لاحول ولا قوه إلا بالله
نجمه لُطفاً
—
عند العيال نامو من التعب بعد ماراحو الضيوف
يزيد بهمس : بدر وش كان يبغى مساعد؟
بدر باستغراب: ليه تسال
يزيد: اسال بس
بدر: ماعنده سالفه بس يسوي واجب و يعاوني اليوم،بس تصدق مو عاجبني اليوم
يزيد :حتى انا اصلا اليوم يقول بعاون بدر نحسن العلاقات
بدر: علاقات وش الي يحسنها؟ لا خله بعيد بعيد احسن
يزيد: انت وش مشكلتك معه
بدر: تدري ماعندي مشكله معه بس هو كذا مايعجبني تفكيره كل ما تكلمت معه في شي انصدم من تخلفه و تفكيره المعقد
يزيد: النسخه الثانيه من محسن
بدر: الحين تتوقع مساعد وش يبي
يزيد: مدري هو غريب و طلباته اغرب بنشوف مع الايام و الحين ننام عشان و رانا صحيه الصباح
بدر: ليه وش عندنا؟
يزيد: ابو عبدالعزيز و ابو فراس جايين
بدر: ماشاءالله غريبه جايين
يزيد: لا تكثر سوالف ويلا ندخل ننام
بدر الي تذكر: اتوقع مو بكره لان سمعت جدي يقول لما يرجع المزرعه بيجون
يزيد: سوو خير بس برضو فيني نوم بنسدح
بدر:يرجال اجلس تو زانت السوالف،عندي سوال
يزيد بتثاوب: ها
بدر: الحين وش فرق بين مشاعر الاعجاب و الحب و العشق
يزيد عقد حاجبه: وش الاساله الغريبه ذي
بدر: الحين جاوب
يزيد: وانت وش شايفني لا صارت عندي تجربه بقول لك
وطى صوته و قال: اسال عبدالعزيز
بدر: الحين صدق احنا كيف عرفنا ان عبدالعزيز يحب؟
يزيد: هو جانا و هو خاطب وكل ما قلنا شي عنها ضحك و ابتسم ما يبي لها ذكاء واضح يحبها
يزيد: بس انت ليه تسال
بدر: انت جاوب اول
يزيد: صبرك يارب ، شوف الاعجاب هو انك مثل شفت الشخص اول مره اعجبت بشكله او ممكن اعجبت باسلوبه و طريقه تفكيره يعني ما مداك تتعمق في الشخص بس من بعيد والحب هو انت عرفت وصار يهمك كل شي فيه و مشاعرك كلها له يهمك امره و تصير تبيه من نصيبك اما العشق هو نفس الحب اتوقع بس زياده بس انت ماقلت لي ليه تسال؟
بدر بتضييع للسالفه: مدري والله جايزه لي قصايد الحب ذي الايام و صارت تجيني ذي الاساله
يزيد: طيب عطنا قصيده دامها جايزه لك
—
بدر:
ياكثر حبك بقلبي و الغرام اكثر
و اتخيل وش كثر احبك غربالي
يا خلطة المسك و الريحان و العنبر
الريح تستاذنك يالطيب الغالي
روح وين ماتشتهي روح قد ما تقدر
انا اول الناس في قلبك وانا التالي و العاشق
يحق لك ياصغير السن تتكبر
الا على اللي يحبك يابعد حالي
و العاشق يعلم الصبار يتصبر
على الضما لا تغطرس و اشهب اللالي
يزيد ابتسم: الله الله صح لسانك
بدر: صح بدنك
يزيد رفع راسه يطالع السماء: يارب في ذا الوقت ان يكون وقت استجابة دعاء و ان ترزقنا الزوجه الصالحه الي نقول لها قصايد حب كذا
بدر: يارب، امش ننام
اليوم الثاني بعد ماجهزو عشان يرجعون المزرعه
نجد: الحين انتو مابتجون معنا؟
نوره تكلمت وهي طالعه من الغرفه: واضح ادمنتو وجودنا بس لا مارح نجي
شوق بدلع: معليش حياتو مابنجي مو ناقصين خالي محسن
هنوف الي كانت ماسكه جوالها و طالعت فيها بضحك: انتي كيف بنت ديره غنوجه
سلمى: مستفزه قصدك
شوق الي تلعب بشعرها: داخلي وحده دلوعه بس طلعوني من الديره ذي
بدريه : واحنا راجعين تعالي معنا
شوق: ما اقول لا
نجد: ترا قلت لهادي من شوي يجيب اغراض من البقاله لا تطلعون الحوش لان غالبا رح يكون جاي او وصل
سلمى: مو العيال كلهم برا؟
نجد: اي عشان كذا اقول كذا لا تطلعون
برا عند نوره الي كانت في الحوش تتمشى و لابسه سماعه تكلم صحبتها لان تدري كل العيال برا دخلت المطبخ و طلعت شافت هادي الي كان داخل ومعه اشياءهم من البقاله كانت بنص الحوش هادي الي اول ما لاحظها صد على طول
نوره شالت السماعه و بتوتر: ماكنت ادري في احد
هادي: انا اصلا توي دخلت بعطي نجد الاغراض ذي و اطلع خذي راحتك و نزل الكيس و طلع
نوره الي ردت على صحبتها
نوره: بصارخخخخ صرت اشوفه اكثر من بدر، اسمعي بقفل
نوره الي دخلت عند البنات ورمت الكيس على نجد و مسكت شعر نجد بشويش
نجد بضحك: قولي بس هادي شافك
نوره: تضحكين هاه اذبحك ليهههه ماقلتي
شوق اللي لفت تشوف نوره :لا ماعليك ياقلبي شكلك حلو لا تخافي
نوره: انتي اسكتي
هنوف: ماعليك يا نوره هو اكيد صد وما انتبه و عادي بس انتي ما سمعتي صوت الباب الحديد ذا؟لو نايمه كنتي سمعتي
نوره: كنك تطقطقين على باب بيتنا؟
هنوف ضحكت:لا والله يازينه
نوره: صح انك صادقه بس كنت لابسه السماعه
سلمى : خلاص ماعليك تعالي اجلسي الحين
—
