—
في المزرعه
كسار الي دخل المزرعه مع عياله و حريمهم و شافو كيف طفايات الحريق مرميه في الحوش والمزرعه ريحتها حريق جمد الدم في عروقهم كسار الي رجيله ما قدرت تشيله من خوفه على احفاده و لان المزرعه كانت هدوء عبدالله الي على طول بسرعه راح عند البنات و لحقته منيره و و حريم عيالها و عائشة و حصه اما سالم و محسن راحو عند العيال
محسن الي دخل عليهم و دخوله فجعهم
سالم بقلق: وش صارررر في احد صار له شي
محسن :ردو ماتسمعون وش صار ليه في طفايات مرميه
هادي:ماصار شي بس ا
محسن: تكلم نسحب الكلام منك
هادي: المطبخ ولع
دخل على كسار على كلام هادي و طالع في العيال الي كلهم بخير بس فراس و يزيد هادي كانت اثوابهم مغبره و الواضح انه من دخان الحريق بس لاحظ عدم وجود عبدالعزيز
كسار: عبدالعزيز وين
سكتو كلهم يطالعون في بعض
محسن الي تقدم لهادي : ينسحب الكلام منككك
جدك يسالك اخوك وينن
هادي الي تنرفز من صراخ محسن عليه: اخذ هنوف المستشفى انكتمت
كسار الي ما استحمل وراح للبنات عشان يعرف وين عبدالعزيز و وش فيها هنوف
سالم بعصبيه: انتو ما تعرفون تسولفون تكلمو وض صار كيف صار الحريق
يزيد: البنات خلو الزيت شغال و المطبخ انحرق بس الحمدالله محد صار فيه شي
سالم: وهنوف؟
فراس: مافيها شي بس انكتمت من الدخان و اغمى عليها و عبدالعزيز اخذها
سالم الي طالع في هادي: ماعرفت تقول ذي الكلمتين ولا بس تبغى تخوفنا
هادي: ما اعطتيني فرصه اتكلم
سالم الي طنشهم وراح عند البنات
محسن الي طالع في فراس: وانت يا الرخمه ماعرفت تاخذ اختك
يزيد: ما اتوقع وقت ذا الكلام
محسن بصراخ : وانت بتعلمني وش اقول ومتى
عند البنات:
دخل عبدالله بخوف عليهم و شاف بدريه تبكي
عبدالله: وش صار
نوره:ماصار شي لا تخاف بس انحرق المطبخ و الحمدالله كلنا بخير
—
منيره:و بدريه ليه تبكي؟
عايشة: وين نجد وهنوف
دخل كسار: وش صار على هنوف
شوق: مافيها شي بس انكتمت و عبدالعزيز اخذها المستشفى و معهم نجد
حصه بخوف: هنوف فيها شييي تكلمو
شوق: والله مافيها شي الحين يمكن تجي
سلمى الي قرصت بدريه عشان توقف بكي لانها خوفت الكل
حصه الي جات لبدريه: انتي صار لك شي فيك شي؟
بدريه الي مسحت دموعها: لا مافيني شي الحمدالله كلنا بخير
دخل عبدالعزيز و معه نجد و هنوف
كسار الي سمع صوت الباب و كان يمشي بشويش
كسار: هنوف بنتي انتي بخير
هنوف: اي الحمدالله
حصه و الباقين الي راحو لي هنوف عبدالعزيز وخر عنهم وقف جنب العيال
كسار الي الدموع كانت مغرقه عيونه
هنوف اول ما شافت كسار راحت تحضنه: ياجد والله مافيني شي و هذاني قدامك مافيني الا العافية
وخرت عنه ومسح دموعه بطرف شماغه خاف عليها يصير فيها شي و هم يكذبو عليه و كلام هادي و دموع بدريه كانت كفيله انو تاكد له
بدريه الي حضنة هنوف: الحمدالله انك بخير
هنوف بمزح : اوه والله وطلعت مهمه عندكم
