تهوي نفسها وتكنس : قلنا عزيمه بس مب كبيره لهدرجه كل اهل الديره جايين
نجد بصدمه : تصدقين احسبهم يمزحون
نوره : رفقا بك والله ابوي اذا قال شي سواه
بدريه وهي تمسح المرايه : انتم تدرون وش الي يقهر اكثر جدي حالف ان خالي محسن يجي عشان لايشكون الشيبان انه السبب او اننا قاطعينه
نوره : مدري كيف له وجه يجي بعد اللي سواه
نجد : ماقد لقيت العن من خالنا
نوره : يحليلك توك اسبوعين وغثك
نجد : كلكم تنظفون هاتو لي شغله اسويها
نوره : مافي شي خلصنا امشو نتجهز حنا شيباننا يشرفون العصر
بدريه : فيه حريم بيجون ؟
نوره : اكيد
دخلو البنات يتجهزون
كانو البنات كلهم لابسين مخاوير هدايا من جدتهم
وكل وحده لون
نجد اللي كان مخورها ازرق
نوره كان وردي
بدريه احمر
شوق اخضر
سلمى بنفسجي فاتح
هنوف كحلي
عند العيال بالحوش يفرشون الحوش 
فراس : ياكثر الفرش كل البشريه ذي بتجي
عبد العزيز بعصبيه : افرش وانت ساكت الحين بيجون الناس
فراس : وين هادي بس محد يعطيني وجه كثره
هادي : يرجال بصفقك معه اخلص علينا لحد يجي وحنا مب فارشين
فارس بضجر وتافف : بدر وين ليه مايساعدنا
هادي : توه طالع من المستشفى وجايته رصاصه تبيه يناقز زيك
فراس : مالي شغل تعبت
عبد العزيز : يليل ذا البزر ليه ماخلوك بالرياض
فراس : قاعد على قلبك
عبد العزيز : امحق
الساعه 6:00 المغرب بدو يجون اهل الديره شوي شوي

عند الحريم
وصلو عزيزه وبنتها اصايل
اصايل بهمس لامها : حفيدات كسار اعرفهم بس فيه ثلاث جدد من هم ؟
عزيزه : ام الازرق نجد بنت مطلق الثانيه ام الاحمر بدريه بنت مصلح واختها ام كحلي هنوف

—

اصايل : كلهم حلوين بس ام كحلي تموتت
عزيزه : اي كل ما احد طلع للرياض رجع يمدحها وتراها مخطوبه لاخو نجد
اصايل : عبد العزيز الي تو عند الباب ؟
عزيزه : اي هو
اصايل بحسد : يهب ياحظها صح انها حلوه بس ما تستاهله
عزيزه : صدق والله كثير عليها

عند الرجال
بدو يكثرون الرجال والمعازيم لين امتلى المجلس ونصهم جلسو بالحوش
تقدمو احفاد كسار يرحبون بالضيوف ويقهوونهم
عند المعازيم الي كانو يتحمدون لبدر بالسلامه
ويباركون لعبد العزيز عالخطوبه
بعد دقايق بدا يزين الجو وطلعو احفاد كسار يناظرون بعض بلغ عبد العزيز الباقيين ان وقت السامري بدا توجهو بشكل سريع يصفون صف واحد وبصوت جماعي قبالهم كسار المبتسم لهم اشتغل السامري وبصوت جماعي رددو وراه /

اجلس تربع بالحشاء حط مركاك
واشرب من عروق الغلاء لين تروى
وآمر تدلل واطلب الروح تفداك
وشلون افرط بك وانا حي واقوى
اسرفت في ذكراك لاجل اكسب ارضاك
ولولاك تسوي ما قويت اتهقوى
عيني تشوف اللي عطي الزين ارواك
وملح خلط طيبك وللطيب شروى
ولاضن من شافك من الخلق ينساك
وده يسلي خاطره دون جدوی
يلعن ابو من شاف زولك ولا اغلاك
جعله يموت اليوم والحب يبقى