عبدالله: ابغى افهم كيف المطبخ انحرق
سالم: البنات حرقو المطبخ
لف على البنات: مين الي خلا الزيت شغال
شوق بلعت ريقها وطالعت في بدريه
عبدالله بعصبيه: سالم قاعد يسال يا شوق صح ولا لا
بدريه بتوتر: اي انا وشوق نسينا النار شغال بس ماك
عبدالله الي قاطعها بعصبيه:كم مره اقول انا ياشوق الزيت ما ينلعب فيه قوليلي انتي لو نسيتو النار شغال اكثر وش كان رح يصير؟
شوق نزلت راسها عبدالله بصراخ: انا اسالك تعرفي وش كان بيصير كان البيت كله انحرق باللي فيه النار في كم دقيقه تحرق المكان كله
سالم: خلاص اهم شي انهم كلهم بخير ومحد صار له شي
عبدالله الي ضرب اياديه في بعض: انا مو عارف الاستهتار حقك ذا متى رح يخلص
كسار: خلاص حصل خير
عند محسن الي كان ساكت و يطالع فيهم طالع في عبدالعزيز ولف على عايشه : بس ماشاءالله على ولدك راعي واجب اول ما شاف هنوف تعبانه اخذها معه المستشفى حتى ما قال عندها اخ يقدر ياخذها
سالم: مو وقت ذا الكلام و عبدالعزيز يعتبر زوجها
محسن: وليه يعتبر ليه ما نسوي عرس ونخليه يجي ويروح مع زوجته بدل المسخره ذي و اخوها الرخمه مايقول انا اخذها
فراس بانفعال: ما شفتها رحت اخذ الطفايه و بدر و عبدالعزيز الي دخلو عليهم
محسن بسخريه: و بدر شاف اختك!
هنوف: خالي ابغى افهم انت بتوصل لوين احنا وين وانت وين هاذا حريق ناررر لاسمح الله احد مات ولا صار له شي و انت بس همك من اخذ اختك المستشفى؟
محسن: انتي ماتعرفي تحترمي نفسك تصارخين قدام العيال ماتعرفين العيب انتي
—
هنوف اللي سحبت عليه ودخلت و دخلو وراها الباقين
محسن لف على عبدالعزيز : خلك رجال و سو العرس وذيك الساعه روح وتعال معها
محسن قبل لايروح لف على هادي: وانت تعلم تسولف لما احد يسالك شي تكلم زين ولا تبي نعلمك كيف تتكلم
كسار: وهو صادق الله يهديك خرعتني
عند البنات بالغرفه
نجد: ما اصدق تفكير خالي
نوره الي انسدحت: عمي هو كذا مارح يتغير
سلمى الي طالعت في شوق الي كانت سرحانه: اش فيك؟
بدريه: يمكن زعلت من كلام خالي عبدالله
شوق تعدلت تمسح دموعها : ابوي ماعمره صرخ علي
نوره: من خوفه عليك
هنوف بانفعال : موقادره استحمل وجودي في ذا المكان مع خالي محسن احس انخنق بس اشوفه
بدريه: تحسين جالسين على قلبه
نجد:هو فعلا حنا جالسين على قلبه
سلمى: هنوف شكله عرسك بيقرب على كذا
شوق: خالي مارح يفكك غير لما تسوين العرس
هنوف: لا يفكني ماني خايفه منه
نجد: الحين كيف رح نعيش و المطبخ محروق كيف ناكل؟
نوره: اكيد جدي بيجيب حل ماعليك
عند العيال:
يزيد الي طالع في العيال اللي كلهم كانو منفسين : وش فيكم خلاص عدت السالفه
عبدالعزيز: في خاطري طلب لحد يردني
يزيد: ابشر بسعدك
عبدالعزيز اللي رما شماغه :نموت خالي ونفتك منه معد ادانيه
فراس: يلا والله فكره
يزيد: عمي بسبع ارواح مايموت على كثر ما دعينا عليه ماصار له شي
—
